سعودی عرب میں گزشتہ دنوں آسمان کے افق پر روشنی کی ایک پراسرار لکیر دکھائی دی جس پر مختلف قیاس آرائیاں کی جا رہی ہیں اور کئی لوگ اسے خلائی مخلوق کہہ رہے ہیں۔
غیر ملکی میڈیا کے مطابق سعودی عرب میں ہفتے کی علی الصباح جب کہ سورج نمودار نہیں ہوا تھا شہریوں نے آسمان پر روشنی کی ایک پراسرار لکیر دیکھی جس کو دیکھنے کے بعد کئی لوگ پریشان ہوگئے جب کہ سوشل میڈیا پر اس حوالے سے قیاس آرائیاں شروع ہوگئیں۔ کئی افراد نے اس لکیر کو خلائی مخلوق سمجھنا شروع کر دیا تاہم ماہر فلکیات نے اس حوالے سے وضاحت کر دی ہے۔
ماہر فلکیاتی امور ڈاکٹر خالد الزعاق کا کہنا ہے کہ ہفتے کی علی الصباح آسمان پر دیکھی جانے والی روشنی کی سفید لکیر دراصل ’ اسٹار لنک ‘ ہے۔ روشن ستاروں کی صورت میں یہ ایک قطار تھی جس سے لوگ واقف نہیں تھے اور وہ اسی لیے اس لکیر کو خلائی مخلوق سمجھ بیٹھے۔
خادل الزعاق نے کہا کہ جمعہ 7 جولائی کو اسپیس ایکس کی جانب سے اسٹار لنک سیٹلائٹس کے ایک گروپ کو مدار میں لانچ کیا ہے جیسے فالکن 9 نامی راکٹ جس کے ساتھ 48 سیٹلائٹس تھے کیلیفورنیا بیس سے لانچ کیا گیا۔
أقمار ستار لنك الفضائية تعبر السماء فجر هذا اليوم السبت وتشاهد من عدة مناطق
*مقطع متداول pic.twitter.com/ifpOcMJIU2— د.خالد صالح الزعاق (@dralzaaq) July 8, 2023
واضح رہے اسٹار لنک مصنوعی سیاروں کے ذریعے ہائی اسپیڈ انٹرنیٹ کوریج کی جاتی ہے جس کے ذریعے انٹرنیٹ سے محروم علاقوں تک انٹرنیٹ کی رسائی ممکن بنائی جاتی ہے۔
