جمعہ, جون 20, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 19989

وزیراعظم عمران خان آج سے پاکستان کلین گرین انڈیکس کا آغاز کریں گے

کی طرف
ویب ڈیسک
-
0

اسلام آباد : وزیراعظم عمران خان آج سے’’پاکستان کلین گرین انڈیکس‘‘کا آغاز کریں گے، سہولیات کے پیش نظر ابتدائی طور پر 19 شہروں کی رینکنگ کی جائے گی۔

تفصیلات کے مطابق حکومت نے پاکستان کے ہرشہر کو صاف اور سرسبز بنانے کا عزم کرلیا، وزیراعظم عمران خان آج سے پاکستان کلین گرین انڈیکس کا باقاعدہ آغاز کریں گے۔

اس حوالے سے وزیر اعظم ہاؤس ذرائع کا کہنا ہے کہ وزیراعظم عمران خان ملک کے19 بڑے شہروں میں کلین گرین سٹی انڈیکس لانچ کریں گے۔

ان کے اس اقدام کا مقصد صاف پانی کی فراہمی اور نکاسی آب کا محفوظ نظام یقینی بنانا ہے، سٹی انڈیکس سے صفائی کے بہترنظام کے لئےشہروں کی صورتحال معلوم ہوگی۔

ذرائع کے مطابق سہولیات کے پیش نظر ابتدائی طور پر 19 شہروں کی رینکنگ کی جائے گی، شہرکی رینکنگ بہتر بنانے کیلئے صوبائی حکومت اور انتظامیہ مزید اقدامات کریں گی اور سب سے زیادہ صاف ستھرا شہر کلین گرین چیمپئن قرار دیا جائے گا۔

بیٹی کی رخصتی پر کسان نے ہیلی کاپٹر کرائے پر لےلیا

کی طرف
ریحان عابدی
-
0
helicopter

نئی دہلی : بھارتی کسان نے دلہن بنی بیٹی کی خواہش پوری کرنے کےلیے ہیلی کاپٹر کرائے پر لے لیا۔

شادی کے وقت ہر باپ کی تمنا ہوتی ہے کہ وہ اپنی بیٹی کی ہر خواہش پوری کرے اور دنیا کی تمام خوشیاں اس کی جھولی میں ڈال دے۔ بھارتی ریاست راجھستان سے تعلق رکھنے والے کسان کی بھی یہی تمنا تھی اور اس نے اپنی بیٹی کی خواہش ایسے پوری کی کہ لوگ دنگ رہ گئے۔

بھارتی کسان مہندرا سنگھ جو کئی برسوں سے ملازمت کی غرض سے بیرون ملک مقیم تھا کی بیٹی رینا نے اپنے باپ سے کہا تھا کہ ’آپ تو ہوائی جہاز میں آتے جاتے رہتے ہیں، میں کب جہاز میں بیٹھ کر ہواؤں میں اڑوں گی‘۔

میڈیا رپورٹس کے مطابق مہندا سنگھ جس نے اپنی بیٹی پر خواہش پوری کی تھی نے فیصلہ کیا کہ وہ اپنی بیٹی کی شادی کے موقع پر اسے عزت سے رخصت کرے گا لہذا اس نے ہیلی بک کرنے کےلیے انتظامیہ سے اجازت لی اور بیٹی کی رخصتی کےلیے ہیلی کاپٹر بُک کرلیا۔

مقامی خبر رساں ادارے کا کہنا تھا کہ رینا اس موقع پر اپنی تمام دوستوں کو بھی مدعو کیا ہوا تھا، جو رینا کی شاندار رخصتی دیکھ کر حیران رہ گئیں۔

بھارتی میڈیا کا کہنا تھا کہ رخصتی کے وقت روایتی رسم و رواج کے بعد ہیلی کاپٹر نے پرواز بھری اور دلہا دلہن لے کر اجیتپور رواںہ ہوگیا اور رینا کی سسرال سلطانہ پیلس میں لینڈ کرکے رینا کا خواب پورا کردیا۔

سزایافتہ نیوی اہلکارکی حمایت ٹرمپ کو مہنگی پڑ گئی

کی طرف
ویب ڈیسک
-
0

واشنگٹن: امریکا کے سزا یافتہ نیوی اہلکار کی حمایت کرنے پر ٹرمپ کو شدید تنقید کا نشانہ بنایا جارہا ہے۔

