راولپنڈی: چھٹے بین الاقوامی پاکستان آرمی ٹیم اسپرٹ مقابلوں کا آغاز ہوگیا جس میں پاک فوج کی 7 ٹیمیں مدمقابل ہیں۔
پاک فوج کے شعبہ تعلقات عامہ (آئی ایس پی آر) کے مطابق نیشنل کاؤنٹر ٹیررازم سینٹر پبی میں پاک فوج کی سات ٹیمیں مدمقابل ہیں جبکہ امریکا، سعودیہ عرب، بحرین، تھائی لینڈ سمیت 10 بین الاقوامی ٹیمیں بھی شرکت کررہی ہیں۔
آئی ایس پی آر کا بتانا ہے کہ جی او سی 37 ڈویژن افتتاحی تقریب میں مہمان خصوصی تھے۔
- Advertisement -
ترجمان پاک فوج کا بتانا ہے کہ آذربائیجان، میانمار اور نائجیریا مبصر کے طور پر ایونٹ میں شریک ہیں۔
آئی ایس پی آر کے مطابق 60 گھنٹوں پر محیط مقابلے 9 مارچ تک جاری رہیں گے جبکہ مقابلوں میں جسمانی برداشت، ذہنی قابلیت اور ٹیموں کی مہارت کا جائزہ لیا جائے گا۔