خاتون نے اپنے شوہر پر تیز رفتار ٹرک چڑھا دی، بعد ازاں لاش سڑک پر چھوڑ کر گاڑی کو واپس گھر لے آئی کہ کسی کو شک نہ ہو۔
امریکی ریاست وسکونسن کی ایک خاتون پر الزام ہے کہ انھوں نے نشے میں دھت ہو کر اپنے پک اپ ٹرک سے شوہر کو کچل ڈالا جس سے اس کی موت واقع ہوگئی۔ عدالت میں اس ہفتے خاتون کا ٹرائل کیا جائے گا۔
میڈیا رپورٹس کے مطابق 49 سالہ میری ٹیری نشے میں تھیں اس دوران انھوں نے اپنی گاڑی کا نہایت غلط استعمال کرتے ہوئے جان بوجھ کر اپنے شوہر کو قتل کیا۔ اسی تناظر میں کیس کو مزید آگے بڑھایا جائے گا۔
خبروں کے مطابق ٹیری کے شوہر ڈونلڈ برٹن جونیئر کو 19 اکتوبر کو لاونا کے قصبے میں ٹرک سے کچل کر ہلاک کیا گیا تھا۔
اس واقعے کے شاہد ایک پڑوسی نے اپنی کھڑکی کے باہر بریک لائٹس دیکھی تھیں اور ایک زوردار آواز سنی تھی۔ اس کے بعد انھوں نے ایک شخص کو گلی میں پڑا دیکھ کر 911 پر کال کی تھی۔
خاتون ٹیری کے بیان میں مذکورہ رات کے حوالے سے تضاد پایا جاتا ہے۔ انھوں نے پولیس حکام کو دو مختلف قسم کی کہانیاں سنائی ہیں
تاہم دونوں کہانیوں میں ان کا یہی کہنا تھا کہ ان کا شوہر گھر سے ٹرک لے کر نکلا تھا اور وہ کسی نامعلوم شخص کے ہاتھوں مارا گیا۔
خاتون نے مزید بتایا کہ اس نے سڑک پر اپنا ٹرک دیکھا تھا جسے ہ واپس گھر پر لے آئی، اس نے آس پاس اپنے شوہر کو نہیں دیکھا تھا۔
تاہم پولیس کو برٹن کے جسم کچلے جانے کے نشانات ملے ہیں جبکہ ٹیری کے ٹرک کو بھی سامنے سے نقصان پہنچا ہے جو قتل کے شبہات کو پختہ کررہا ہے۔
حکام کے مطابق اس دوران خاتون کے خون میں الکوحل کی سطح بھی تقریباً 0.3 فیصد پائی گئی، ان کے فیلڈ سوبرائٹی ٹیسٹ میں نشہ کے 18 میں سے 17 اشارے مثبت تھے۔
ٹیری نے اپنے شوہر کو ٹرک سے کچلنے سے انکار کیا ہے لیکن ابھی تک عدالت میں کوئی درخواست داخل نہیں کی ہے۔ اگلے ماہ ان کا ٹرائل کیا جائے گا۔
