پارک میں ادھیڑ عمر شخص کی لاش ملنے کے بعد ایک خاتون کو اسے قتل کرنے کے شبے میں گرفتار کرلیا گیا۔
برطانیہ میں نیو کیسل انڈر لائم کے کوئین الزبتھ پارک میں آج صبح سویرے ایک شخص مردہ حالت میں پایا گیا تھا جس کی عمر 50 سال کے قریب بتائی جاتی ہے۔ ایک خاتون کو قتل کے الزام میں حراست میں لے لیا گیا ہے۔
افسران نے اس مہلک حملے کے بعد، اسٹوک آن ٹرینٹ کے علاقے سے تقریباً دو میل کے فاصلے پر مارکیٹ ٹاؤن سے ایک خاتون کو پکڑا ہے۔
میڈیا رپورٹ میں بتایا گیا ہے کہ پولیس نے سلور ڈیل روڈ کے جائے وقوع کا جائزہ لیا ہے، جو کہ ایک رہائشی سڑک ہے، یہ پارک سے دور اور مرکزی ہائی اسٹریٹ تک پھیلی ہوئی ہے۔
پولیس نے بتایا کہ صبح 7:45 پر ہمیں کوئین الزبتھ پارک سے اطلاع ملی کہ وہاں ایک لاش ملی ہے۔ جائے وقوع پر موجود مرنے والیے شخص کی عمر 50 سال کے آس پاس ہے۔
نیو کیسل انڈر لائم سے تعلق رکھنے والی ایک 30 سالہ خاتون کو قتل کے شبہ میں گرفتار کیا گیا ہے اور وہ زیر حراست ہے جبکہ اہلکار ابھی بھی جائے وقوع پر موجود ہیں۔
پولیس نے لوگوں سے درخواست کی ہے کہ ’اگر آپ کے پاس کوئی ایسی معلومات ہے جو 3 مارچ کے واقعے کے حوالے سے ہماری مدد کرسکتی ہے تو 101 پر کال کریں یا ہماری ویب سائٹ پر لائیو چیٹ کا استعمال کرتے ہوئے میسج کریں‘۔
