کراچی ایئرپورٹ سے بیرون ملک فرار روکنے کے لیے ایف آئی اے کا فیس ریکگنیشن نظام اسلام آباد اور لاہور سمیت دیگر عالمی ایئرپورٹس پر تاحال فعال نہ ہوسکا۔
اے آر وائی نیوز کے مطابق ذرائع ایف آئی اے نے بتایا کہ صرف کراچی ایئرپورٹ پرفیس ریکگنیشن نظام فعال ہے، کراچی ایئرپورٹ سے بیرون ملک فرار روکنے کے لیے ایف آئی اے کا نصب سسٹم اب تک کئی ایئرپورٹس پر فعال نہیں ہوسکا ہے۔
ذرائع نے انکشاف کیا کہ اسلام آباد اور لاہور سمیت دیگر عالمی ایئرپورٹس پر تاحال فیس ریکگنیشن نظام فعال نہیں ہے جب کہ ایف آئی اے امیگریشن نے چند ماہ قبل کراچی ایئرپورٹ پر فیس ریکگنیشن سسٹم کو فعال کیا تھا
ذرائع کا کہنا ہے کہ سندھ پولیس سے ڈیٹا لنک ہونے سے بیرون ملک فرار کی کوشش والےملزمان کو پکڑا جاسکے گا، کراچی ایئرپورٹ پر لگے کیمروں کی مدد سے فیس ریکگنیشن سسٹم کو لنک کیا گیا ہے۔
کسی جرم میں ملوث ملزم کے کیمروں کے سامنے سے گزرنے پر ایف آئی اے مانیٹرنگ روم میں الارم بجےگا، جدید نظام سے کرمنلز کو بیرون ملک فرار ہونے سے روکنے میں مدد ملے گی۔
