ایران میں گزشتہ ماہ جنرل قاسم سلیمانی کی برسی پر دھماکوں پر امریکا کی جانب سے موقف دیتے ہوئے امریکی عہدیدار نے کہا ہے کہ امریکا نے ایران کو پہلے سے دہشت گردی کے خطرے سے متعلق خبردار کیا تھا۔
بین الاقوامی خبر رساں ادارے کی رپورٹ کے مطابق امریکا نے نجی ذرائع سے ایران کو دہشت گردی کے خطرے سے آگاہ کیا تھا۔
امریکی عہدیدار کا کہنا تھا کہ امریکی حکومت نے خبردار کرنے کی دیرینہ پالیسی کی ذمہ داری نبھانے میں کوتاہی نہیں برتی، امریکا کا کہنا ہے کہ دہشت گرد حملوں میں معصوم جانیں بچانے کے لیے جزوی انتباہات جاری کرتے ہیں۔
- Advertisement -
امریکا اور برطانیہ نے حوثی رہنماؤں پر پابندی عائد کردی
واضح رہے کہ ایران کے شہر کرمان میں گزشتہ ماہ جنرل قاسم سلیمانی کی برسی کی تقریب میں ہونے والے دو دھماکوں میں 100 سے زیادہ افراد شہید ہوگئے تھے جبکہ متعدد زخمی بھی ہوئے تھے۔
