ہفتہ, جون 28, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 8082

کاروبار کیلیے نئی سہولت، ‘نشان پاکستان’ متعارف

کی طرف
انجم وہاب
-
0

کراچی: نادرا نے اپنا کاروبار کرنے والے نوجوانوں کی معاونت کے لئے نیا پلیٹ فارم ‘نشان پاکستان’ متعارف کرا دیا۔

نادرا نے ملک میں ڈیجیٹل انقلاب کی راہ ہموار کرنے کے لئے ‘نشان پاکستان’ کے نام سے ایک نیا پلیٹ فارم متعارف کرایا ہے۔

چیئرمین نادرا طارق ملک کے مطابق اپنا کاروبار کرنے والے نوجوان، سٹارٹ اپ اور انٹریپرینیور نادرا کی ڈیجیٹل آئی ڈی سہولیات سے فائدہ اٹھا سکیں گے نشان پاکستان نادرا کی ایک مرکزی سہولت ہے جس میں کاروباری افراد کے لئے ایک "سینڈباکس” بنایا گیا ہے۔

چیئرمین کا کہنا ہے کہ ‘اپلیکیشن پروگرامنگ انٹرفیس کے ذریعے نجی کاروباری ادارے نادرا کو محفوظ طریقے سے معلومات فراہم کر کے آن لائن بائیومیٹرک تصدیق کی سہولت سے فائدہ اٹھا سکتے ہیں بے مثال اقدام کی بدولت کاروباری ادارے ذاتی موجودگی کے بغیر بائیومیٹرک تصدیق کی سہولت سے فائدہ اٹھا سکیں گے۔

ان کا کہنا تھا کہ نشان پاکستان کی بدولت ملک میں نئی مارکیٹیں وجود میں آئیں گی نشان پاکستان کی سہولیات سے فائدہ اٹھانے کے لئے نشان پورٹل پر رجسٹریشن کے بعد آن لائن درخواست جمع کرائی جا سکتی ہے۔ کراچی: آن لائن ادائیگی کے لئے کریڈٹ/ ڈیبٹ کارڈ استعمال کیا جا سکتا ہے منظوری10 سے 15 دن لگ سکتے ہیں۔

نوازالدین صدیقی کو ان کے مداحوں نے سڑک پر ہی گھیر لیا، ویڈیو وائرل

کی طرف
ویب ڈیسک
-
0
نواز الدین

اندور : بھارتی فلم انڈسٹری کے مایہ ناز اداکار نوازالدین صدیقی کو ان کے مداحوں نے مشکل میں ڈال دیا، اداکار نے گاڑی سے باہر نکل کر صورتحال پر قابو پایا۔

تفصیلات کے مطابق بالی ووڈ اداکار نوازالدین صدیقی کو ان کی بے مثال اداکاری اور دلچسپ ڈائیلاگز کی وجہ سے شائقین میں بے حد پسند کیا جاتا ہے۔

اداکار نوازالدین صدیقی گزشتہ روز اپنی آنے والی فلم ’’جوگیرا سارا را را‘‘ کی تشہیر کے لیے ساتھی اداکارہ نیہا شرما کے ہمراہ اندور پہنچے تھے۔

اپنے شہر میں نوازالدین صدیقی کی آمد پر ان کے مداحوں میں خوشی کی لہر دوڑ گئی، کچھ پرجوش مداحوں نے ان کی کار کو سڑک پر ہی گھیر لیا۔

اس دورے کے دوران کچھ شائقین نے اداکار کی گاڑی کے گرد سڑک پر ہی گھیرا ڈال دیا۔ اداکار کو دیکھتے ہی مداح تصاویر لینے کے لیے ان کی گاڑی کے پاس پہنچ گئے جس کے باعث سڑک پر ٹریفک جام ہوگیا۔

اس منظر کی ویڈیو بھی سوشل میڈیا پر وائرل ہورہی ہے جس میں وہ پرجوش مداحوں کو سمجھاتے ہوئے نظر آرہے ہیں۔

انسٹاگرام پر پاپرازی نامی اکاؤنٹ سے شیئر کی گئی ایک ویڈیو میں دیکھا جاسکتا ہے کہ بعدازاں اداکار نے خود کھڑکی سے باہر نکل کر مداحوں کو ٹریفک نہ جام کرتے ہوئے گاڑی نکالنے کو کہا۔

