اسلام آباد :سنی اتحاد کونسل کے رہنما علی محمدخان کا کہنا ہے کہ راتوں رات نتائج تبدیل کیےگئےقوم اس کو قبول نہیں کرے گی۔
تفصیلات کے مطابق سنی اتحاد کونسل کے رہنما علی محمدخان نے اے آر وائی نیوز کے پروگرام ‘اعتراض ہے’ میں گفتگو کرتے ہوئے کہا 100سےزائدنشستوں پرمینڈیٹ چرایاگیایہ کوئی معمولی بات نہیں،راتوں رات نتائج تبدیل کیے گئے قوم اس کوقبول نہیں کرےگی۔
علی محمدخان کا کہنا تھا کہ قومی اسمبلی میں معاملات معمول پرنہ ہوں توصوبوں میں بھی خرابی ہوگی، اسمبلی بہت سے ایسے لوگ بیٹھےہیں جوفارم47کےمطابق جیتےہیں، فارم45 اورفارم47کےمطابق الیکشن جیتنےوالوں میں فرق ہے۔
انھوں نے سوال کیا کیاانصاف دیناصرف عدلیہ کاکام ہے،بیوروکریسی کس مرض کی دواہے، کیابیوروکریسی ریاست کی ملازم ہے یاکسی حکومت کی غلام ہے۔
علی امین گنڈاپور کے بیان پر رہنما سنی اتحاد کونسل نے کہا کہ علی امین گنڈاپورنےجوگفتگوکی ہےاصولوں پر مبنی ہے، کسی پرایف آئی آرکٹی ہےثبوت ہیں تودرست ورنہ ختم کی جائےگی، وزیراعلیٰ کےپی نے اسی لیے کہا غلط کیس بنائےہیں تواسےختم کریں، کسی کیخلاف درست کیس ہےتوآگےبڑھایاجائے۔
ان کا مزید کہنا تھا کہ غلط کیس بنےہیں توانہیں ختم ہوناچاہیے، جب غلط کیس بن رہےتھےایک افسرنےبھی مخالفت نہیں کی،ریاستی اداروں پرحملہ ریاست پرحملہ سمجھاجاتاہے۔
علی محمدخان نے سوال کیا کیامسلم لیگ ن کی قیادت کبھی تبدیل ہوئی ہے، ہماری پارٹی میں توبانی پی ٹی آئی کی جگہ بیرسٹرگوہرآگئےہیں، ہماری پارٹی میں تواسدعمرکی جگہ عمرایوب جنرل سیکریٹری بن گئے، کیان لیگ اور پیپلزپارٹی کی قیادت میں کبھی تبدیلی ہوئی ہے۔
مخصوص نشستوں سے متعلق انھوں نے کہا کہ مخصوص نشستوں کیلئےسنی اتحادکونسل کےپلیٹ فارم سے لڑ رہے ہیں، سیاسی جماعتوں میں بات چیت ہوتی ہے، مولانافضل الرحمان سےدھاندلی کےایشوپربات چیت ہوئی ہے، فضل الرحمان بھی سمجھتےہیں کہ فارم45،47میں دھاندلی ہوئی۔
رہنما سنی اتحاد کونسل کا کہنا تھا کہ جولوگ ووٹ کوعزت کی بات کرتےہیں انہیں اخلاقی ہمت دکھانی چاہیے اور جو لوگ آج مینڈیٹ چوری کررہےہیں کل ان کا بھی مینڈیٹ چوری ہوسکتاہے۔
