پشاور: خیبر پختونخوا (کے پی) کے نگران وزیر اعلیٰ کے لئے جسٹس(ر) ارشد حسین شاہ کو مقرر کیا گیا ہے۔
تفصیلات کے مطابق سابق وزیر اعلیٰ محمود خان اور اپوزیشن لیڈر اکرم درانی نے آج صوبے کے لئے نگران وزیر اعلی سے متعلق مشاورت کی، گزشتہ شب گورنر کے پی نے دونوں کو وزیر اعلی ہاوس بلانے کیلئے سمری ارسال کی تھی۔
تاہم اب دونوں رہنماؤں کے درمیان خیبر پختونخوا کے نگران وزیر اعلیٰ کے لئے جسٹس(ر) ارشد حسین شاہ نگران کے نام پر اتفاق ہوا ہے۔
نگراں وزیراعلیٰ خیبرپختونخوا کے انتقال کے بعد صوبائی کابینہ بھی تحلیل
اپوزیشن لیڈر اکرم درانی نے کہا کہ محمود خان سے جسٹس(ر) ارشد حسین سمیت دیگر ناموں پر بھی غور کیا گیا، مشاورت کے بعد جسٹس (ر)ارشد حسین کے نام پر کیا ہے، جسٹس (ر) ارشد حسین نئے وزیر اعلیٰ خیبر پختونخواہوں گے۔
خیال رہے کہ گذشتہ روز نگران وزیراعلیٰ خیبرپختونخوا اعظم خان نجی ہسپتال میں انتقال کرگئے تھے جس کے بعد صوبائی کابینہ بھی تحلیل ہوگئی تھی۔
