پاکستان کرکٹ ٹیم کے ڈاکٹر سہیل سلیم نے آسٹریلیا میں قومی ٹیم کو جوائن کرنے سے معذرت کر لی ہے اور اس حوالے سے پی سی بی کو آگاہ کر دیا ہے۔
اے آر وائی نیوز کے مطابق پاکستان کرکٹ تیم کے ڈاکٹر سہیل سلیم نے آسٹریلیا میں قومی ٹیم کو جوائن کرنے سے معذرت کر لی ہے اور اس حوالے سے پی سی بی کو آگاہ کر دیا ہے۔
ذرائع کا کہنا ہے کہ ڈاکٹر سہیل سلیم کے والد علیل اور کینسر کے موذی مرض میں مبتلا ہیں جس کی وجہ سے انہوں نے آسٹریلیا جانے سے معذرت کی ہے۔
ڈاکٹر سہیل سلیم نے پرتھ میں قومی اسکواڈ کو جوائن کرنا تھا تاہم اس صورتحال کے بعد پاکستان کرکٹ بورڈ نے متبادل ڈاکٹر بھیجنے پر غور شروع کر دیا ہے جب کہ مقامی طور پر بھی ڈاکٹر کی خدمات حاصل کرنے کا آپشن موجود ہے۔
واضح رہے کہ پاکستان کرکٹ ٹیم شان مسعود کی قیادت میں تین ٹیسٹ میچز کی سیریز کے لیے آسٹریلیا میں موجود ہے۔ سیریز کا پہلا میچ 14 دسمبر سے پرتھ میں شروع ہو گا۔