وزیراعظم شہباز شریف نے ترکیہ سے روانہ ہوتے وقت صدر رجب طیب اردوان اور ان کی اہلیہ سے ملاقات کی جس میں انہوں نے کہا کہ میں آپ کے لیے آموں کا تحفہ لایا ہوں۔
اے آر وائی نیوز کے مطابق وزیراعظم شہباز شریف نے ترکیہ دورے کے اختتام سے قبل ایک تقریب میں صدر رجب طیب اردوان اور ان کی اہلیہ سے ملاقات کی جس میں دونوں رہنماؤں کے درمیان خوشگوار موڈ میں گفتگو ہوئی۔
شہباز شریف نے صدر ترکیہ اور ان کی اہلیہ سے کہا ک میں آپ کے لیے آموں کا تحفہ لایا ہوں جس پر اردوان نے جواب دیا کہ مجھے علم ہے کہ پاکستان کے آم بہت لذیذ اور میٹھے ہوتے ہیں۔
وزیراعظم نے اس موقع پر صدر اردوان کی جانب سے حلف برداری کی تقریب میں مدعو کیے جانے پر ان کا شکریہ ادا کرتے ہوئے کہا کہ آپ کی دعوت کا بہت بہت شکریہ کہ آپ نے اپنی خوشیوں میں ہمیں شریک کیا۔ پاکستان کے عوام آپ کے انتخاب پر بہت خوش ہیں۔
’’آپ کیلئے آموں کا تحفہ لایا ہوں‘‘، وزیراعظم شہباز شریف کی صدر رجب طیب اردوان اور ان کی اہلیہ سے گفتگو#ARYNews #ShehbazSharif pic.twitter.com/9Al9zbvmaF
— ARY NEWS (@ARYNEWSOFFICIAL) June 4, 2023
اس موقع پر صدر اردوان نے تقریب میں آمد اور نیک خواہشات کے اظہار پر وزیراعظم شہباز شریف کا شکریہ بھی ادا کیا۔
واضح رہے کہ وزیراعظم نے اپنے دورہ ترکیہ کے دوران مختلف ممالک کے رہنماؤں کے علاوہ ترک کے کاروباری افراد سے ملاقاتیں کی ہیں۔
