کراچی : وزیرصحت سندھ ڈاکٹر عذرا پیچوہو کا کہنا ہے کہ منکی پاکس کی کوئی ویکسین موجود نہیں، اس لیے شہری احتیاط کریں۔

تفصیلات کے مطابق وزیر صحت سندھ ڈاکٹر عذرا پیچوہو نے پریس کانفرنس کرتے ہوئے کہا کہ منکی پاکس کےحوالے سے الرٹ ہیں، سندھ میں اب تک منکی پاکس کا کوئی کیس نہیں آیا۔

وزیر صحت سندھ کا کہنا تھا کہ لیاری کا ایک مشتبہ کیس سامنے آیا ہے،اس کے ٹیسٹ کیے جارہے ہیں، بظاہرایسا لگتا ہے کہ لیاری کا یہ بچہ چکن پاکس کا شکار ہے۔

ڈاکٹر عذراپیچوہو نے بتایا کہ سعودی عرب سے 2 لوگ آئے تھے جو اسلام آباد میں زیر علاج ہیں، ایئر پورٹ پر الرٹ جاری کر دیا ہے اور مسافروں کو چیک کیا جا رہا ہے۔

ان کا کہنا تھا کہ منکی پاکس کی دنیا میں کوئی ویکیسن نہیں ہے، شہری احتیاط کریں ، اسمال پاکس ویکسین موجود ہےاس پر ریسرچ جاری ہے ، اسمال پاکس کی ویکسین بھی منکی پاکس کیخلاف کام کرتی ہے۔

وزیر صحت سندھ نے کہا کہ منکی پاکس سے شرح اموات انتہائی کم ہے، عالی ادارہ صحت نےمنکی پاکس کی ایک ہزار ٹیسٹنگ کٹس فراہم کی ہیں، اسپتالوں کی لیبارٹری میں یہ ٹیسٹ مفت کئےجارہے ہیں۔

اسلام آباد : تحریک انصاف کے رہنما فواد چوہدری کا کہنا ہے کہ اکتوبر سے پہلے الیکشن نہیں کروانا تو خواجہ آصف ابھی اپنی مذاکراتی ٹیم واپس بلا لیں۔

تفصیلات کے مطابق تحریک انصاف کے رہنما فواد چوہدری سے صحافی نے سوال کیا کہ خواجہ آصف نے کہا اکتوبر سے پہلے الیکشن کا امکان نہیں ، جس پر فواد چوہدری کا کہنا تھا کہ خواجہ آصف کہہ رہے ہیں اکتوبر سے پہلے الیکشن نہیں تو مذاکراتی ٹیم واپس بلالیں۔

پی ٹی آئی رہنما شاہ محمود قریشی نے خواجہ آصف کے بیان پر ردعمل دیتے ہوے کہا خواجہ آصف کو حق ہے اپنی رائے دیں، ہم تو سننے آئےہیں بتانے نہیں ، جو زور آور ہوتا ہے وہی بتاتا ہے۔

یاد رہے وزیر دفاع خواجہ آصف نے پارلیمنٹ کے باہر میڈیا سے گفتگو کرتے ہوئے کہا تھا کہ الیکشن ایک دن ہی ہوں گے تاہم الیکشن اکتوبر سے پہلے ہونے کا امکان نہیں۔

خواجہ آصف کا کہنا تھا کہ آپ کہتے ہیں کشیدگی ختم ہونی چاہئے، کشیدگی تو ابھی شروع ہوگی، آپ ابھی الیکشن کراتے ہیں پھر اکتوبر میں بھی کرائیں گے تو کشیدگی تو ہوگی، میں تو اس معاملے پر پنجابی مثال دینا چاہتا ہوں لیکن رہنےدیں۔

وزیردفاع نے کہا تھا کہ ہم آئین کی بات کر رہے ہیں اس میں عمران کی مقبولیت یا خوف کی بات نہیں، مقبولیت ایک ایسی چیز ہے جو کبھی بھی مستحکم نہیں رہتی۔

پاکستان تحریک انصاف کے رہنما فواد چوہدری نے کہا ہے کہ کل اچھے ماحول میں بات چیت ہوئی امید ہے آج معاملات آگے بڑھیں گے۔ 

پاکستان تحریک انصاف کے رہنما فواد چوہدری نے جاری کردہ ٹوئٹ میں کہا کہ حکمرانوں اور عوام کے درمیان مذاکرات کا دوسرا دور آج ہوگا، عوام کو طاقت کا مرکز تسلیم کر کے انتخابات میں جانا مذاکرات کا بنیادی نقطہ ہے۔