امریکی میڈیا رپورٹ کے مطابق وزیردفاع مارک ایسپر اور  جوائنٹ چیفس چئیرمین جنرل مارک ملی نے صدرٹرمپ کے سزا یافتہ نیوی سیلر کو نیوی سے سبک دوش کرنے کے فیصلے کو روکنے کے بیان پرتشویش کا اظہارکیا ہے۔

امریکی صدر ٹرمپ نے کہاتھا کہ نیوی سیلر ایڈی گیلا ہر کو نیوی سے نہیں نکالا جائے گا۔ انہوں نے یقین دہانی کرائی تھی کہ سزا کے باوجود وہ سیلر کے عہدے پر کام کرتا رہے گا۔

مزید پڑھیں: جنگی جرائم کے مرتکب امریکی فوجیوں‌ کی سزا معاف، ٹرمپ کا اعلان

قبل ازیں صدر ٹرمپ  نے  پینٹاگون کا مشورہ نظراندازکرتے ہوئے جنگی جرائم میں ملوث 2 فوجی اہلکاروں کو رہا کرنے اور نیوی سیلرایڈی گیلی ہارکو عہدے پربحال کردیا تھا۔

ایڈی گیلی ہار  کو عراق میں داعش کے جنگجگو کی لاش کے ساتھ تصویر بنوانے  پر عہدے سے ہٹایا گیا تھا، بعد ازاں امریکی سیلر کو کورٹ مارشل کا سامنا کرنا پڑا جس میں انہیں قتل کے الزام سے بری قرار دیا گیا تھا۔

رینجرز کی کارروائی خفیہ اطلاع پرمکان سے بارودی مواد، دستی بم، ہتھیار برآمد

کی طرف
ویب ڈیسک
-
0
رینجرز

کراچی : رینجرز نے شہر میں دہشت گردی کی بڑی واردات ناکام بنا دی، ملیرسٹی کے ایک مکان پر چھاپہ مار کر بارودی مواد اور اسلحہ برآمد کرلیا گیا۔

تفصیلات کے مطابق شہر قائد میں رینجرز اہلکاروں کی جرائم پیشہ عناصر کیخلاف مؤثر کارروائیاں جاری ہیں، اس سلسلے میں کراچی کے علاقے ملیر سٹی میں رینجرز نے خفیہ اطلاع پر ایک مکان پر چھاپہ مارا، رینجرز حکام کے مطابق مکان کی تلاشی کے دوران وہاں سے بارودی مواد، اسلحہ اور ایمونیشن برآمد ہوا۔

ترجمان رینجرز کے مطابق بارودی مواد اور اسلحہ شہر میں دہشت گردی کے مقاصد کیلئے مکان میں چھپایا گیا تھا، کارروائی میں ایک تیار آئی ڈی، دو کلو بارودی مواد، دو دستی بم برآمد کیے گئے ہیں۔

برآمد ہونے والے سامان میں6ڈیٹونیٹر،6میٹر سیفٹی فیوز، نائن ایم ایم،30بور پستول بھی شامل ہیں، ترجمان رینجرز کا کہنا ہے کہ مختلف ہتھیاروں کی گولیاں بھی کارروائی میں برآمد کی گئیں۔

مزید پڑھیں: رینجرز کی مختلف علاقوں میں کارروائیاں، 22 ملزمان گرفتار

اس سے قبل رینجرز نے کراچی کے مختلف علاقوں میں کارروائیاں کرتے ہوئے 22 ملزمان کو گرفتار کیا تھا۔ گرفتار ملزمان سے اسلحہ، منشیات، چھینے گئے موبائل فون برآمد کیے گئے۔ ترجمان رینجرز کے مطابق کارروائیاں عزیز بھٹی، عزیز آباد، ماڈل کالونی، گلستان جوہر، کورنگی زمان ٹاؤن اور بغدادی کے علاقوں میں کی گئیں۔

فٹبال میچ کے دوران کھلاڑیوں کا انوکھا احتجاج, ویڈیو وائرل

کی طرف
ویب ڈیسک
-
0

ایمسٹرڈیم : نیدرلینڈ میں منعقدہ فٹبال میچ کے دوران نسل پرستی کے خلاف انتظامیہ و کھلاڑیوں نے انوکھا احتجاج کیا۔

