کراچی : کسٹمز انٹیلی جنس نے ساڑھے تین ارب روپے کا ٹیکس فراڈ پکڑ لیا، کمپنی نے حیدرآباد کسٹمز کلکٹر کو دھوکا دے کر اسٹیل بارزبغیر ٹیکس اور ڈیوٹی کلیئر کرائیں۔
تفصیلات کے مطابق کسٹمزانٹیلی جنس کی کارروائی میں ساڑھے 3 ارب روپے کا ٹیکس فراڈ پکڑاگیا، ایچ ایس جے آئی کون نامی کمپنی نے ڈیوٹی اور ٹیکس کا اربوں روپے کا فراڈ کیا۔
کمپنی نے حیدرآباد کسٹمز کلکٹر کو دھوکا دے کر اسٹیل بارز بغیر ٹیکس ،ڈیوٹی کلیئر کرائیں، ڈیوٹی، ٹیکس ،جرمانے کی مد میں فراڈ کی رقم ساڑھے3 ارب روپےبنتی تھی۔
کسٹمزانٹیلی جنس کسٹمزانٹیلی جنس نے ایف آئی آر درج کرلی تاہم ابھی تک کوئی ریکوری نہیں کی جاسکی ، تعمیراتی پروجیکٹ میں فراڈکی رقم کے استعمال کی معلومات ملیں ہیں۔
ملزم کمپنی ایچ ایس جے آئی سیون کے ساتھ منسلک ہے، بلڈرکمپنی نے دھوکا دہی سے اسٹیل مصنوعات کو کراچی کے پروجیکٹ میں استعمال کیا۔
منی لانڈرنگ کی خفیہ اطلاع پر 27اکتوبرکو ایف آئی آر درج کی گئی تھی، ٹیکس فراڈ کی ایف آئی آرمیں محمدحنیف جیوانی ،احمدحنیف جیوانی اور دیگرافراد نامزد کیا ہے۔
