واشنگٹن : ترجمان امریکی محکمہ خارجہ میتھیو ملر کا کہنا ہے کہ صحافیوں کو دھمکیاں کسی بھی طرح قابل قبول نہیں۔
تفصیلات کے مطابق ترجمان امریکی محکمہ خارجہ میتھیو ملر نے پریس کانفرنس کے دوران واشنگٹن میں صحافیوں کو دھمکیوں پر سوال کا جواب دیتے ہوئے کہا کہ سوشل میڈیاپرلوگ ہر طرح کےنامناسب تبصرے اور
دھمکیاں دیتےہیں، صحافیوں کو دھمکیاں کسی بھی طرح قابل قبول نہیں۔
میتھیو ملر کا کہنا تھا کہ دنیا بھر سے کوئی بھی سوال پوچھنا چاہے ہم خوش آمدید کہتے ہیں۔
مزید پڑھیں : مودی حکومت کا پردہ چاک کرنے پر بھارتی ایجنٹس کی اے آر وائی نمائندے کو قتل کی دھمکیاں
پاکستان کے حوالے سے ترجمان نے کہا کہ آئی ایم ایف معاہدے، معاشی استحکام کی پاکستانی کوششوں اور پاکستان کی اپنی معیشت کو مستحکم کرنے کیلئے پیش رفت کی حمایت کرتے ہیں۔
ان مزید کہنا تھا کہ حکومت پاکستان اقتصادی اصلاحات کو ترجیح دے، پاکستان کی اقتصادی کامیابی کے لیے امریکی حمایت غیر متزلزل ہے۔
میتھیو ملر نے کہا کہ پاکستان کے ساتھ معاشی روابط دو طرفہ تعلقات کی ترجیحات ہیں، پاکستان سے تکنیکی مصروفیات کے علاوہ تجارتی وسرمایہ کاری سے منسلک رہیں گے۔