جکارتہ: انڈونیشیا میں سیلاب اور مٹی کے تودے گرنے سے ہلاکتوں کی تعداد 31 ہوگئی، اب تک ہزاروں افراد بے گھر ہو چکے ہیں۔

تفصیلات کے مطابق انڈونیشیا کے جزیرے سماٹرا میں سیلاب اور مٹی کے تودے گرنے سے ہلاکتوں کی تعداد بڑھ کر اکتیس ہو گئی ہے جب کہ 13 افراد لا پتا ہیں۔

انڈونیشین حکام کا کہنا ہے کہ بینگ کولو صوبے میں 12 ہزار سے زائد افراد نقل مکانی کر چکے ہیں، سیلاب سے سینکڑوں عمارتوں، پلوں اور سڑکوں کو نقصان پہنچا ہے۔

حکام کے مطابق سیلاب شدید ہے تاہم مقامی اور قومی اتھارٹیز مستعدی سے اپنا کام کر رہی ہیں جب کہ ریڈ کراس نے بھی متاثرہ علاقوں میں رضا کار بھیج دیے ہیں۔

پیش گوئی کی جا رہی ہے کہ اگلے چوبیس گھنٹوں میں جنوبی جزیرہ سماٹرا میں درمیانے درجے کی بارش ہوگی۔

حکام کی جانب سے مختلف بیماریاں پھیلنے کے حوالے سے بھی خبردار کر دیا گیا ہے کیوں کہ صاف پانی کی قلت ہو گئی ہے جس کی وجہ سے بیماریاں پھیلنے کا شدید خطرہ لاحق ہے۔

یہ بھی پڑھیں:  جل، اجل بن گیا، موزمبیق میں سیلاب نے تباہی مچا دی

خیال رہے کہ انڈونیشیا میں سیلاب نے بڑے پیمانے پر تباہی مچا دی ہے، سارا نظام زندگی درہم برہم ہو گیا ہے۔

انڈونیشین حکام کے مطابق متاثرین کے لیے پناہ گاہوں کا انتظام کیا گیا ہے جہاں تقریباََ 13 ہزار متاثرین کو رکھا گیا ہے جب کہ امدادی کارکن متاثرہ علاقوں تک پہنچنے کے لیے کشتیوں کی مدد سے کوششوں میں مصروف ہیں۔

انڈونیشیا دنیا کے ان چند ممالک میں سے ایک ہے جو اکثر تباہ کن زلزلوں، سیلاب اور سونامی کی زد میں رہتے ہیں۔

یاد رہے کہ گزشتہ ماہ بھی مشرقی صوبے پاپوا میں سیلاب کے نتیجے میں 88 افراد ہلاک ہو گئے تھے جب کہ 70 افراد زخمی اور 15 لا پتا ہوگئے تھے۔

لندن: برطانیہ کے شہر مشرقی لندن میں اپارٹمنٹ کے فریزر سے دو خواتین کی لاشیں برآمد ہوئی ہیں۔

ڈیلی میل کی رپورٹ کے مطابق مشرقی لندن میں اپارٹمنٹ کے فریزر سے دو خواتین کی لاشیں برآمد ہوئی ہیں، پولیس نے لاشوں کو ضابطے کی کارروائی کے لیے اسپتال منتقل کرکے قتل کی لرزہ خیز واردات کی تحقیقات کا آغاز کردیا ہے۔

 قتل ہونے والی خواتین کے قاتل پولیس پکڑنے میں ناکام ہے اور مقتولین کی شناخت بھی نہیں ہوسکی ہے۔

اسکاٹ لینڈ یارڈ کے ترجمان کے مطابق کیننگ ٹاؤن میں ہونے والے قتل کی تحقیقات جاری ہیں پولیس جلد ملزمان کو گرفتار کرلے گی۔

مزید پڑھیں: لندن میں چاقو زنی کی واردات، دوشیزہ قتل

کمانڈر چیف سپرنٹنڈنٹ رچرڈ تھکڑ نے کہا ہے کہ قاتلوں کی گرفتاری کے لیے عوام سے مدد لینے کا فیصلہ کیا ہے، اگر کسی بھی شہری کو اندوہناک واقعے کے بارے میں علم ہو وہ پولیس کو 101 پر کال کریں۔

واضح رہے کہ لندن میں جرائم کی وارداتوں میں اضافہ ہوا ہے جبکہ پولیس جرائم پر قابو پانے میں مکمل ناکام ہوچکی ہے۔

رواں ماں کے اوائل میں بھی مسجد کے قریب چیچن باشندے نے بیش قیمت گھڑی کے لیے ایک چیچن باشندے کو قتل کردیا تھا، مقتول کی شناخت 25 سالہ ظہیر کے نام سے ہوئی تھی۔

گزشتہ ماہ لندن میں 17 سالہ دوشیزہ کو چاقو کے پے درپے وار کرکے قتل کردیا گیا تھا، پولیس واقعے میں ملوث ملزم کو گرفتار کرنے میں ناکام رہی تھی۔