ہمارا مؤقف بالکل سادہ ہے تحریک انصاف نے اجتماعی استعفی دیا تھا کہ ملک میں عام انتخابات ہوں جسٹس اطہر من اللہ نے جب اجتماعی استعفیٰ کی تعریف ہی مسترد کر دی اور کہا کہ استعفیٰ اجتماعی نہیں ہو گا تو ہم نے کہا پھر استعفیٰ واپس کر دیں اگر عدالت اجتماعی استعفی کی تعریف نہ بدلتی اور ملک… https://t.co/wiX1CmlCkX

— Ch Fawad Hussain (@fawadchaudhry) April 28, 2023

فواد چوہدری کا کہنا تھا کہ کل اچھے ماحول میں بات چیت ہوئی امید ہے آج معاملات آگے بڑھیں گے، ہم سب کو ایک دوسرے کا نقطہ نظر سمجھ کر ملک کیلئے آگے بڑھنا چاہیے۔

انہوں نے کہا کہ ہمارا مؤقف سادہ ہے پی ٹی آئی نے اجتماعی استعفے دئے تاکہ عام انتخابات ہوں، جسٹس اطہر من اللہ نے اجتماعی استعفے کی تعریف ہی مسترد کردی۔

حکمرانوں اورعوام کے درمیان مذاکرات کا دوسرا دور آج ہو گا،پاکستان میں عوام کو طاقت کا مرکز تسلیم کر کے انتخابات کی طرف جانا ان مذاکرات کا بنیادی نقطہ ہے، کل اچھے ماحول میں بات چیت ہوئ امید ہے آج معاملات آگے بڑھیں گے ہم سب کو ایک دوسرے کا نقطہ نظرسمجھ کر ملک کیلئے آگے بڑھنا چاہئیے

— Ch Fawad Hussain (@fawadchaudhry) April 28, 2023

فواد چوہدری کا مزید کہنا تھا کہ جسٹس اطہر من اللہ نے کہا کہ استعفے اجتماعی نہیں ہوں گے تو ہم نےکہا پھر استعفے واپس کر دیں، عدالت اجتماعی استعفےکی تعریف نہ بدلتی اور ملک انتخابات کی طرف جاتا تو موجودہ بحران پیدا نہ ہوتا۔

اسلام آباد: چیئرمین تحریک انصاف عمران خان کا کہنا ہے کہ مخالفین کو لگتا ہے جیل اور ہراساں کرکے پی ٹی آئی کو توڑسکتے ہیں تو یہ ان کی غلطی ہے۔

تفصیلات کے مطابق چیئرمین تحریک انصاف عمران خان نے عدالت میں پیشی کے موقع پر کارکنوں کی گرفتاری پر ردعمل دیتے ہوئے کہا کہ ہمارے کارکن پرامن طور پر اپنی گاڑیوں میں بیٹھے ہوئے تھے ، پولیس نے ریاستی جبر کا مظاہرہ کرکےانہیں باہر نکالا اورلے گئے، یہی وجہ ہے کہ وہ چاہتے ہیں انتخابات میں تاخیر ہو۔

عمران خان کا کہنا تھا کہ انہیں لگتا ہے جیل ،ہراساں کرکے پی ٹی آئی کو توڑسکتےہیں تویہ انکی غلطی ہے۔

چیئرمین پی ٹی نے ٹوئٹر پر کارکنوں کی گرفتاری کی ویڈیو بھی ٹوئٹ کی، جس میں پولیس کوکارکنان کو گرفتارکرکے لے جاتے ہوئے دیکھا جاسکتا ہے۔

Our workers were sitting in their vehicles peacefully when ICT police in brazen display of State oppression pulled them out & took them away. This is why they want elections to be delayed because they feel they can break PTI by then, through fear of jail & harassment. Won’t work. pic.twitter.com/KJicVW2jVw

— Imran Khan (@ImranKhanPTI) April 28, 2023

فواد چوہدری نے بھی اپنے ٹوئٹ میں لکھا خواجہ سعد رفیق اوراعظم نذیرتارڑ کوغیرضروری گرفتاریوں سے آگاہ کیا ہے، وزیر قانون نے یقین دلایا ہے کہ تمام گرفتارکارکنان کو فی الفور رہا کیا جائے گا۔

رہنما اسد عمر نے بھی حکومت سے مذاکرات کے آج کے دور کو گرفتار کارکنان کی فوری رہائی سےمشروط کردیا تھا۔

اسد عمر کا کہنا تھا کہ آج پھر اسلام آباد ہائیکورٹ کے باہر سے بے گناہ شہریوں کو گرفتار کیا جارہا ہے، حکومت سے آج مذاکرات کا دور تب تک شروع نہیں ہونا چاہئے جب تک بے گناہ لوگوں کوچھوڑا نہ جائے۔