راولپنڈی میں ’گوادر کو حق دو‘ تحریک کے سلسلے میں جماعت اسلامی کے زیرِ اہتمام  مری روڑ پر احتجاجی مظاہرہ کیا گیا جس میں بڑی تعداد میں کارکنوں نے شرکت کی۔

امیر جماعت اسلامی راولپنڈی عارف شیرازی نے مظاہرین سے خطاب کرتے ہوئے کہا کہ گوادر میں پولیس کی جانب سے مرد و خواتین پر تشدد اور گرفتاریوں کی مذمت کرتے ہیں، گوادر کی تحریک گزشتہ ایک سال سے جاری ہے۔

عارف شیرازی نے کہا کہ بلوچستان کے گورنر اور وزیر اعلیٰ نے خود مظاہرین کے ساتھ معاہدہ کیا، بلوچستان اور گوادر کے لوگ اپنے حقوق کی جنگ لڑ رہے ہیں۔

انہوں نے خبردار کیا کہ اگر حکمرانوں نے گوادر کے لوگوں سے وعدے پورے نہیں کیے تو جمعہ کو مری روڑ بند کر دیں گے۔

جماعت اسلامی پنجاب کے رہنما ڈاکٹر طارق سلیم نے احتجاجی مظاہرے سے خطاب میں کہا کہ مولانا ہدایت الرحمٰن اور ان کے ساتھی پُرامن مظاہرہ کر رہے تھے، گوادر میں پُرامن مظاہرین پر تشدد کی مذمت کرتے ہیں، جمعہ کو پورے پاکستان میں پولیس تشدد کے خلاف مظاہرے کیے جائیں گے۔

اسلام آباد: وزیر اعظم شہباز شریف نے سگریٹ سازی کے شعبے میں اسمگلنگ اور ٹیکس چوری کو فوری طور پر روکنے کی ہدایت کر دی۔

وزیر اعظم کی زیرِ صدارت اعلیٰ سطح کا اجلاس ہوا جس میں ٹوبیکو اسمگلنگ روکنے اور ٹیکس چوری ختم کرنے سے متعلق اقدامات کا جائزہ لیا گیا۔ اجلاس میں وزیر خزانہ اسحاق ڈار، وزیر داخلہ رانا ثنا اللہ، معاون خصوصی طارق باجوہ و دیگر شریک ہوئے۔

اجلاس میں بریفنگ دی گئی کہ سگریٹ کے بیشتر کارخانوں میں ٹریک اینڈ ٹریس سسٹم لگایا گیا ہے جس کے نتیجے میں تمباکو کے شعبے میں ٹیکس وصولی میں بہتری آئی ہے، جولائی سے دسمبر تک اس سیکٹر میں 83.5 ارب ٹیکس وصول ہو چکا ہے۔

اس پر وزیر اعظم شہباز شریف نے ہدایات کیں کہ سگریٹ سازی کے شعبے میں اسمگلنگ اور ٹیکس چوری کو فوری روکا جائے اور ٹیکس چوروں کو قانون کے کٹہرے میں لایا جائے۔

انہوں نے مزید کہا کہ رواں مالی سال میں ایف بی آر ٹیکس اہداف کی وصولی کو یقینی بنائے، جدید ٹیکنالوجی بروئے کار لا کر ٹیکس وصولی نظام کو بہتر بنایا جائے، ایف بی آر ایک جامع حکمت عملی سے ٹیکس وصولی کے نظام کو بہتر بنائے،

وزیر اعظم نے ٹیکس نظام کی بہتری کے لیے ایف بی آر حکام کی کاوشوں کو سراہا۔

پشاور: وزیر اعلیٰ خیبر پختونخوا محمود خان وفاق کی جانب سے امن و امان کے لیے درکار فنڈز روکنے پر برس پڑے۔

اے آر وائی نیوز کے مطابق وزیر اعلیٰ محمود خان کی زیرِ صدارت امن و امان کی صورتِ حال پر اجلاس ہوا جس میں صوبائی وزرا سمیر دیگر نے شرکت کی۔

اس موقع پر محمود خان کا کہنا تھا کہ امن کا قیام اولین ترجیح ہے کیوں کہ امن کے بغیر ترقی ممکن نہیں، پولیس اور سی ٹی ڈی کو مزید مؤثر بنانے کے لیے فنڈز درکار ہیں۔

انہوں نے کہا کہ وفاقی حکومت غیر سنجیدگی کا مظاہرہ کر رہی ہے، صوبے کے فنڈز کو غیر قانونی طور پر روکا گیا ہے، مالی مشکلات کے باوجود پولیس اور سی ٹی ڈی کو درکار وسائل فراہم کر رہے ہیں۔

ان کا کہنا تھا کہ امن کے قیام کے لیےخیبر پختونخوا پولیس کی بے شمار قربانیاں ہیں، ہم ان قربانیوں کو رائیگاں نہیں جانے دیں گے، صوبائی حکومت پولیس کے ساتھ کھڑی رہی ہے اور آئندہ بھی کھڑی رہے گی۔

کراچی: پاکستان کے خلاف کراچی ٹیسٹ میں سینچری اسکور کرنے والے کیوی بیٹر کا کہنا ہے کہ ہم چاہتے ہیں کہ میچ کا نتیجہ نکلے۔

تفصیلات کے مطابق تیسرے روز کھیل کے اختتام پر پریس کانفرنس کرتے ہوئے ٹام لیتھم نے کہا کہ آج کھیل کے پہلے سیشن میں وکٹ اچھی تھی تاہم دوسرے سیشن میں بیٹنگ کرنا تھوڑا مشکل ہوا۔

ٹام لیتھم نے کہا کہ ہم کوشش کرینگے کہ جتنا ممکن ہوسکے رنز کریں اور اپنی برتری کو زیادہ کریں، ہم چاہتے ہیں کہ کراچی ٹیسٹ کا نتیجہ نکلے وجہ یہ ہے کہ پاکستانی ٹیم اپنی کنڈیشنزمیں اچھا کھیل رہی ہے، پلان یہی ہے کہ کل زیادہ سےزیادہ رنزبنائیں،پاکستان کوپریشر میں لیں۔

یہ بھی پڑھیں:’رضوان کپتان بننے آئے میچ ریفری نے روک دیا‘

کین ولیمسن کو شاندار کپتان قرار دیتے ہوئے ٹام لیتھم نے کہا کہ کین ولیمسن ایک شاندار کپتان تھے جبکہ ٹم ساؤتھی اچھےکپتان ہیں،ان کی کپتانی میں کھیلنےکااچھاتجربہ ہے۔

کیوی بیٹر کا کہنا تھا کہ کین ولیمسن نے آج بہت شاندار بلے بازی کی، امید ہے کہ کل ہمارے لئے اچھا دن ہوگا۔

واضح رہے کہ کین ولیمسن اور ٹام لیتھم کی سینچریوں کی بدولت نیوزی لینڈ پاکستان کی پہلی اننگز کا اسکور برابر کرنے میں کامیاب ہوا، کیوی ٹیم کو پاکستان پر 2 رنز کی برتری حاصل ہے جبکہ اس کی ابھی 4 وکٹیں باقی ہیں۔