اسلام آباد : سپریم کورٹ میں مٹھائی اور بیکری آئٹمز کی قیمتوں کے تعین کے کیس کی سماعت پندرہ نومبر کو مقرر کردی گئی۔
تفصیلات کے مطابق مٹھائی اور بیکری آئٹمز کی قیمتوں کے تعین کا معاملہ سپریم کورٹ پہنچ گیا ، سپریم کورٹ نے شہری ادریس اعوان کی اپیل 15 نومبر کو سماعت کیلئے مقرر کردی۔
چیف جسٹس فائزعیسیٰ کی سربراہی میں 3 رکنی بنچ سماعت کرے گا، عدالت نے ایڈووکیٹ جنرل کے پی سمیت فریقین کو نوٹس جاری کردیا۔
- Advertisement -
درخواست گزار نے پشاور ہائیکورٹ کے فیصلے کیخلاف سپریم کورٹ میں اپیل دائر کررکھی ہے، پشاور ہائیکورٹ نےمٹھائیوں اور ،بیکری آئٹمز کی قیمتیں کنٹرول کرنےکوانتظامی معاملہ قرار دیا تھا۔