پیر, جون 17, 2024
لائیو سٹریم
اے آر وائی نیوز انگریزی
نماز ٹائمنگ
کرنسی ریٹ
گولڈ ریٹس
ایندھن قیمتیں
ہوم بلاگ صفحہ 10576

پانچ ستمبر سے ———– یو اے ای نے اہم اعلان کر ڈالا

کی طرف
ویب ڈیسک
-
0

ابوظبی: پانچ ستمبر سے ابوظبی میں دفتری استعداد کار کی گنجائش کتنی ہوگی؟ حکام نے بتادیا۔

میڈیا رپورٹ کے مطابق ابو ظبی کے سرکاری ادارے اور کمپنیاں پانچ ستمبر سے کام کی جگہوں پر سو فیصد افرادی قوت کے ساتھ واپس آسکتی ہیں، اس بات کا باقاعدہ اعلان آج کردیا گیا ہے۔

اعلان میں کہا گیا کہ تمام ملازمین کو حکومت کی کووڈ ٹیسٹنگ کی ضروریات پر عمل کرنے کی ضرورت ہوگی، ایسے افراد جو مکمل ویکسینیٹڈ ہیں، ان کے ساتھ ساتھ جو لوگ ویکسی نیشن سے مستثنیٰ ہونگے انہیں ‘الہسن ایپ’ پر گرین اسٹیٹس دکھانے کی ضرورت ہوگی جبکہ نان ویکسینیڈ ملازمین کو ہر سات دن بعد کووڈ ٹیسٹ کرانا ہوگا۔

حکام نے واضح کیا کہ تقاضوں پر عمل کرنے میں ناکام رہنے والوں کو کام کرنے کی اجازت نہیں دی جائے گی اور غیر حاضری کو ان کی سالانہ چھٹی یا ماہانہ تنخواہ سے کاٹا کیا جائے گا۔

یہ بھی پڑھیں: کرونا وائرس کے باوجود متحدہ عرب امارات کی ایکسپورٹ میں اضافہ

میڈیا رپورٹ کے مطابق ٹیکہ لگانے والے زائرین اور کاہگوں کو الہسن گرین ایپ پر سبز رنگ دکھانا ہوگا، جبکہ نان ویکیسنیڈ افراد کو اڑتالیس گھنٹوں کے اندر منفی پی سی آر ٹیسٹ کا نتیجہ دکھانا چاہیے، گریڈ دس یا اس سے کم عمر کے بچے کے والدین کے لئے ریمورٹ ورکنگ کی اجازت ہوگی جو طبی اجازت اور تعلیمی ادارے کے بیان کی بنیاد پر ذاتی طور پر اسکول حاضری سے مستثنیٰ ہے، آجر سرکاری قواعد وضوابط کی بنیاد پر اضافی اجازت دے سکتے ہیں۔

واضح رہے کہ ابوظبی میں فعال ہونے والے گرین پاس سسٹم نے حال ہی میں عوامی مقامات پر کووڈ ویکسینیڈ رہائشیوں اور سیاحوں کے داخلے پر پابندی عائد کردی ہے۔

یاد رہے کہ الہسن ایپ پر گرین پاس کووڈ نائنٹین پی سی آر ٹیسٹ کے منفی نتائج کے بعد ویکسین شدہ افراد کے لئے فعال کیا جاتا ہے جسکا اسٹیٹس تیس دن تک فعال رہتا ہے۔

افغانستان میں گزشتہ 20 سال میں ڈیڑھ لاکھ افراد مارے گئے: سابق امریکی نیوی سربراہ

کی طرف
انجم وہاب
-
0

کراچی: امریکی نیوی کے سابق سربراہ اور جوائنٹ چیف ایڈمرل ولیم آرتھر اووینز نے افغانستان پر گفتگو کرتے ہوئے وہاں موجود گزشتہ بیس برسوں کی امریکی موجودگی کے دوران ہونے والی انسانی تباہی کو مذکور کیا۔

