ریاض: سعودی عرب میں اب ٹریفک قانون توڑنے والوں کو آرٹیفشل انٹیلیجنس ٹیکنالوجی کے ذریعے پکڑا جائے گا۔
تفصیلات کے مطابق ٹریفک کی خلاف ورزیاں کرنے والوں کی آسان شناخت کے لیے سعودی عرب میں آرٹیفیشل انٹیلی جنس ٹیکنالوجی سے لیس اسمارٹ ٹریفک پیٹرولنگ سسٹم متعارف کرایا جا رہا ہے۔
سعودی محکمہ ٹریفک نے کہا ہے کہ مملکت میں جلد اسمارٹ ٹریفک پیٹرولنگ سسٹم متعارف کرایا جائے گا، جس کے ذریعے ٹریفک اہل کار گاڑی میں بیٹھے ہوئے قانون توڑنے والوں کی شناخت کر سکیں گے۔
- Advertisement -
محکمہ ٹریفک کے مطابق یہ پیٹرولنگ سسٹم ٹریفک سلامتی پر اثر انداز خلاف ورزیاں ریکارڈ کرنے اور مطلوبہ افراد کی شناخت کی خاصیت رکھتا ہے۔
اخبار 24 کے مطابق یہ اسمارٹ سسٹم ابھی تجرباتی مرحلے میں ہے، اس کا تعارف زکوٰۃ، ٹیکس اور کسٹم کانفرنس کے دوران وزارت داخلہ پویلین میں کرایا گیا ہے۔
