سپریم کورٹ نے 2 ہزار تولے اسمگلنگ سونے کا کیس واپس کسٹم ٹریبونل کو بھجوا دیا۔
تفصیلات کے مطابق کیس کی سماعت چیف جسٹس پاکستان کی سربراہی میں قائم تین رکنی بینچ نے کی۔ جسٹس عائشہ ملک نے کہا کہ کسٹم حکام کس اتھارٹی سے شہری علاقوں میں گاڑی روک کر چیکنگ کرتے ہیں راستوں میں روک کر افراد سے سامان کی رسیدیں طلب کرنے کا اختیار کہاں لکھا ہے موجودہ کیس میں فریقین نے کسٹم حکام کو ٹیکس ادائیگی کی رسیدیں بھی دکھا دیں۔
وکیل نے کہا کہ ٹیکس اور خریداری کی تمام رسیدیں کسٹم حکام کو دے چکے ہیں تمام سونے پر قانون کے مطابق ٹیکسز ادا کئے گئے ہیں، ادا کئے گئے ٹیکسز دوسری کمپنی کے ہیں۔
عدالت نے واضح کیا کہ کسٹم عدالت اور ہائیکورٹ نے تمام حقائق کا جائزہ نہیں لیا کسٹم کورٹ تمام حقائق کا جائیزہ لے کر فیصلہ کرے۔
واضح رہے کہ 95 میں سی آئی اے ماڈل ٹاون نے کارروائی کرتے ہوئے 2000 تولہ سونا پکڑا تھا۔