واضح رہے کہ اندور میں میڈیا سے بات چیت کے دوران نوازالدین نے شائقین کی سنیما گھروں سے دوریوں پر بات کی۔ اداکار نے کہا کہ اگر ناظرین سینما سے ناراضگی جاری رکھیں گے تو سینما ختم ہوجائے گا۔

کشن نندی کی ہدایت کاری میں بننے والی فلم ’’جوگیرا سارا را را‘‘ ایک ہندی زبان کی رومانٹک کامیڈی فلم ہے۔ اسے غالب اسد بھوپالی نے لکھا ہے اور اسے کرن شروف اور نعیم صدیقی نے مشترکہ طور پر پروڈیوس کیا ہے۔ فلم میں نوازالدین صدیقی اور نیہا شرما۔ سنجے مشرا اور مہاکشے چکرورتی اہم کرداروں میں ہیں۔

ارمینا خان نے بیٹی کا چہرہ مداحوں کو دکھا دیا

کی طرف
ویب ڈیسک
-
0
ارمینا

شوبز انڈسٹری کی معروف اداکارہ ارمینا رانا خان نے اپنی ننھی بیٹی کا چہرہ مداحوں کو دکھا دیا۔

فوٹو اور ویڈیو شیئرنگ پلیٹ فارم انسٹاگرام پر اداکارہ ارمینا رانا خان نے بیٹی کی پیدائش کے چھ ماہ ننھی پری کا چہرہ ایک میگزین کو دیے گئے انٹرویو کے ذریعے دکھایا ہے۔

 

View this post on Instagram

 

A post shared by Armeena Khan (@armeenakhanofficial)

انہوں نے میگزین کی جانب سے شیئر کی گئی تصویر کو ری شیئر کرتے ہوئے اپنی بیٹی کا تعارف پیش کیا اور بتایا کہ مذکورہ تصویر اس وقت کی ہے جب وہ چند دنوں کی تھی۔

واضح رہے کہ انہوں نے بیٹی کی پیدائش کا اعلان گزشتہ برس 25 دسمبر کو کیا تھا۔

ارمینا رانا خان، فیصل خان کے ساتھ 2020 میں رشتہ ازدواج میں منسلک ہوئی تھیں اور دسمبر 2022 میں جوڑے کے ہاں بیٹی کی ولادت ہوئی تھی۔

مویشی منڈی میں ڈکیتی کی وارداتیں؟ حقیقت سامنے آگئی

کی طرف
سلمان لودھی
-
0
کراچی مویشی منڈی

کراچی: پولیس نے مویشی منڈی ناردرن بائی پاس کے راستے غیرمحفوظ ہونےکی تردید کر دی۔

ایس ایس پی ویسٹ کے مطابق کیٹل منڈی میں اب تک لوٹ مار کا کوئی واقعہ رپورٹ نہیں ہوا، 250 سے زائد مزید اضافی اہلکاروں کی درخواست بھی دی گئی ہے۔

ایس ایس پی ویسٹ فیصل بشیر کا کہنا ہے کہ منڈی میں شہریوں کی شکایات کیلئےعارضی کنٹرول روم بھی بنایا جائے گا۔

اےایس آئی محمدعلی پیرزادہ نے کہا کہ منڈی کے راستوں پر پولیس صبح 8 سے رات 8بجے تک تعینات ہیں نائٹ شفٹ والے ہمیں اسی جگہ رپلیس کرتے ہیں روزانہ آمدورفت والےافرادکی سرچنگ کاعمل جاری ہے الحمدللہ اب تک کوئی ناخوشگوار واقعہ پیش نہیں آیا۔

واضح رہے کہ ایسی اطلاعات موصول ہوئی تھیں کہ منڈی جانے والے راستوں میں لوٹ مار کی جارہی ہے اور شہریوں کو ان کے قیمتی سامان، موبائل، اور نقدی سے محروم کیا جارہا تھا۔ رہزنی اور ڈکیتی کی خبروں پر پولیس کی جانب سے تردید کی گئی ہے۔

شمالی وزیرستان میں دہشتگردوں کا حملہ، 3 جوان اور 1 شہری شہید

کی طرف
لئیق الرحمن
-
0
شمالی وزیرستان میں سکیورٹی فورسز کی بڑی کارروائی، 6 دہشتگرد ہلاک

