اسلام آباد: عوام نے سروے میں پر زور مطالبہ کیا کہ 9 مئی واقعات میں ملوث ملک دشمن عناصر کے خلاف ملٹری کورٹس میں ٹرائل کیا جائے۔
تفصیلات کے مطابق 9 مئی کے دل خراش واقعات کی شدید مذمت کرتے ہوئے عوام نے شرپسندوں اور سہولت کاروں کیخلاف سخت کارروائی کرنے کی اپیل کر دی۔
عوام کا کہنا تھا کہ واقعہ 9 مئی کے شرپسندوں نے ملک میں انارکی کو پروان چڑھایا جو دراصل پاکستان کی سرحدوں کے محافظوں کے بھی دشمن ہیں۔
- Advertisement -
عوامی رائے کے مطابق "اصل ذمہ داران اور مرکزی قیادت کے خلاف فوجی عدالتوں میں کارروائی ہونی چاہیے معافی کی کوئی گنجائش نہیں ہے”۔
عوام نے مایوس ہو کر کہا کہ سول عدالتوں کے کمزور نظامِ انصاف کی وجہ سے یہ عناصر بچ نکلتے ہیں تاہم ملٹری کورٹس کے زریعے انکو سزائیں دی جائیں۔
