اقوام متحدہ کے ادارے یواین آر ڈبلیو اے نے فلسطینی شہدا کی تعداد پر امریکی صدر کا بیان مسترد کر دیا۔
یواین آر ڈبلیو اے کا کہنا ہے کہ فلسطینی وزارت صحت کی جانب سے جاری اعداد و شمار معتبر ہیں فلسطینی وزارت صحت کی معلومات پہلےبھی قابل اعتبار تھیں۔
امریکی صدرجوبائیڈن نے فلسطینی شہدا کی تعداد پر اعتراض اٹھایا تھا۔ امریکی صدرکےاعتراض کےبعدفلسطینی شہداکی نام کیساتھ فہرست جاری کی تھی۔
فلسطینی وزارت صحت نے غزہ میں شہید ہونے والوں کے نام شائع کر دیے جن میں درجنوں افراد کا تعلق ایک ہی خاندان سے ہے۔
وزارت نے امریکی صدر بائیڈن کے تبصروں کے بعد ناموں کی فہرست جاری کی جنھوں نے کہا تھا کہ انھیں فلسطینیوں کی اموات کے اعداد و شمار پر "کوئی اعتماد” نہیں ہے۔
فلسطینی حقوق کے گروپ الحاق کے عصیل الباجیہ کا کہنا ہے کہ غزہ میں وزارت صحت کی طرف سے مقتول فلسطینیوں کے 7,000 ناموں میں سے پہلے 88 نام شائع کیے گئے ہیں جو کہ ایک ہی خاندان سے ہیں۔