لاہور میں پاک فوج کے افسر پر تشدد کرنے والے ملزمان کو گرفتار کرلیا گیا۔

اے آر وائی نیوز کے مطابق لاہور کے علاقے کلمہ چوک کے قریب فوجی افسر پر لینڈ کروزر میں سوار افراد نے تشدد کیا تھا، غنڈے ن لیگ کے رہنما سلمان رفیق اور حافظ نعمان کے ملازم ہیں۔

وائرل ویڈیو میں دیکھا جاسکتا ہے کہ سلمان رفیق، حافظ نعمان کی فوجی افسران سے معافی تلافی کے لیے منتیں کی جارہی ہیں۔

متاثرہ شخص چیخ چیخ کر بتاتا رہا ہے کہ وہ فوجی افسرہے لیکن غنڈوں نے ایک نہ سنی تشدد کرتے رہے، تشدد سے فوجی افسرکے بازوفریکچر ہوگیا۔

سلمان رفیق کی میڈیا سے گفتگو

خواجہ سلمان رفیق نے میڈیا سے گفتگو کرتے ہوئے کہا کہ کل سے سوشل میڈیا پر غلط کہانی پیش کی جارہی ہے، ضروری تھا کہ وضاحت کریں اور قانون کے سامنے پیش ہوں۔

انہوں نے کہا کہ آج کل سیاسی سرگرمیاں زیادہ ہیں، کل اپنی گاڑی خود چلا رہا تھا حافظ نعمان میرے ساتھ تھے، کل گھر پہنچا تودیکھا ہمارے گارڈز کی گاڑی نہیں تھی۔

انہوں نے بتایا کہ پی اےکافون آیا کہ گاڑی سامنے آئی ہےاور ان سے تلخ کلامی ہوئی، کافی فون کرنے کے بعد رابطہ ہوا تو کہا گیا ون فائیو سےرابطہ ہوگیا میں نےکہاپولیس کوبلائیں آپ کاکام نہیں ہے، حارث صاحب ہمارےلئےقابل احترام ہے،کل جو عمل ہواہےاس کی مذمت کرتےہیں،۔

سلمان رفیق کے مطابق پولیس نے کہا گاڑی اور گارڈز ہمارے حوالے کردیں، ذمہ دار شہری کے طور پر گارڈز و گاڑی پولیس کے حوالے کردیے۔

ان کا کہنا تھا کہ ہم نےساری زندگی ملک کی خدمت کی ہے،میں اپنےاداروں پراعتمادکرناہے،سوشل میڈیاپرپی ٹی آئی والے ہمارے خلاف پروپیگنڈاکررہےہیں۔

پاکستان پیپلز پارٹی نے وفاقی کابینہ کا حصہ بننے کا فیصلہ کرلیا ہے تاہم کابینہ میں شمولیت کے فیصلے پر پیپلز پارٹی میں تاحال واضح تقسیم ہے۔

ذرائع کے مطابق پیپلز پارٹی کے دو مرکزی رہنماؤں نے کابینہ میں شمولیت کی مخالفت کر دی۔ رہنماؤں نے تجویر پیش کی کہ وزارتوں کے بجائے آئینی عہدوں تک محدود رہا جائے، حکومت ناکام ہونے پر ملبہ پیپلز پارٹی پر گرے گا۔

پارٹی کی اکثریت نے چیئرمین پیپلز پارٹی بلاول بھٹو زرداری کی کابینہ میں شمولیت کی تجویز کی مخالفت کردی۔ بلاول  بھٹو نے کابینہ میں شمولیت پر حتمی فیصلے کا اختیار شریک چیئرمین آصف علی زرداری کے سپرد کر دیا۔

پیپلز پارٹی کی کابینہ میں وزارتوں کی تعداد کا تاحال فیصلہ نہیں ہوا۔ پی پی کو اسپیکر اور بی آئی ایس پی پروگرام کی سربراہی ملنے کا امکان ہے۔ پیپلز پارٹی سے راجہ پرویز اشرف اسپیکر اسمبلی کے امیدوار ہوں گے۔ شازیہ مری چیئرپرسن بی آئی ایس پی کی مضبوط امیدوار ہیں۔

ذرائع کے مطابق شمولیت کے فیصلے پر شیری رحمان اور نوید قمر کو بھی وزارتیں ملنے کا امکان ہے۔ حکومت کی جانب سے پیپلز پارٹی کو وزارت تجارت ملنے کا امکان ہے۔

ذرائع کے مطابق پیپلز پارٹی کا کہنا ہے کہ نوید قمر وزیر تجارت کے امیدوار ہوں گے، کابینہ میں شمولیت کا فیصلہ کور کمیٹی میں رکھا جائے گا، کور کمیٹی کی توثیق پر پیپلز پارٹی وفاقی کابینہ کا حصہ بنے گی۔

مسلم لیگ (ن) کی جانب سے پیپلز پارٹی کو وزارت خارجہ اور تجارت کی پیشکش کی گئی ہے۔ پیپلز پارٹی وزارتوں کے لیے سینئر رہنماؤں کو نامزد کرے گی۔ پی پی کی جانب سے خور شید شاہ اور مصطفیٰ نواز کھوکھر کے نام زیرِ غور ہیں۔

ذرائع کے مطابق پیپلز پارٹی کو وزارت مذہبی امور ملنے کا امکان ہے۔