بھارت کی ریاست تلنگانہ کے ٹاؤن کورٹلہ میں سسر کے انتقال پر دلبرداشتہ داماد بھی دو گھنٹے میں چل بسا۔
میڈیا رپورٹس کے مطابق محمد صادق نامی شخص کو چند روز قبل برین اسٹروک ہوا تھا۔ داماد محمد عارف نے سسر کو علان کیلیے اسپتال منتقل کیا تھا۔
محمد صادق کو صحت یابی کے بعد گھر منتقل کیا گیا لیکن بدقسمتی سے اگلے ہی دن ان کی طبیعت بگڑ گئی تھی۔ محمد عارف سسر کو اسپتال منتقل کرنے کی تیاری میں مصروف تھا کہ وہ انتقال کر گئے۔
محمد عارف نے افسوس ناک خبر سے تمام رشتے داروں کو آگاہ کیا اور تدفین کیلیے انتظامات میں لگ گیا۔ جب وہ اپنے بڑے بھائی کے گھر پہنچا تو پسینے میں لت پت تھا۔
آرام کی عرض سے محمد عارف جیسے ہی بستر پر لیٹا اسے دل کا دورہ پڑ گیا۔ اس کے بھائی نے فوراً اسے اسپتال منتقل کیا لیکن تب تک وہ بھی انتقال کر چکا تھا۔
محمد صادق کی وفات پر غم سے نڈھال اہل خانہ اور رشتے داروں تک جب محمد عارف کے انتقال کی خبر پہچ تو کہرم مچ گیا۔ محمد عارف نے سوگواران میں دو بچوں اور حاملہ بیوی کو چھوڑا۔