کوئٹہ: محکمہ موسمیات نے بارشوں کے نئے سلسلے کا الرٹ جاری کردیا، جس میں بلوچستان کے بیشتر علاقوں میں بارش اور پہاڑوں پر برفباری کی پیشگوئی کی گئی ہے۔
اے آر وائی نیوز کے مطابق محکمہ موسمیات کا کہنا ہے کہ صوبے کے دیگر اضلاع میں موسم سرد اور مطلع جزوی ابر آلود رہے گا، دالبندین، چاغی، نوشکی، پنجگور، گوادر، تربت، کیچ، کوئٹ، زیارت میں بارش کا امکان ہے۔
قلعہ عبداللہ، سیف اللہ، موسیٰ خیل میں گرج چمک کیساتھ بارش، پہاڑوں پر برفباری کا امکان ہے، کوئٹہ میں آج کم سے کم درجہ حرارت منفی 2 ڈگری سینٹی گریڈ ریکارڈ کیا گیا۔
محکمہ موسمیات کے مطابق قلات میں کم سے کم درجہ منفی ایک ڈگری سینٹی گریڈ ریکارڈ کیا گیا جبکہ سبی میں کم سے کم درجہ حرارت 9 ڈگری سینٹی گریڈ ریکارڈ کیا گیا۔
گوادر شہر ڈوب گیا، بڑی تباہی کا خدشہ
نوکنڈی میں کم سے کم درجہ حرارت 8 ڈگری سینٹی گریڈ ریکارڈ کیا گیا، تربت کم سے کم درجہ حرارت 15 ڈگری سینٹی گریڈ ریکارڈ کیا گیا، ساحلی علاقوں جیوانی میں 15 اور گوادر میں 16 ڈگری سینٹی گریڈ ریکارڈ کیا گیا۔
