بالی وڈ کی سپر ہٹ فلم ’‘اینیمل‘ میں بوبی دیول کی اہلیہ کا کردار نبھانے والی اداکارہ کا تعلق پاکستان سے ہے؟
پاکستان میں بالی ووڈ فلموں کے مداحوں کی بڑی تعداد ہے، اگرچہ فلمیں اب سنیما گھروں میں ریلیز نہیں ہوتیں، لیکن شائقین انہیں ان کی ریلیز کے بعد او ٹی ٹی پلیٹ فارمز پر دیکھتے ہیں۔
بالی ووڈ میں حال ہی میں ریلیز ہونے والی سپر ہٹ فلم پوری دنیا کے باکس آفس پر کروڑوں کا بزنس کرنے میں کامیاب رہی ہے، لیکن کیا آپ جانتے کہ فلم میں ایک اداکارہ کا تعلق پاکستان ہے؟
مین اسٹریم میڈیا اور سوشل میڈیا پر اینیمل میں کام کرنے والی اداکارہ شفینا شاہ نے اس فلم میں بوبی دیول کی دوسری اہلیہ کا کردار نبھایا ہے۔
View this post on Instagram
رپورٹ کے مطابق اداکارہ شفینا شاہ انگلینڈ میں پیدا ہوئیں اُن کی والدہ عطیہ شاہ کا آبائی تعلق پاکستان کے صوبے خیبر پختونخوا کے علاقے کوہاٹ سے ہے۔
بھارتی میڈیا کو دیے گئے ایک انٹرویو کے دوران شفینا شاہ نے بتایا کہ وہ لندن میں پیدا ہوئیں لیکن اُن کی والدہ پشتون ہیں جن کا تعلق پاکستان کے علاقے کوہاٹ سے ہے۔
شفینا شاہ نے کہا کہ میری والدہ بعد میں انگلینڈ منتقل ہوئی تھیں جہاں انہوں نے حاجی اسماعیل راج محمد پٹیل سے شادی کی، میرے والد کا تعلق بھارت سے تھا اور انہیں شوبز انڈسٹری میں ’راج پٹیل‘ کے نام سے جانا جاتا تھا۔
اداکارہ کا مزید کہنا تھا کہ میرے والدین اداکار تھے اور انہیں انڈسٹری نے ہی مِلوایا۔ واضح رہے کہ شفینا شاہ اس سے قبل ایک پاکستانی شارٹ فلم ’لاہور ٹو لندن‘ میں بھی کام کر چکی ہیں جبکہ وہ شاہ رخ خان سے ساتھ ایک اشتہار میں بھی جلوہ گر ہوئی تھیں۔
یاد رہے کہ سفنیہ شاہ نے 2023 کی مس پاکستان بننے کا اعزاز بھی حاصل ہے، اس مقابلے کی تقریب لاہور میں منعقد کی گئی تھی۔
