بھارتی دارالاحکومت میں دریائے جمنا کا بڑھتا ہوا پانی 45 سال میں پہلی بار تاج محل کی دیواروں تک پہنچ گیا۔
بھارتی میڈیا ’ دی ٹائم آف انڈیا‘ کے مطابق بھارتی دارالاحکومت میں دریائے جمنا پھر بھپر گیا، پانی کی سطح خطرے کے نشان سے بھی اوپر چلی گئی جس سے آگرہ تاج کے پیچھے ایک باغ بھی ڈوب گیا۔
ٹائم آف انڈیا کے مطابق دریا میں پانی کی سطح 497.9 فٹ تک پہنچ گئی، جو 495 فٹ کے ‘نچلے درجے کے سیلاب’ کو عبور کر گئی، پانی کی سطح بڑھنے سے ملحقہ دسہرہ گھاٹ میں سیلاب آگیا۔
رپورٹ کے مطابق مقبرے کے بیرونی حصوں میں بھی پانی داخل ہو گیا، ان خدشات کے درمیان رام باغ، مہتاب باغ، زہرہ باغ، کالا گمبد اور چنی کا روضہ جیسی یادگاریں خطرے میں پڑ سکتی ہیں۔
دوسری جانب آرکیالوجیکل سروے آف انڈیا کے حکام نے بتایا کہ ان یادگاروں کو اب تک کوئی نقصان نہیں پہنچا ہے، یہ ہی سیلاب کا پانی تاج محل کے تہہ میں داخل ہوا ہے۔
ٹائم آف انڈیا کے مطابق اے ایس آئی نے دعویٰ کیا کہ ’ تاج محل کو اس طرح تیار کیا گیا کہ تیز سیلاب کے دوران بھی پانی مرکزی مقبرے میں داخل نہیں ہو سکتا۔
واضح رہے کہ رپورٹ کے مطابق آخری بار جب یمنا دریا نے تاج محل کی پچھلی دیوار کو 1978 میں شدید سیلاب کے دوران چھوا تھا۔
