واشنگٹن: امریکی محکمہ خارجہ کے ترجمان نیڈ پرائس نے اےآروائی نیوز کا لائسنس معطل کرنے پر بیان دیا ہے۔
امریکی محکمہ خارجہ کے ترجمان نیڈ پرائس نے پریس بریفنگ میں کہا کہ ہم پاکستان سمیت ہر ایک سے آزادی اظہارکے حق کی بات کرتے ہیں، آزاد صحافت کسی بھی ملک کا اہم ستون اور جمہوری مستقبل کی امین ہے۔
ترجمان محکمہ خارجہ کا کہنا تھا کہ آزاد صحافت، میڈیا اور پرامن اجتماع کے حق میں رکاوٹ پر تشویش ہے، آزاد صحافت، باخبر شہری جمہوری مستقبل کیلئے اہم ہے، میڈیا پر قدغن لگانے پر تشویش ہے۔
امریکی محکمہ خارجہ کے ترجمان نیڈپرائس نے پاکستان میں عورت مارچ پر رکاوٹیں ڈالنے پر بھی ردعمل دیا، انہوں نے کہا کہ پاکستان میں خواتین کے عالمی دن پر عورتوں کو مارچ سے روکا جاتا ہے۔
انہوں نے کہا کہ صنفی مساوات کو مضبوط بنا کر ملک مستحکم ہوتے ہیں، ساتھ ہی پاکستانی سیلاب زدہ اضلاع کے طلبہ کیلئے 500 اسکالر شپس کا اعلان کیا ہے۔
