کراچی : کراچی کے 21 میگا منصوبے کراچی میونسپل کارپوریشن (کے ایم سی) واپس لینے تیاری شروع کردی گئی اور اس حوالے سے سمری بھی منظور کرلی ہے۔
تفصیلات کے مطابق محکمہ بلدیات اور کراچی میونسپل کارپوریشن میں اختیارات کی جنگ چھڑ گئی، کراچی کے 21 میگا منصوبے کے ایم سی واپس لینے تیاری شروع کردی گئی ہے۔
13 ارب روپے منصوبے کراچی میونسپل کارپوریشن سے واپس محکمہ بلدیات کو دینے کی سمری وزیر بلدیات کی ہدایت پر سیکریٹری بلدیات نے منظور کرلی ہے۔
وزیر اعلی سندھ مراد علئ شاہ کو کراچی میونسپل کارپوریشن کے 13 ارب محکمہ بلدیات کو منتقل کرنے کی سمری ارسال کردی ہے ، جس میں محکمہ بلدیات نے وزیر اعلی سندھ مراد علئ شاہ کو سمری منظور کرنے کی درخواست کی ہے۔
ذرائع نے بتایا کہ 21 زیر تعمیر منصوبوں پر کراچی میونسپل کارپوریشن کام کررہی تھی۔
وزیر بلدیات سعید غنی نے طارق مغل کو پروجیکٹ ڈاریکٹر کراچی میگا پروجیکٹ تعینات کردیا ہے ، چیف سیکریٹری سندھ آصف حیدر شاہ نے تعیناتی کا نوٹیفکیشن جاری کیا۔
