کندھ کوٹ: سندھ کے علاقے کندھ کورٹ میں ڈاکو اوگاہی لاڑو کے مقام سے 6 افراد کو اغوا کر کے کچے کی طرف فرار ہوگئے۔
تفصیلات کے مطابق پولیس کا کہنا ہے کہ کندھ کورٹ کے اوگاہی لاڑو کے مقام سے ڈاکوؤں نے 3 موٹر سائیکل سوار میں سوار 6 افراد کو اغوا کرلیا۔
ڈاکوؤں نے 5 پولیس اہلکاروں کو اغوا کر لیا
- Advertisement -
پولیس کا کہنا ہے کہ جب پولیس جائے وقوعہ پر پہنچی تو وہاں 3 موٹر سائیکلیں ملیں، مغویوں میں ماجد، آصف، مہراب، اسماعيل، بگو، عیسیٰ شامل ہیں۔
پولیس کا یہ بھی کہنا ہے کہ 15 مسلح ڈاکوؤں نے 6 افراد کو اغوا کیا، جلد ہی مغویوں کو بازیاب کرا لیا جائے گا۔
واضح رہے کہ گذشتہ روز بھی کندھ کوٹ میں لیسوڑو چیک پوسٹ پر ڈاکوؤں نے حملہ کیا تھا پولیس کے مطابق ڈاکوؤں نے پولیس اہلکاروں کو یرغمال بنایا اور 5 پولیس اہلکار سے اسلحہ لوٹ کر فرار ہوگئے تھے۔
