اسٹیٹ بینک نے انکشاف کیا ہے کہ پاکستان اپنے بیرونی قرضوں کی ادائیگیاں معمول کے مطابق کر رہا ہے۔
تفصیلات کے مطابق ان دنوں پاکستان بدترین معاشی صورتحال سے دوچار ہے جب کہ مستقبل قریب میں معیشت میں بہتری کے کوئی خاص آثار بھی نظر نہیں آتے، ایسے میں اسٹیٹ بینک آف پاکستان کی جانب سے جاری اعلامیے میں کہا گیا ہے کہ پاکستان اپنے بیرونی قرضوں کی ادائیگیاں معمول کے مطابق کر رہا ہے۔
اسٹیٹ بینک کا کہنا تھا کہ مشکل معاشی حالات میں بھی بیرونی قرضوں کی ادائیگیاں جاری ہیں، ادائیگی کے بعد ملکی زرمبادلہ کے ذخائر 7 کروڑ 74 لاکھ ڈالر کم ہو کر 13 ارب 17 کروڑ ڈالر ہو گئے ہیں۔
ترجمان کے مطابق اسٹیٹ بینک کے زرمبادلہ کے ذخائر 8 کروڑ 10 لاکھ ڈالر کم ہو کر7 ارب 84 کروڑ ڈالر رہ گئے ہیں۔
ملک میں کمرشل بینکوں کے ذخائر میں اضافہ دیکھنے میں آیا ہے اور یہ 39 لاکھ ڈالر اضافے کے ساتھ 5 ارب 32 کروڑ ڈالر ہو گئے ہیں۔
