بھارت میں بدلا پور ہاؤسنگ سوسائٹی کے اندر 2 موٹر سائیکل سواروں نے راہ چلتی خاتون سے سونے کی چھین لی، جس کی ویڈیو بھی سوشل میڈیا پر وائرل ہوگئی۔
خاتون اپنی سوسائٹی میں واک کررہی تھیں کہ ڈاکو جو موٹر سائیکل پر سوار تھے، ان کے قریب آئے اور باآسانی طلائی چین چھین کر فرار ہوگئے۔ انہوں نے چلتی ہوئی بائیک سے خاتون کے گلے سے چین کو کھینچا اور فرار ہونے میں کامیاب ہوگئے۔
#viralvideo | Watch these motorcycle rider robbers snatch a gold chain from a woman inside Arihant Akshay Society in Badlapur West. pic.twitter.com/nTUONJSYPB
— Siraj Noorani (@sirajnoorani) August 7, 2023
بھارت میں خواتین کے خلاف جرائم میں روز بروز اضافہ ہورہا ہے، مبینہ طور پر یہ واقعہ بدلا پور ویسٹ میں واقع اکشے سوسائٹی میں پیش آیا۔ اس واقعے کی ایک ویڈیو سوشل میڈیا پر گردش کر رہی ہے۔ ویڈیو میں دیکھا جا سکتا ہے کہ بدلا پور میں دو موٹر سائیکل سوار نوجوان دن دیہاڑے ایک خاتون سے اس کی سونے کی چین چھین رہے ہیں۔
خاتون نے کچھ دور تک تو موٹر سائیکل سواروں کا بھاگ کر پیچھا کیا لیکن کوئی فائدہ حاصل نہیں ہوا۔ خاتون کو مدد کے لیے پکارتے ہوئے بھی دیکھا جا سکتا ہے جب ڈاکو اس کے گلے سے چین چھین رہے تھے۔ واقعہ سی سی ٹی وی کیمرے میں قید ہوگیا۔اس معاملے میں ابھی تک کسی گرفتاری کی اطلاع نہیں ملی ہے۔
