وفاقی حکومت نے پیٹرولیم ڈویلپمنٹ لیوی ہر ماہ 4 روپےفی لیٹر بڑھانے اور بجلی مزید مہنگی کرنے کا عندیہ دے دیا۔
وفاقی وزیر توانائی حماداظہر کے ہمراہ پریس کانفرنس کرتے ہوئے مشیرخزانہ شوکت ترین نے کہا کہ پیٹرولیم ڈویلپمنٹ لیوی ہر ماہ 4 روپےفی لیٹر بڑھانی ہے پی ڈی ایل کو 30 روپے تک لےکرجانا ہے۔
انہوں نے کہا کہ آئی ایم ایف کے ساتھ مذاکرات طے پاگئے ہیں شیرآیا شیرآیا آپ لوگ کہتے رہیں مجھےمعلوم تھا کہ شیر ایک دن آجائےگا آئی ایم ایف کیساتھ اسٹاف ایگریمنٹ کامیابی سےمکمل ہوا کوروناکےباوجود معیشت کی بہتری کوآئی ایم ایف نے تسلیم کیا ایشین بینک،ورلڈبینک بھی ہمیں وسائل دےدیتےہیں۔
شوکت ترین نے کہا کہ کوروناکی وجہ سےحکومت پاکستان کی معاشی ترقی جاری ہے آئی ایم ایف پاکستان کو تقریباً ایک ارب ڈالر دےگا پاورسیکٹرمیں بھی مزیدبہتری کی ضرورت ہے اسٹیٹ بینک کومزید اقدامات کرنے چاہیے حکومت اصلاحاتی ایجنڈے پر کامیابی سے عمل کررہی ہے ٹیکس قوانین اورکاروبارمیں آسانیاں پیدا کرنا ہوں گی۔
وفاقی وزیر توانائی حماداظہر نے گفتگو کرتے ہوئے کہا کہ بجلی کے پرانے معاہدوں کی وجہ سےقیمتیں بڑھانا پڑ رہی ہیں ایسےمعاہدےکیےگئےکہ ہمیں بجلی کی قیمت بڑھاناپڑےگی آئی ایم ایف کے ساتھ بجلی مہنگی پر رضا مندی پہلےہوگئی تھی آئندہ چند ماہ تک بجلی کی قیمتیں نہیں بڑھائی جائیں گی لیکن چند ماہ کے بعد بجلی مزید مہنگی کرنا پڑے گی۔
وزیرتوانائی نے کہا کہ آئی ایم ایف معاہدےکا انڈسٹریل ،گھریلو صارفین پر اثر نہیں پڑے گا آئی ایم ایف نے پاور سیکٹر اصلاحات کو لائق تحسین قرار دیا کرنٹ اکاؤنٹ خسارے میں کمی آئی ہے آئی ایم ایف کیساتھ انرجی پر معاہدہ ہوا ہے جواضافی بجلی استعمال ہو گی اس پر اثر نہیں ہوگا۔