دوسری افغانستان کانفرنس سے خطاب کرتے ہوئے سابق امریکی نیوی سربراہ نے بیس برسوں کو یاد کرتے ہوئے سوال اٹھایا کہ افغانستان میں ہم کیا کرنا چاہتے ہیں اور تبدیل ہوتی صورت حال میں کیا کرنا چاہیے، اس پر غور کرنے کی ضرورت ہے، کیوں کہ افغانستان میں گزشتہ 20 سال میں ڈیڑھ لاکھ افراد مارے گئے، ہمیں اب مستقبل کو نئے طریقے سے دیکھنا ہوگا۔

سابق نیوی سربراہ نے روس کے خلاف امریکی پالیسی پر بھی بات کی، انھوں نے کہا امریکا نے جو نیوی کی حکمت عملی بنائی وہ سویت یونین کو دباؤ میں لینے کی تھی، امریکا اپنی آب دوز اور ایئر کرافٹ کیریئر کو روسی سمندروں میں رکھتا تھا۔

انھوں نے کہا کہ قوموں کو مستقبل دیکھنے میں مشکل کا سامنا ہے، چین وہ ملک ہے جس نے مستقبل کو دیکھ لیا ہے، آئندہ 20 سال میں چین معاشی لحاظ سے پہلے نمبر پر ہوگا، امریکا نے ٹینکوں، طیاروں اور بحری جہازوں میں بہت سرمایہ کاری کی لیکن بعد میں ان کی تعداد آدھی کر دی، امریکا اور پاکستان کے تعلقات مضبوط ہونے چاہیئں، اپنی آئندہ نسل کے لیے آئندہ بیس برسوں کے لیے پاکستان کے بارے میں حکمت عملی بنانا ہوگی۔

پاکستان کو افغانستان کی غذائی قلت کو پورا کرنا ہوگا: سابق عہدے دار عالمی بینک

جوائنٹ چیف ایڈمرل ولیم آرتھر اووینز نے کہا میرے تجربے کے مطابق ہم اچھے لوگ ہیں، مسلمان، یہودی، کرسچن، پاکستانی، بھارتی، امریکی اور چین سب اچھے ہیں، ہمیں لیڈر شپ برا بنا دیتی ہے، ہمیں عوامی سطح پر تعلقات کو فروغ دینا ہوگا، اور ترجیحی طور پر ایک دوسرے کے ملکوں میں طلبہ کے دورے کرانا ہوں گے، بالخصوص چین کے پاس 20 سال کا وژن ہے، جو دنیا کے کسی دوسرے ملک میں نہیں ہے۔

’کوہلی‘ گرفتار، گھر سے منشیات برآمد

کی طرف
ویب ڈیسک
-
0

ممبئی: بھارت کی انسداد منشیات فورس نے بالی ووڈ اداکار کے گھر  پر چھاپہ مار کر منشیات برآمد کر کے انہیں گرفتار کرلیا۔

بھارتی نیوز ایجنسی کی رپورٹ کے مطابق انسداد منشیات فورس (نارکوٹکس کنٹرول بیورو– این سی بی) نے ریاست مہاشٹرا کے دارالحکومت ممبئی میں اداکار ارمان کوہلی کے گھر پر چھاپہ مارا۔

ممبئی میں واقع گھر میں چھاپے کے دوران این سی بی اہلکاروں نے منشیات برآمد کی، جس کے بعد ارمان کوہلی کو  گھر میں موجود دفتر سے گرفتار کر لیا گیا۔

این سی بی حکام کے مطابق منشیات برآمد ہونے کے بعد اب ارمان سے تفتیش کی جائے گی اور انہیں تفتیشی افسران کے سوالات کے جوابات دینا ہوں گے۔

مزید پڑھیں: منشیات کے استعمال کا الزام، بھارتی اداکارہ شوہر سمیت گرفتار

یہ بھی پڑھیں: بھارتی اداکارہ منشیات سمیت گرفتار

انسداد منشیات فورس کے ضلعی ڈائریکٹر  سمیر وان کیڈے نے اداکار کو گرفتار کرنے کی تصدیق کرتے ہوئے بتایا کہ انہیں ممبئی میں این سی بی کے دفتر میں منتقل کیا گیا ہے۔

