ٹوبہ ٹیک سنگھ : زہریلی چائے پینے سے4 بہن بھائی جاں بحق ہوگئے جبکہ والدہ کی کی حالت تشویشناک ہیں، خاتون نے شوہر پر چائے میں زہر ملانے کا الزام عائد کیا ہے۔
تفصیلات کے مطابق ٹوبہ ٹیک سنگھ کے نواحی گاؤں میں زہریلی چائے پینے سے والدہ اور5بچوں کی طبیعت خراب ہوگئی۔
ریسکیو حکام نے بتایا والدہ اور بچوں کو اسپتال منتقل کیا گیا ، جہاں ڈی ایچ کیواسپتال میں 4 بچے دم توڑ گئے جبکہ ماں اور ایک بچے کی حالت تشویشناک ہے۔
حکام کا کہنا تھا کہ جاں بحق افراد میں 6 سالہ علی،7سالہ اقرا،22سالہ ثانیہ اور 18سالہ مدیحہ شامل ہیں ، میاں بیوی کےدرمیان گزشتہ روزجھگڑا ہوتا تھا۔
خاتون نے شوہر پر چائے میں زہر ملانے کا الزام لگاتے ہوئے کہا چائے میں زہرشوہر نےملایاہے، شوہربچوں کےرشتوں پر جھگڑاکرتا تھا اور مالی حالات بھی برےہیں۔
اےایس پی محمد فہیم نے کہا کہ تھانہ صدر کی حدود میں فیملی میں 6افراد کو زہر دیا گیا ہے، تفتیش کررہےہیں،جلد حقائق سامنے آجائیں گے، زیرعلاج مریضوں کی علاج کی بہترین سہولتوں کیلئے ڈاکٹر کوشش کر رہے ہیں۔