راولپنڈی: شمالی وزیرستان علاقے دتہ خیل میں دہشتگروں نے بارود سے بھری گاڑی سے حملہ کر کے فوج کے 3 جوانوں اور ایک سویلین کو شہید کر دیا۔

فوج کے شعبہ تعلقات عامہ (آئی ایس پی آر) کے مطابق دتہ خیل میں دہشتگروں کے حملے میں نائیک سید اللہ شاہ، سپاہی جواد، کانسٹیبل حکیم جان اور ایک سویلین شہید ہوا، خودکش بمبار بڑے عوامی اجتماع کو نشانہ بنانا چاہتا تھا۔

آئی ایس پی آر کے مطابق اہلکاروں کی بروقت کوشش سے بڑے سانحے کو روک لیا گیا، سکیورٹی اہلکاروں نے مشتبہ گاڑی کو روکا تھا۔

فورسز اور قانون نافذ کرنے والے اداروں نے دہشتگردی کے خاتمے کا عزم کیا۔ سکیورٹی فورسز کی قربانیاں ہمارے عزم کو مزید تقویت دیتی ہیں۔

قبل ازیں سکیورٹی فورسز نے جنوبی وزیرستان میں انٹیلیجنس بیسڈ آپریشن کے دوران 6 دہشتگردوں کو ہلاک کیا۔ آپریشن کوٹ اعظم میں میں کیا گیا جہاں سکیورٹی فورسز اور دہشتگردوں میں شدید فائرنگ کا تبادلہ ہوا۔

6 ہلاک دہشتگردوں سے ہتھیار اور گولیاں برآمد کر لی گئیں، اہل علاقہ نے دہشتگردی کے خاتمے کیلیے فوج کے بھرپور تعاون کے عزم کا اعادہ کیا۔

بھارت میں بدنام زمانہ گینگسٹر قتل، ویڈیو سامنے آگئی

کی طرف
ویب ڈیسک
-
0
جرنیل سنگھ

بھارتی پنجاب کے بدنام زمانہ گینگسٹر جرنیل سنگھ کو نامعلوم افراد دن دیہاڑے گولیاں مارکر قتل کردیا۔

بھارتی میڈیا رپورٹ کے مطابق گینگسٹر جرنیل سنگھ کا تعلق بدنام زمانہ گوپی گھمشام پوریا گینگ سے تھا جو ان دنوں ضمانت پر تھا، اسے ایک نامعلوم افراد نے امرتسر میں فائرنگ کرکے قتل کردیا۔

پولیس کا کہنا ہےکہ دن دہاڑے قتل کی واردات کی کچھ سی سی ٹی وی ویڈڈیو بھی سامنے آئی ہیں جن میں نقاب پوش افراد کو گولیاں چلاتے دیکھا گیا ہے جب کہ واقعے کی تحقیقات اور حملہ آوروں کی تلاش شروع کردی ہے۔

پولیس کے مطابق ابتدائی تحقیقات میں یہ خدشہ ظاہر کیا جارہا ہے کہ جرنیل سنگھ کو گینگ وار کی دشمنی میں قتل کیا گیا ہے۔

پولیس کا بتانا ہے کہ نامعلوم مسلح شخص کی جانب سے جرنیل سنگھ کو 20 سے 25 گولیاں ماری گئیں جس کے بعد اسے طبی امداد کے لیے اسپتال منتقل کیا گیا جہاں ڈاکٹرز نے اس کی موت کی تصدیق کردی۔

ایس ایس پی امرتسر رورل ستیندر سنگھ کا کہنا ہے کہ جرنیل سنگھ کو ملزمان کی شناخت کر لی گئی ہے اور جلد ہی انہیں گرفتار کرلیا جائے گا۔

کتے کا ہیلمٹ پہن کر موٹرسائیکل پر سفر، دلچسپ ویڈیو وائرل

کی طرف
ویب ڈیسک
-
0

بھارت میں کتے نے ہیلمٹ پہن کر موٹر سائیکل پر سفر کیا جس کی ویڈیو سوشل میڈیا پر وائرل ہوگئی۔