قبل ازیں این سی بی نے جمعے کے روز  اداکار گرو ڈکشت کے گھر پر چھاپہ مار کر انہیں بھی گرفتار کرلیا۔ ترجمان این سی بی کے مطابق اداکار کے گھر سے منشیات برآمد ہوئی ہے۔

اسپتال کے سائن بورڈ میں موجود ’غلطی‘ تلاش کریں؟

کی طرف
ویب ڈیسک
-
0

برطانیہ کے لیڈز جنرل انفرمری کے سائن بورڈ میں موجود غلطی کی تصویر سوشل میڈیا پر وائرل ہوگئی جسے ایک ٹویٹر صارف کی جانب سے شیئر کیا گیا۔

ٹویٹر صارف نے تصویر شیئر کرتے ہوئے لکھا کہ ’تصویر میں موجود غلطی تلاش کریں۔‘ فہرست کو پڑھنے اور غلطی کو پکڑنے میں آپ کو کچھ وقت لگ سکتا ہے، وارڈ نمبر اور ونگ کے نام سب درست ہیں تو غلطی کہاں ہے؟

ایک نظر ڈالیں اور دیکھیں کہ کیا آپ اسے ڈھونڈ سکتے ہیں۔

سائن بورڈ پر وارڈز کے نمبر، لیڈز چیسٹ کلینک، مارٹن ونگ، برادرٹون ونگ، لیڈز چلڈرن اسپتال، مارٹن ونگ، ایڈوانس امیجنگ سیںٹرز، آؤٹ پٹ پیشنٹ فارمیسی، (صرف لیول ایکسس)، نیشنل ام پیشنٹ سینٹر فار فزیولوجیکل میڈیسن لکھا ہے۔

سائن بورڈ میں سب کچھ ٹھیک لکھا کہ لیکن ایک معمولی سی غلطی ہے جسے لوگ تلاش کرنے میں ناکام رہے۔

کیا آپ غلطی تلاش کرسکے، نہیں، چلیں ہم آپ کو بتاتے ہیں کہ غلطی کہاں موجود ہے۔

اسپتال انتظامیہ کی جانب سے بھی صارف کو ٹویٹر پر جواب دیا گیا کہ آپ نے اچھی نشاندہی کی، شاید اسے ٹھیک کرنے میں کچھ دن لگیں؟

دبئی:‌ ضرورت مند مریضوں‌ کا مفت علاج کرنے والا پاکستانی ڈاکٹر

کی طرف
ویب ڈیسک
-
0

دبئی میں ضرورت مند مریضوں کا مفت علاج کرنے والے پاکستانی ڈاکٹر نے امارات میں مقیم افراد کے دل جیت لیے۔

خلیج ٹائمز کی رپورٹ کے مطابق پاکستان سے تعلق رکھنے والے جنرل سرجن ڈاکٹر فیصل دبئی میں رضاکارانہ طور پر مریضوں کو مفت علاج اور مشاورتی خدمات فراہم کررہے ہیں۔

ڈاکٹر فیصل نے کہا کہ ’سماجی کام کر کے  جو قلبی سکون اور راحت محسوس ہوتی ہے وہ اپنے ذات کے لیے کچھ کر کے حاصل نہیں کی جاسکتی’۔

رپورٹ کے مطابق ڈاکٹر فیصل اکرام متحدہ امارات میں قائم ہونے والے پہلے غیرمنافع بخش طبی مرکز پاکستان میڈیکل سینٹر میں رضاکارانہ طور پر خدمات انجام دے رہے ہیں۔ یہ ادارہ گزشتہ تقریباً ایک سال سے دبئی میں کام کررہا ہے۔

ڈاکٹر فیصل اکرام نے اس ادارے کے قیام کے پیچھے پوشیدہ دلچسپ کہانی بھی بیان کی اور بتایا کہ ’پاکستان ایسو سی ایشن دبئی نے 2009 سے ہر ماہ کے آخری جمعے کو مفت طبی کیمپوں کا سلسلہ شروع کیا، جس کے بعد اس بات کو محسوس کیا گیا کہ مہینے میں ایک مفت میڈیکل کیمپ کا قیام کافی نہیں، ضرورت مندوں کو علاج اور ادویات کے لیے بھی مدد کی ضرورت تھی۔

