سندھ فوڈ اتھارٹی نے بڑی کارروائی کرتے ہوئے مشہور برانڈ کے مشروبات کی نقل تیارکرنے والی فیکٹری پر چھاپہ مارا ہے۔
تفصیلات کے مطابق حیدرآباد کی الوحید کالونی حالی روڈ پر جعلی مشروبات بنانے والی فیکٹری پکڑی گئی۔ فیکٹری میں مشہور برانڈ کی مشروبات کی نقل تیار کی جاتی تھی۔
اطلاع ملنے پر سندھ فوڈ اتھارٹی حیدرآباد کی جانب سے فوری کارروائی کرتے ہوئے جعلی مشروبات کی فیکٹری پر چھاپہ مارا گیا۔
- Advertisement -
سندھ فوڈ اتھارٹی کا اس حوالے سے تفصیل بتاتے ہوئے کہنا تھا کہ مذکورہ فیکٹری میں مشہور مشروبات کی نقل تیار کی جارہی تھی۔
فوڈ اتھارٹی کی ٹیم نے سینکڑوں لیٹر نقلی تیار کیا گیا مشروب ضائع کردیا جبکہ جعلی فیکٹری کے مالک عبدالکریم پر 2 لاکھ روپے جرمانہ عائد کیا گیا ہے۔
