بالی ووڈ کی معروف اداکارہ کیریتی سینن نے انڈسٹری میں اقربا پروری پر خاموشی توڑ دی۔
بھارتی میڈیا رپورٹس کے مطابق اداکارہ کیریتی سینن کا کہنا ہے کہ اگر ایک پروڈیوسر اگر انڈسٹری سے کسی کو لانچ کررہا ہے تو تو پھر ایسے شخص کو بھی مقع دینا چاہے جس کی کوئی سفارش نہ ہو اور وہ باصلاحیت بھی ہو۔
کیریتی سینن نے کہا کہ سیدھی سی بات ہے کہ جب آپ نیپو کڈ کو بالی ووڈ میں جگہ دیں گے تو پھر بغیر سفارش آنے والے زیادہ صلاحیت کے حامل اداکاروں کو بھی موقع ملنا چاہیے۔
انہوں نے اعتراف کیا کہ یہ تبدیلی راتوں رات نہیں ہونے والی لیکن آہستہ آہستہ دنیا ستاروں اور بڑے ناموں کی بجائے ٹیلنٹ اور اسکرپٹ کی طرف راغب ہوتی نظر آئے گی۔
اداکارہ کا مزید کہنا تھا کہ اگر ہم برابری کے مواقع دینا چاہتے ہیں تو پھر انڈسٹری تک آؤٹ سائیڈرز کو بھی رسائی ملنی چاہیے۔
واضح رہے کہ کیریتی سینن نے 2014 میں ٹائیگرو شیروف کے ساتھ فلم ’ہیرو پنتی‘ سے ڈیبیو کیا تھا۔
اکتوبر میں اپنا پہلا نیشنل ایوارڈ جیتنے والی کیرتی، دل والے (2015)، بریلی کی برفی (2017)، لُوکا چھپی (2019)، ممی (2021) اور ادھیپورش (2023) میں اپنی فنی صلاحیتوں مظاہرہ کرچکی ہیں۔
کیریتی سینن نے آخری بار فلم گناپتھ میں اداکاری کے جوہر دکھائے تھے جس میں ان کے ہمراہ ٹائیگر شیروف اور امیتابھ بچن شامل تھے لیکن فلم باکس آفس پر ناکام ثابت ہوئی۔
اداکارہ نے حال ہی میں اپنے پروڈکشن ہاؤس کا اعلان کیا تھا وہ فلم ’دو پتی‘ پروڈیوس کریں گی جس میں اداکارہ کاجل ودیگر شامل ہیں۔