مزید پڑھیں: دبئی کا رہائشی ویزا؛ ایمریٹس کا پاکستان سے پروازوں کا اعلان

یہ بھی پڑھیں: دبئی میں مقیم پاکستانیوں پر قسمت مہربان! دو رائڈرز کو 21،21 لاکھ روپے کا بونس

اسے بھی پڑھیں: قسمت مہربان، دبئی میں مقیم پاکستانی لاکھوں ڈالرز کا مالک بن گیا

انہوں نے بتایاکہ ’ابتدا میں ہمارے ساتھ چند ڈاکٹرز تھے جو علاج کے ساتھ مریضوں کو قیمتی مشورے بھی دیتے تھے، پھر ہم نے مریضوں کی ضرورت کو محسوس کرتے ہوئے انہیں ذیابیطس، ہائی بلڈپریشر اور دل کے عارضے کی ادویات مفت فراہم کرنا شروع کیں‘۔

ڈاکٹر فیصل اکرام نے بتایا کہ ’ادویات کی مفت تقسیم کے بعد پاکستانی کمیونٹی نے دل کھول کر ہماری مدد کی جبکہ مقامی دوا ساز کمپنیوں نے بغیر کسی منافع کے ہمیں ادویات فراہم کیں، بعد ازاں ہم نے دائرہ کار کو مزید بڑھایا اور لیبارٹری قائم کر کے امراض کی تشخیص کے ٹیسٹ کا سلسلہ شروع کیا‘۔

’اس کامیابی کے بعد ہم نے اسپتال میں مریضوں کو داخل کرنے کے انتظامات کیے،  کمیونٹی نے ضرورت مندوں کی طبی دیکھ بھال اور ان کی مدد حاصل کرنے کی اجازت دی، ایک وقت کے بعد کلینک کے قیام کی ضرورت محسوس ہوئی تو ہم نے مقامی حکام سے رابطہ کر کے اکتوبر 2020 میں میڈیکل سینٹر کھولنے کی اجازت حاصل کی’۔

یہ بھی پڑھیں: متحدہ عرب امارات، پاکستانی بہترین ڈرائیورز قرار، سروے رپورٹ‌ جاری

رپورٹ کے مطابق پی ایم سی دبئی کی واحد سماجی تنظیم ہے جسے اماراتی حکومت نے قانون میں دفعات کے بعد صحت کی سرگرمیاں جاری رکھنے کا خصوصی اجازت نامہ فراہم کیا۔ جس پر ڈاکٹر اکرام سمیت پی ایم سی کے تمام ڈاکٹرز اور انتظامیہ نے اماراتی حکومت کا شکریہ ادا بھی کیا۔

مشن امپاسبل کی شوٹنگ کے دوران ٹام کروز کی بی ایم ڈبلیو کی چوری کی واردات ہو گئی

کی طرف
ویب ڈیسک
-
0

برمنگھم: مشن امپاسبل 7 کی شوٹنگ کے دوران ٹام کروز کی بی ایم ڈبلیو کی چوری کی واردات ہو گئی۔

تفصیلات کے مطابق ہالی ووڈ سپر اسٹار ٹام کروز بڑے بڑے چوروں اور مجرموں کا پیچھا کرتے ہیں مگر کوئی من چلا چور خود ان کی بی ایم ڈبلیو گاڑی چرا کر لے گیا۔

یہ واردات بدھ کے روز برطانوی شہر برمنگھم میں ہوئی، جہاں مشن امپاسبل سیون کی شوٹنگ جاری تھی، ان کی BMW X7 گرانڈ ہوٹل میں پارک تھی، جب ان کے باڈی گارڈ نے انھیں بتایا تھا کہ گاڑی غائب ہے۔

