کراچی : سندھ ہائی کورٹ میں پٹرول کی قیمتوں میں اضافے اور منی بجٹ کیخلاف درخواست دائر کردی گئی ، جس میں استدعا کی گئی کہ گزشتہ روز پیش کیے گیے منی بجٹ کو واپس لینے کا حکم دیا جائے۔
تفصیلات کے مطابق پٹرول کی قیمتوں میں اضافے اور منی بجٹ کیخلاف سندھ ہائیکورٹ میں درخواست دائر کردی گئی۔
درخواست میں وزارت خزانہ ،اوگرا ،ایف بی آر و دیگر کو فریق بنایا گیا ہے ، جس میں مؤقف اختیار کیا گیا ہے کہ غریب عوام ہر روز بڑھتی مہنگائی میں پس رہی ہیں، پیٹرول کی قیمتیں بڑھنے سے ہر اشیاکی قیمتیں بڑھ جائیں گی۔
- Advertisement -
درخواست گزار نے کہا کہ پیٹرولیم مصنوعات و دیگر اشیاکی قیمتوں میں اضافہ آئین کی خلاف ورزی ہے، گزشتہ روز پیش کیے گیے منی بجٹ کو واپس لینے کا حکم دیا جائے۔
درخواست میں استدعا کی گئی کہ وفاقی حکومت کو منی بجٹ پر عمل درآمد سے روکا جائے۔
