ہرتیک روشن اور ان کی سابق اہلیہ سوزین خان تقریب کے دوران ایک ساتھ خوشگوار موڈ میں نظر آئے جس کی ویڈیو سوشل میڈیا پر وائرل ہوگئی۔
بالی وڈ اسٹار ہرتیک اور ان کی پہلی بیوی سوزین کو ممبئی میں ایک برانڈ ایونٹ میں ساتھ دیکھا گیا۔ دونوں نے جیولری کے حوالے سے منعقدہ نمائش میں دلچسپی سے مختلف زیورات کا معائنہ کیا اور کافی اچھے موڈ میں دکھائی دیے۔
سابق جوڑے نے زیورات دیکھنے کے دوران ایک دوسرے سے بات چیت بھی کی، دونوں کی تقریب میں ملنے کی ویڈیو سوشل میڈیا پر وائرل ہورہی ہے۔
پاپارازی فوٹوگرافر نے اپنے انسٹاگرام اکاؤنٹ پر اس ایونٹ سے ہریتک روشن اور سوزین خان کی ویڈیو شیئر کی۔ سوزین نے نیلی جینز کا لباس زیب تن کیا ہوا ہے جبکہ رتیک سیاہ جیکٹ اور کیپ میں ملبوس ہیں۔
ایک انٹرنیٹ صارف نے رونے والی ایموجی کے ساتھ اس ویڈیو پر تبصرہ کیا کہ ’’وہ اب بھی بہت پیارے لگ رہے ہیں۔‘‘ ایک صارف نے لکھا ’’بہت عمدہ‘‘۔ تیسرے شخص نے تبصرہ کیا کہ ’’جو بھی ہو لیکن یہ دونوں ایک ساتھ اچھے لگتے ہیں۔‘‘
واضح رہے کہ ہریتک اور سوزین طلاق کے بعد بھی ایک دوسرے کے دوست ہیں۔ بالی وڈ اداکار گلوکارہ صبا آزاد جبکہ سوزین ارسلان گونی کے ساتھ قریبی رشتے میں موجود ہیں۔
