کراچی: امریکی قونصل خانے کی شکایت پر ایف آئی اے نے اسٹوڈنٹ ویزے کے لیے جعل سازی کرنے والی خاتون کوگرفتار کرلیا،ملزمہ مریم گلوبل سٹیپ پرائیویٹ کے نام سے کنسلٹینسی چلارہی تھی۔
تفصیلات کے مطابق ایف آئی اے اینٹی ہیومن ٹریفکنگ سرکل کراچی نے کارروائی کرتے ہوئے ویزے کے حصول کیلئے جعلی دستاویزات میں ملوث خاتون ملزمہ کو گرفتار کرلیا۔
ایف آئی اے حکام نے بتایا کہ ملزمہ کیخلاف کارروائی امریکی قونصل خانےکی درخواست پر کی گئی اور کراچی کے علاقے گلشن اقبال سے گرفتار کیا گیا۔
- Advertisement -
حکام کا کہنا تھا کہ ملزمہ مریم گلوبل سٹیپ پرائیویٹ کے نام سے کنسلٹینسی چلارہی تھی، ملزمہ نے کلائنٹ کے ویزے حصول کیلئے جعلی تعلیمی دستاویزات دیں، دیگر ساتھیوں کی ملی بھگت سے جعلی ڈگری بنوائی۔