بھارت کی ریاست چھتیس گڑھ میں پولیس نے لڑکی کو 13 سالوں تک جنسی زیادتی کا نشانہ بنانے کے جرم میں معروف فلم ہدایت کار و اداکار منوج راجپوت کو گرفتار کر لیا۔
میڈیا رپورٹس کے مطابق منوج راجپوت نے 13 سال قبل لڑکی سے شادی کا جھوٹا وعدہ کیا تھا اور تب سے اب تک اسے جنسی زیادتی کا نشانہ بناتا رہا۔
پولیس حکام کے مطابق ملزم کو جمعے کے روز اس کے ضلع درگ میں قائم دفتر سے گرفتار کیا گیا۔
ایس ایچ او راج کمار کے مطابق 29 سالہ متاثرہ لڑکی نے 22 فروری کو ملزم کے خلاف شکایت درج کروائی تھی، لڑکی نے بتایا کہ ملزم نے 2011 میں اس سے شادی کرنے کا وعدہ کیا تھا۔
راج کمار نے بتایا کہ ملزم پر عصمت دری، غیر قانونی جنسی تعلقات، دھمکی اور دیگر جرائم کے مقدمہ درج کیا گیا۔ ملزم کو مقامی عدالت میں پیش کیا گیا تاہم POCSO ایکٹ کی دفعات کو یہ کہتے ہوئے منسوخ کر دیا گیا کہ یہ قانون 2011 میں موجود ہی نہیں تھا۔
پولیس نے یہ بھی بتایا کہ متاثرہ لڑکی منوج راجپوت کی رشتے دار ہے۔