عام طور پر لوگ اپنے بالوں کو لمبے، گھنے، حسین اور چمکدار بنانے کے لئے بڑی جدوجہد کرتے ہیں جبکہ اس مد میں خطیر رقم بھی خرچ کرنے سے بھی گریز نہیں کرتے، مگر پھر بھی وہ نتائج حاصل نہیں کر پاتے جن کی انہیں توقع ہوتی ہے۔
بالوں کی مناسب دیکھ بھال نہ ہونے کے باعث بالوں میں موجود قدرتی پروٹین کی کمی سے بال روکھے اور بے جان ہوکر گرنے لگتے ہیں، اور بالوں کی قدرتی چمک کا بھی خاتمہ ہوجاتا ہے۔
اگر آپ کے بال بھی پروٹین کی کمی کا شکار ہیں تو سب سے پہلے آپ پروٹین مہیا کرنے والی غذاؤں کا استعمال شروع کردیں، مثلاً پالک، مٹر، لو بیا، بندگوبھی، انڈا، گوشت، پنیر، پھول گوبھی، پھلیاں، اناج، دالیں، چنے، دہی، مشروم اور میوہ جات وغیرہ۔
اس کے علاوہ بادام اور کاجو کھانے سے بھی بالوں میں پروٹین کی وافر مقدار پیدا ہوتی ہے، جو بالوں کو کیمیکل اور ہیئر ٹولز کے مضر اثرات سے محفوظ رکھنے میں مدد فراہم کرتی ہے۔
بالوں کو پروٹین فراہم کرنے کے لئے اگر آپ مہنگے اور مصنوعی طریقوں پر ہزاروں روپے خرچ نہیں کرنا چاہتے تو چند گھریلو ٹوٹکے استعمال کرکے اچھے نتائج حاصل کرسکتے ہیں۔
دہی اور کریم کا استعمال بھی بالوں میں قدرتی نمی بر قرار رکھنے میں انتہائی اہمیت کا حامل ہے۔ دہی میں انڈا یاکوئی بھی تیل ملاکر 20 منٹ تک بالوں میں لگا رہنے دیں۔ آپ ہر ہفتے صرف کریم (پیکٹ والا) بھی تیل کی طرح بالوں میں لگا سکتی ہیں۔
قدرتی پروٹین کے حصول کا بہترین ذریعہ انڈا ہے اس لئے ایک انڈے کی زردی میں چند قطرے لیموں کا رس ملا کر برش کی مدد سے بالوں میں لگائیں اور 2 گھنٹے کے بعد ٹھنڈے پانی سے بالوں کو واش کرلیں۔
ہفتے میں ایک یا2 مرتبہ زیتون یا ناریل کے تیل سے سر میں مساج کرنے سے بالوں کے سروں کی بھی مرمت ہوجاتی ہے۔ چونکہ مایو نیز میں انڈا اور تیل شامل ہوتا ہے اس لئے 2 بڑے چمچے مایونیز میں کدوکش کی ہوئی آدھی ناشپاتی ملا کر 2 گھنٹے کے لئے بالوں میں لگائیں تو بال نرم و ملائم ہو جائیں گے۔
میٹھے جوتے
بالوں کی لمبائی کے مطابق ایک یا ایک سے زائد انڈے لیں اور ایک کیلے کو ہاتھوں سے اچھی طرح مسل کر ماسک تیار کر لیں اور جڑوں سے سروں تک بالوں میں یہ ماسک لگائیں اور ایک گھنٹے کے بعد تازہ پانی سے بال دھو کر خشک کرلیں۔