اپنی قیمتی گاڑی کی چوری کی خبر سن کر ٹام کروز سخت غصے میں آ گئے، اگرچہ پولیس نے بعد میں ان کی گاڑی قریبی قصبے سمتھویک سے برآمد کر لی، تاہم چور گاڑی کے اندر موجود ٹام کا قیمتی سامان لے اڑا تھا، جو کئی ہزار پاؤنڈز مالیت کا تھا۔

پولیس کا کہنا ہے کہ وہ سی سی ٹی وی فوٹیجز کی مدد سے چور کی تلاش کر رہے ہیں، تاہم ابھی تک وہ ہاتھ نہیں آیا ہے۔

رپورٹ کے مطابق چوروں نے گاڑی اڑانے کے لیے لگژری گاڑی کی بغیر چابی اگنیشن فوب سے سگنل کلون کرنے کے لیے ایک اسکینر کا استعمال کیا تھا۔ گاڑی چوں کہ الیکٹرانک ٹریکنگ ڈیوائس سے لیس تھی اس لیے پولیس نے جلد ہی اسے ٹریک کر لیا۔

ٹام کروز کے حقیقی اور خطرناک ایکشن نے سب کو خوفزدہ کردیا، ویڈیو وائرل

میڈیا رپورٹس میں کہا گیا ہے کہ چور یقیناً کوئی پاگل تھا جس نے ٹام کروز کی گاڑی اڑانے کی ہمت کی، تاہم وہ ٹام کروز سے زیادہ پاگل نہیں ہو سکتا، کیوں کہ کروز نے اپنی آنے والی فلم میں جو خوف ناک مناظر خود فلمائے ہیں اس نے دنیا بھر میں موجود ان کے شائقین کو حیران کر دیا ہے۔

دی گارجین کے مطابق مشن امپاسبل 7 کے ایک منظر کی شوٹنگ کے لیے برمنگھم کے گرانڈ سینٹرل شاپنگ سینٹر کو ابوظبی کے ایک ایئرپورٹ کی شکل دی گئی تھی۔

مشن امپاسبل سیون کے پلاٹ کے بارے میں ابھی تو کوئی پتا نہیں چلا ہے تاہم اس فلم میں موجود چند اسٹنٹ مناظر سے متعلق ساری دنیا جان چکی ہے، ایک تصویر میں وہ بی ایم ڈبلیو کی ایک شان دار موٹر سائیکل پر سوار ہیں اور ایک خطرناک منظر کے لیے اس کی سیفٹی رِگ کو ٹیسٹ کر رہے ہیں۔

بعد میں یہ بائیک ایک حادثے کا اس وقت شکار ہوگئی جب یہ فلم سے ہٹ کر ایک اسٹنٹ کے دوران گتوں سے بنے باکسز پر چڑھ دوڑی، جس سے ان میں آگ لگ گئی، اور شوٹنگ میں تاخیر ہو گئی۔

مودی سرکار کے دعوے پر کانگریس رہنما نے عوام سے رائے مانگ لی

کی طرف
ویب ڈیسک
-
0

نئی دہلی: کانگریس رہنما راہول گاندھی نے حکمران جماعت کی آمدنی میں بے تحاشا اضافے پر سوالات اٹھادئیے ہیں۔

بھارتی میڈیا رپورٹ کے مطابق راہول گاندھی نے سماجی رابطے کی ویب سائٹ ٹوئٹر کے زریعے بی جے پی کی آمدنی میں پچاس فیصد اضافے پر عوام سے رائے طلب کرلی ہے، راہول نے کہا کہ ایک سال کے دوران حکمران جماعت بی جے پی کی آمدنی میں پچاس فیصد اضافہ ہوا، لیکن آپ کی یعنی عام لوگوں کی آمدنی کتنی بڑھی؟۔

کانگریس رہنما کا ٹوئٹ دراصل ایک رپورٹ کے دعویٰ پر کیا گیا، جس میں بتایا گیا تھا کہ بی جے پی کی آمدنی ایک سال میں 50 فیصد بڑھی، گزشتہ مالی سال میں بی جے پی کی آمدنی 2410 کروڑ سے بڑھ کر 3623 کروڑ تک جاپہنچی۔ دو ہزار انیس بیس میں بی جے پی کا خرچ ایک ہزار پانچ کروڑ روپے سے بڑھ کر سولہ سو اکاون کروڑ روپے ہوگیا ہے۔