موٹر سائیکل سوار ٹریفک پولیس کی جانب سے چالان سے بچنے کے لیے ہیلمٹ پہن کر موٹرسائیکل چلاتے ہیں لیکن کیا کبھی آپ نے کسی جانور کو موٹرسائیکل پر ہیلمٹ پہنے سفر کرتے دیکھا ہے۔

یہ دیکھ کر آپ حیران رہ جائیں گے ایک شخص نے موٹر سائیکل چلاتے وقت خود تو ہیلمٹ پہنا ہی ساتھ ہی اپنے ساتھ موجود کتے کو بھی ہیلمٹ پہنا دیا۔

ریاست تامل ناڈو کے شہر چنئی کے شمال مغربی علاقے کا ایک شخص اپنے پالتو کتے کے ساتھ موٹر سائیکل پر نکلا۔

قواعد کے مطابق ایک اصول ہے کہ گاڑی پر سفر کرنے والوں کو ہیلمٹ ضرور پہننا چاہیے لیکن جانوروں کے لیے کوئی اصول نہیں ہے لیکن اپنے پالتو کتے سے محبت کی وجہ سے موٹرسائیکل سوار نے اسے بھی ہیلمٹ پہنا دیا۔

اس ویڈیو پر صارفین الگ الگ ردعمل کا اظہار کر رہے ہیں۔ ایک صارف نے اپنی رائے بتاتے ہوئے کہا کہ اگر آپ کسی سے پیار کرتے ہیں اور ان کا خیال رکھتے ہیں تو وہ اپنے ساتھی کو بائیک پرسواری کے دوران ہیلمیٹ پہناتے ہیں۔

دوسرے صارف نے لکھا کہ ’کتے سے لوگوں کو سبق سیکھنے کی ضرورت ہے۔‘

اسد عمر کو دو دن تک گرفتار نہ کیا جائے، عدالت کا حکم

کی طرف
ویب ڈیسک
-
0

اسلام آباد : اسد عمر کیس میں اسلام آباد ہائی کورٹ نے تحریری فیصلہ جاری کردیا، جس میں عدالت نے رہائی ملنے کے بعد2دن تک اسد عمر کو گرفتار نہ کرنے کے احکامات جاری کیے ہیں۔

اسلام آباد ہائی کورٹ کی جانب سے اسد عمر کو فوری طور پر رہا کرنے کا تحریری فیصلہ اسلام آباد ہائی کورٹ کے جسٹس میاں گل حسن اورنگزیب نے جاری کیا، اسد عمر کے خلاف درج دو ایف آئی آرز میں 2دن تک گرفتار نہ کرنے کا حکم دیا گیا ہے۔

آج اسد عمرکی جانب سےدفعہ144کی خلاف ورزی نہ کرنے کا بیان حلفی دیا گیا تھا، اسد عمر کا بیان حلفی ملنے کے بعد عدالت نے تحریری فیصلہ جاری کیا۔

اسد عمر کی جانب سے دائر2درخواست پر عدالت نے الگ الگ فیصلے جاری کیے، فیصلے میں کہا گیا ہے کہ اسد عمر کو مجسٹریٹ کی جانب سے جاری تمام احکامات پرعمل کرنا ہوگا۔

تحریری فیصلے میں ہدایت کی گئی ہے کہ مجسٹریٹ کی جانب سے جاری کردہ احکامات پر لازمی عمل درآمد کرنا ہوگا، بیان حلفی کی خلاف ورزی کرنے پر توہین عدالت کی کارروائی کی جائے گی۔

عدالت نے اپنے فیصلے میں 10مئی کو مجسٹریٹ کی جانب سے جاری کیے جانے والے اسد عمر کی گرفتاری کا نوٹیفکیشن غیرقانونی قرار ریتے ہوئے اسے کالعدم قرار دے دیا۔

میئر اور ڈپٹی میئر کے انتخاب کی تاریخ کا اعلان

کی طرف
ویب ڈیسک
-
0

الیکشن کمیشن نے سندھ میں میئر اور ڈپٹی میئر کے انتخاب کی تاریخ کا اعلان کر دیا۔

ترجمان کے مطابق سندھ میں میئر، ڈپٹی میئر، چیئرمین، وائس چیئرمین کونسل کا انتخاب 15جون کو ہو گا۔ امیدوار 9 سے10جون تک کاغذات جمع کراسکیں گے۔

