ابھیشیک بچن کی اسپورٹس فلم ’گھومر‘ کی ریلیز میں چند ہی ہفتے رہ گئے ہیں ان کے والد امیتابھ بچن نے ان کی فلم کے لیے نیک خواہشات کا اظہار کیا ہے۔
آر بالکی کی ہدایت کاری میں بننے والی فلم کے ایک پوسٹر کو ری ٹویٹ کرتے ہوئے میگا اسٹار نے کہا کہ انھوں نے اس نے فلم کے ’چند شاٹس‘ دیکھے ہیں۔ بیٹے کو ’بھیو‘ مخاطب کرتے ہوئے ہوئے بگ بی نے کہا کہ جس طرح سے ابھیشیک نے کردار میں خود کا ڈھالا ہے وہ متاثر کن ہے۔
تعریف کرتے ہوئے انھوں نے مزید کہا کہ ابھیشیک پروجیکٹس کے حساب سے جس طرح کرداروں کو نبھاتے ہیں وہ فلم کے تقاضوں کے عین مطابق ہوتاہے۔
امیتابھ بچن نے اپنی ٹوئٹ میں لکھا کہ ’’بھیو! گھومر کے لیے میری محبت اور نیک تمنائیں، فلم کے کچھ شاٹس دیکھے اور آپ جس طرح فلم کے موضوع کے مطابق خود کو ڈھالتے ہیں یہ حیران کن ہے، میری دعائیں اور نیک خواہشات، آپ کے لیے ہمیشہ محبت۔‘‘
Bhaiyu .. my love and wishes for GHOOMER .. seen a few shots and it is amazing how you change and adapt characters in tune with the subject of the film .. my prayers and wishes❤️ always .. love https://t.co/xZApuXbyv7
— Amitabh Bachchan (@SrBachchan) August 1, 2023
امیتابھ بچن نے اس پوسٹر کو دوبارہ سے ٹوئٹ کیا جسے ابھیشیک بچن نے یکم اگست کو شیئر کیا تھا، پوسٹر میں، اداکار اپنی ساتھی اداکارہ سیامی کھیر کے ساتھ نظر آرہے ہیں، گھومر 18 اگست کو سینما گھروں میں ریلیز کی جائے گی۔