یہ بھی پڑھیں: تعریف وہ جو دشمن کرے، راہول گاندھی نے پاکستان کی کامیابی کا اعتراف کرلیا

دوسری جانب رپورٹ میں بتایا گیا ہے کہ دو ہزار اٹھارہ انیس کے مالی سال کے دوران کانگریس کی آمدنی 918.03 کروڑ سے کم ہو کر 682.21 کروڑ روپے ہوگئی ہے۔

واضح رہے کہ لوک سبھا کے رکن اور کانگریس کے اہم ترین رہنما راہول گاندھی، مودی حکومت کو آئے روز تنقید کا نشانہ بناتا رہتے ہیں، گذشتہ سال سماجی رابطے کی ویب سائٹ پر شرح نمو کے حوالے سے انڈیکس شیئر کرتے ہوئے راہول گاندھی نے بھارت کی حکمراں جماعت بھارتیہ جنتا پارٹی (بی جے پی) پر شدید تنقید کی تھی۔

راہول گاندھی نے اپنی حکومت پر تنقید کرتے ہوئے اس بات کا اعتراف بھی کیا کہ کرونا بحران کے دوران حکومت پاکستان نے بھارت سے بہت زیادہ بہتر اقدامات کیے، کانگریس کے رہنما نے تنقید کرتے ہوئے لکھا تھا کہ ’شرح نمو کو نیچے لانا بھارتی حکومت کی ایک اور ٹھوس کامیابی ہے‘۔

دلہا دلہن کا شادی میں انوکھا مقابلہ، جیتا کون؟ ویڈیو وائرل

کی طرف
ویب ڈیسک
-
0

ہر دلہا دلہن کی خواہش ہوتی ہے کہ ان کی شادی میں کچھ ایسا منفرد ہوجائے کہ شادی کو مدتوں یاد رکھا جاسکے اور اسی چکر میں دلہا اور دلہن عجیب و غریب انداز اپنانے سے بھی گریز نہیں کرتے۔

ایسی ہی ویڈیو سوشل میڈیا پر وائرل ہورہی ہے جس میں دلہا اور دلہن نے شادی کو یادگار بنانے کے لیے عروسی لباس میں ہی ’پش اپس‘ لگانا شروع کردیے۔

 بھارتی میڈیا پر شیئر کی گئی بھارتی جوڑے کی ویڈیو نے سوشل میڈیا صارفین کو حیرت میں مبتلا کر رکھا ہے۔

وائرل ویڈیو میں دلہن کو لال عروسی لباس اور دلہے کو شیروانی اور قلے میں پش اپس لگاتے دیکھا جاسکتا ہے، پش اپس اس مقابلے میں بازی کون لے گیا یہ واضح نہیں ہوسکا۔

ویڈیو سوشل میڈیا پلیٹ فارم انسٹاگرام پر ‘وِٹی ویڈنگ’ نامی پیج کی جانب سے شیئرکی گئی ہے جسے صارفین کی جانب سے بے حد پزیرائی مِل رہی ہے۔

واضح رہے کہ گزشتہ دنوں ایک بھارتی دلہن کے پش اپس لگاتے ہوئے ویڈیو وائرل ہوئی تھی۔

’بابا چاہتے تھے میں ڈاکٹر بنوں‘ بیٹی سے باپ کا سہارا چھن گیا

کی طرف
حنا دیدار
-
0

کراچی کے علاقے کورنگی مہران ٹاؤن میں 16 افراد کی زندگی کے چراغ بجھ گئے اسی فیکٹری میں مزدوری کرنے والے 33 سالہ صابر بیٹی کو آج بھی اپنے بابا کا انتظار ہے۔

اے آر وائی نیوز کے مطابق کراچی کے علاقے کورنگی مہران ٹاؤن میں فیکٹری حادثے میں جاں بحق ہونے والے 33 سالہ صابر کی 12 سالہ بیٹی اپنے والد کا خواب پورا نہ کرسکی۔

