اسلام آباد: وزیر اعظم عمران خان کے معاونِ خصوصی برائے اوورسیز پاکستانی زلفی بخاری نے ملازمتوں سے محروم ہونے والے ہم وطنوں کے روزگار کے لیے ویب سائٹ کا اجرا کردیا۔
اے آر وائی نیوز کی رپورٹ کے مطابق حکومت نے کرونا یا لاک ڈاؤن کی وجہ سے بیرونِ ملک میں نوکریوں سے برطرف ہونے والے محنت کشوں کو روزگار دینےکا فیصلہ کرلیا۔
معاون خصوصی زلفی بخاری نے اوورسیز پاکستانیوں کیلئے خصوصی پورٹل تیارکرلیا، جہاں ملازمتوں سے محروم ہوکر وطن واپس آنے والوں کا ریکارڈ مرتب کیا جائے گا اور پھر انہیں دوبارہ روزگار فراہم کیا جائے گا۔
مزید پڑھیں: بے روزگار پاکستانیوں کو ملک میں ملازمت دینے اور ہیلتھ ورکرز کویت بھیجنے کا فیصلہ
اوورسیزایمپلائمنٹ کوآپریشن کی ویب سائٹ پر بے روزگار ہونے والے پاکستانیوں کی رجسٹریشن کا عمل شروع ہوگیا ہے۔
معاونِ خصوصی برائے سمندر پار پاکستانی کا کہنا تھا کہ ’بیرون ملک نوکری ختم ہوچکی ہے تو وہ خودکو ویب سائٹ پر رجسٹرڈکروائیں، درخواستیں دینے والے افراد حکومتی کوشش سے دوبارہ ملازمت کے اہل ہوسکتے ہیں۔
تمام وہ افراد جن کی بیرون ملک نوکری ختم ہو چکی ہے،دیے گئے لنک پر رجسٹر کریں
اسکے فوائد:
۱۔ آپ دوبارہ باہر ملازمت کے اہل ہو سکتے ہیں
۲- آپ سرٹیفائڈ ٹریننگ حاصل کرنے کے اہل ہو سکتے ہیں
۳- آپ حکومت کی طرف سے مالی مدد کے لیے اپنے آپ کو رجسٹر کروا سکتے ہیں https://t.co/UNONthdLtU— Sayed Z Bukhari (@sayedzbukhari) June 18, 2020
انہوں نے بتایا کہ رجسٹریشن سےسرٹیفائڈ ٹریننگ حاصل کرنےکے اہل ہوں گے، رجسٹرڈ اوور سیز پاکستانیوں کو حکومت کی طرف سے مالی امداد بھی دی جائے گی۔
