کراچی : محکمہ موسمیات کا کہنا ہے کہ بحیرہ عرب میں ہواکا کم دباوڈپریشن بن گیا ، اگر ڈپریشن طوفان میں بدلاتواس کانام شاہین ہوگا، اس سسٹم کےنتیجے میں کراچی میں طوفافی بارشوں کا امکان ہے۔
تفصیلات کے مطابق ڈائریکٹرمحکمہ موسمیات کی جانب سے بیان میں کہا گیا ہے کہ بحیرہ عرب میں ہواکا کم دباوڈپریشن بن گیا ، آج شام تک یہ سرگرمی ڈیپ ڈپریشن کی شکل اختیارکرسکتی ہے اور کل صبح تک یہ سلسلہ سائیکلونک اسٹروم میں بدل سکتا ہے۔
محکمہ موسمیات کا کہنا ہے کہ دوسری مرتبہ ہورہاہےہواکاکم دباوطوفان میں تبدیل ہورہاہے، اس سےقبل2007میں ایساسلسلہ بنا تھا ، جس میں پسنی،اورماڑہ میں کافی نقصان ہواتھا.۔
سردار سرفراز نے مزید کہا کہ اگر ڈپریشن طوفان میں بدلاتواس کانام شاہین ہوگا، اس مرتبہ یہ نام قطرکی جانب سےتجویزکیاجائےگا ، اسی سسٹم کی ابتدائی شکل کانام گلاب پاکستان نےتجویزکیاتھا۔
چیف میٹرولوجسٹ کا کہنا تھا کہ کراچی میں اس سسٹم کےنتیجے میں گرج چمک کےساتھ تیز بارش متوقع ہے جبکہ شہرمیں اربن فلڈنگ اورآندھی چلنےکابھی امکان ہے جبکہ ہواؤں کی رفتار70سے80کلومیٹرفی گھنٹہ تک بڑھ سکتی ہے۔
انھوں نے مزید کہا کہ کچےمکانوں،بل بورڈز ،درخت گرنےسمیت دیگرخدشات موجود ہے ، تیز ہواؤں کی وجہ سےسمندری لہریں بلندہوسکتی ہیں ، طغیانی کی وجہ سےساحلی آبادیاں زیرآب آسکتی ہیں۔
محکمہ موسمیات کے مطابق ڈپریشن کراچی کے سمندر سے 250 کلومیٹر قریب ہے، حالیہ موسمیاتی جائزے اس کارخ بلوچستان ساحل کیجانب دکھارہےہیں، کراچی میں آج دوپہرمیں بارش شروع ہوسکتی ہے، رات میں بھی تیزبارش کاامکان ہے، کل پورادن وقفے وقفے سے تیزبارش جاری رہ سکتی ہے۔