12 سالہ آمنہ نے روتے ہوئے بتایا کہ ’ابو کی خواہش تھی کہ میں ڈاکٹر بنوں، میں بابا کی خواہش پوری کروں گی۔‘
صابر اپنے خاندان کے واحد کفیل تھے، مرحوم کے صابر کے تین بچے ہیں۔

مرحوم کے بھائی نے سندھ حکومت سے مطالبہ کیا کہ آتشزدگی سے جاں بحق ہونے والوں کو گھر فراہم کیے جائیں اور ان کے بچوں کے بہتر مستقبل کے لیے ماہانہ معاوضہ ادا کیا جائے۔

صابر کرایے کے گھر میں رہائش پذیر تھے، مرحوم کی اہلیہ شدت غم سے نڈھال ہیں اور ان کے معصوم بچے آج بھی اپنے بابا کا انتظار کررہے ہیں جو کہ اب کبھی واپس نہیں آسکتے اور منوں مٹی تلے جاسوئے ہیں۔

واضح رہے کہ گزشتہ روز کورنگی مہران ٹاؤن کی فیکٹری میں لگنے والی آگ نے سو لہ مزدوروں کی جان لے لی تھی، پولیس کی ابتدائی تحقیات کے مطابق فیکٹری انتظامیہ کی غفلت کے باعث لوگوں کی اموات ہوئیں فیکٹری میں ایمرجنسی کی صورت میں نکلنے کا کوئی راستہ نہیں تھا۔

فائر بریگیڈ حکام کا کہنا تھا کہ متاثرہ فیکٹری میں استعمال ہونے والے کیمیکل سے آگ لگنے کے بعد زہریلی گیس کا اخراج ہوا جس کی وجہ سے فیکٹری میں کام کرنے والے مزدور دم گھٹنے کے باعث جاں بحق ہوئے۔

پولیس کے مطابق فیکٹری کی فارنسک کروائی جائیگی فارنسک رپورٹ آنے کے بعد آگ لگنے کی وجوہات سامنے آسکیں گی۔ ایف آئی آر میں نامزد فیکٹری مالک اور دیگر ملزمان کی گرفتاری جلد عمل میں لائی جائیگی۔

بھارت: بزرگ شہری پر نوجوانوں کا انسانیت سوز تشدد، دل دہلا دینے والی ویڈیو

کی طرف
ویب ڈیسک
-
0

نئی دہلی: بھارتی دارالحکومت نئی دہلی میں ڈکیت بے لگام ہوگئے، دن بھر کچھ نہ ملا تو رات کی تاریکی میں ضعیف العمر شخص پر انسانیت سوز تشدد کرتے ہوئے انہیں لوٹ لیا۔

بھارتی میڈیا رپورٹ کے مطابق ا جہانگیر پوری ای ای بلاک کی سنسان سڑک پر رات گئے ڈکیتوں نے ضعیف شخص سے لوٹ مار کی اور انہیں بدترین تشدد کا نشانہ بناکر فرار ہوگئے، واقعے کی سی سی ٹی وی فوٹیج سوشل میڈیا پر وائرل ہوگئی ہے، تاہم ابھی تک پولیس ملزمان کو گرفتار نہیں کرسکی ہے۔

ویڈیو میں دیکھا جاسکتا ہے کہ چند روپوں کی خاطر ڈکیتوں نے ضعیف العمر شخص کی عمر کا لحاظ تک نہ کیا، ڈکیتوں نے انتہائی بھونڈا طریقہ اختیار کرتے ہوئے بزرگ شخص کو عقب سے دبوچا اور زمین پر پٹخ دیا، ملزمان نے ضعیف شخص سڑک کے بیچ بہیمانہ تشدد کیا اور ان سے نقدی اور سامان چھین کر فرار ہوگئے۔

واقعے کے بعد تشدد کا شکار ہونے والے بزرگ کے قریبی اسٹیشن پر واقعے کی رپورٹ درج کرادی ہے، جس پر پولیس نے ملزمان کی تلاش شروع کردی ہے۔

1...10,57510,57610,577...26,976صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