مسلم لیگ ن کی نائب صدر مریم نواز نے سماجی رابطوں کی ویب سائٹ ایکس (سابقہ ٹوئٹر) پر اپنی پروفائل پکچر تبدیل کر دی ہے۔
مسلم لیگ ن کے قائد اور سابق وزیراعظم نواز شریف کی چار سال بعد وطن واپسی کے تاریخ کا حتمی اعلان ہونے کے بعد ان کی صاحبزادی اور پارٹی کی نائب صدر مریم نواز نے سماجی رابطوں کی ویب سائٹ (سابقہ ٹوئٹر) پر اپنی پروفائل پکچر کو تبدیل کر دیا ہے۔
مریم نواز کی جانب سے لگائی گئی نئی تصویر ان کے والد نواز شریف کی ہے جس میں ان کی وطن واپسی پر استقبال اور ہاتھ فضا میں بلند کر کے سامنے موجود لوگوں کو متحد رہنے کا اشارہ دیا گیا ہے جب کہ تصویر کے ساتھ جلی حروف میں 21 اکتوبر درج ہے۔
#NewProfilePic pic.twitter.com/4JLWl7o7ZT
— Maryam Nawaz Sharif (@MaryamNSharif) September 12, 2023
مریم نواز سوشل میڈیا پر سرگرم رہتی ہیں اور کسی بھی سیاسی تبدیلی اور عمل سے متعلق رائے کا اظہار کرتی رہتی ہیں۔
واضح رہے کہ شہباز شریف نے گزشتہ روز اعلان کیا تھا کہ طویل مشاورت کے بعد نواز شریف کی وطن واپسی کے لیے 21 اکتوبر کی تاریخ طے کی گئی ہے۔