الیکشن کمیشن کی جانب سے جاری شیڈول کے مطابق 11جون کو ریٹرننگ افسران کاغذات کی جانچ پڑتال کریں گے جب کہ 14جون کو امیدواروں کی حتمی فہرست آویزاں کی جائےگی اور 16جون کو آر اونتائج کا اعلان کریں گے جس کے بعد 19جون کو کامیاب امیدوارحلف لیں گے۔

علاوہ ازیں الیکشن کمیشن نے کہا ہے کہ سندھ کی کونسلز کی مخصوص نشستوں پر کاغذات جمع کرانے کا آج آخری دن ہے۔ ترجمان کے مطابق کاغذات نامزدگی کی وصولی کا وقت رات 12بجے تک بڑھا دیا گیا ہے سیا سی جماعتیں بھی امیدواروں کی ترجیحی فہرست رات 12 بجے تک جمع کراسکتی ہیں۔

الیکشن کمیشن کے مطابق آزاد امیدوار چاہے تو 24 مئی تک کسی بھی سیاسی جماعت میں شامل ہو سکتا ہے اس سلسلے میں آزاد امیدوار کو ایک حلف نامہ بھی جمع کرانا ہو گا۔ آزادامیدوار کو واضح کرنا ہو گا کہ وہ کسی دباؤ میں نہیں ہے اور اسے واضح کرنا ہو گا کہ رضاکارانہ سیاسی جماعت میں شامل ہو رہا ہے۔ آزادامیدوار کو تصدیق شدہ حلف نامہ آراو کے پاس جمع کرانا ہو گا۔

کار کے بونٹ پر بیٹھ کر سفر کرنا دلہن کو مہنگا پڑ گیا

کی طرف
ویب ڈیسک
-
0
کار کے بونٹ پر بیٹھ کر سفر کرنا دلہن کو مہنگا پڑ گیا

بھارت کی ریاست اتر پردیش میں کار کے بونٹ پر بیٹھ کر سفر کرنے پر نئی نویلی دلہن بڑی مشکل میں پھنس گئی۔

کچھ روز قبل دلہن نے کار کے بونٹ پر بیٹھ کر سفر کرنے کی ویڈیو سوشل میڈیا پر شیئر کی تھی۔ ویڈیو میں دیکھا گیا کہ وہ حفاظتی اقدامات اٹھائے بغیر بونٹ پر بیٹھی ہیں اور اس دوران کوئی بھی ناخوشگوار حادثہ پیش آ سکتا ہے۔

دلہن کی مذکورہ ویڈیو سوشل میڈیا پر اس قدر تیزی سے وائرل ہوئی کہ ٹریفک پولیس بھی حرکت میں آگئی۔ لڑکی کو قوانین کی خلاف ورزی کرنے پر جرمانہ کیا گیا۔

الہ پور علاقے کی ورنیکا نامی لڑکی نے اس سے قبل بغیر ہیلمٹ اسکوٹر بھی چلائی تھی۔

ورنیکا کو بونٹ پر بیٹھنے کے جرم میں 15 ہزار روپے جبکہ بغیر ہیلمٹ کے اسکوٹر چلانے پر 1500 روپے کا جرمانہ کیا گیا۔

چند روز قبل ریاست بہار میں پولیس اہلکار نے خاتون کی جانب سے شادی کیلیے انکار کیے جانے پر طیش میں آکر شادی کے روز دلہن کو گولی مار دی تھی۔

پولیس اہلکار بیوٹی پارلر میں داخل ہوا جہاں خاتون اپوروا کماری دلہن کا میک اپ کروا رہی تھی اور شادی کے بندھن میں بندھنے والی تھی۔

ملزم نے جب خاتون کو دلہن بنتے دیکھا تو وہ غصے میں آگیا اسے دو گولیاں ماریں۔ ایک گولی اس کے بائیں کندھے پر لگی جبکہ دوسری گولی چھو کر گزر گئی۔

خاتون کو گولی مارنے کے بعد ملزم نے خودکشی کرنے کی کوشش کی لیکن وہ ایسا نہ کر سکا کیونکہ گھبراہٹ کی وجہ سے اس کے ہاتھ سے پستول چھوٹ گئی تھی۔

1...8,0818,0828,083...30,790صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025