تفصیلات کے مطابق یورپی یونین کے رکن ممالک نیدرلینڈ (ہالینڈ) میں منعقد ہونے والے فٹبال میچ کا جیسے ہی آغاز ہوا تو ایس بی وی ایلسزیئر کلب کے کھلاڑی میچ کھیلنے کے بجائے اپنی جگہ پر کھڑے ہوکر تالیاں بجاتے رہے۔

میڈیا رپورٹس کے مطابق جب کھلاڑی تالیاں بجارہے تھے اس دوران الیکٹرانک اسکور بورڈ پر پیغام درج تھا کہ ’نسل پرستی؟ تو پھر ہم نہیں کھیلیں گے‘۔

اسکور بورڈ پر درج پیغام اور کھلاڑیوں کو تالیاں بجاتا دیکھ کر تمائشیوں نے بھی انتظامیہ کھلاڑیوں کا ساتھ دیا اور اپنی نشتوں پر کھڑے ہوکر ایک منٹ تک تالیاں بجائیں۔

یاد رہے کہ گزشتہ ہفتے نسل پرستی کا ایک واقعہ فٹبال میچ کے دوران ہی پیش آیا تھا جب ایس بی وی ایکسلزیئر کلب کے فٹبالر احمد مینڈس موریرا پر نسل پرستانہ جملے کسے گئے تھے جس کے بعد دس منٹ کےلیے میچ کو روک دیا گیا تھا۔

واضح رہے کہ یورپ میں نسل پرستی کے واقعات میں بے پناہ اضافہ ہوتا جارہا ہے، فرانس، اسپین اور برطانیہ سمیت کئی ممالک میں نسل پرستی کی بنیاد پر سینکڑوں افراد ایک دوران قتل کیے جاچکے ہیں۔

لکی مروت، کبڈی میچ کے دوران تصادم، 2 بچوں سمیت 3 افراد جاں بحق

کی طرف
ویب ڈیسک
-
0

لکی مروت: خیبرپختونخوا کے علاقے لکی مروت کے علاقے خان کلے میں کبڈی میچ کے دوران دو گروپوں میں مسلح تصادم کے نتیجے میں 3 افراد جاں بحق ہوگئے۔

تفصیلات کے مطابق لکی مروت میں بچوں کے کبڈی میچ کے دوران دو گروپوں میں تصادم کے نتیجے میں فائرنگ سے اشتہاری مجرم اور 2 بچوں سمیت 3 افراد زندگی کی بازی ہار گئے۔

[bs-quote quote=”اشتہاری مجرم رضوان اللہ اور اس کے مخالف عمل جان گروپ کے افراد نے گولیاں برسائیں” style=”style-8″ align=”left” author_name=”پولیس”][/bs-quote]

ذرائع کے مطابق فریقین نے ایک دوسرے پر اندھا دھند فائرنگ کی، پولیس کا کہنا ہے کہ اشتہاری مجرم رضوان اللہ اور اس کے مخالف عمل جان گروپ کے افراد نے گولیاں برسائیں۔

کبڈی میچ کے دوران فائرنگ سے بھگدڑ مچ گئی، کھلاڑی اور تماشائی بھاگ کھڑے ہوئے، واقعے میں تین افراد زخمی بھی ہوئے۔

فائرنگ سے ہلاک ہونے والوں میں رضوان اللہ، سات سالہ جرار محمد اور 9 سالہ افنان شامل ہیں، ایک زخمی عمل جان کو تشویش ناک حالت میں بنوں روانہ کردیا گیا۔

واقعے کے بعد صورت حال کو کنٹرول کرنے کے لیے پولیس کی بھاری نفری جائے وقوعہ پر پہنچی اور فائرنگ کرنے والے افراد کی تلاش شروع کردی۔

سوشل میڈیا پر خاتون کو ہراساں اور بلیک میل کرنے والے تین ملزمان گرفتار

کی طرف
ویب ڈیسک
-
0

کراچی : سوشل میڈیا پر خاتون کو ہراساں کرنے والے تین ملزمان کو ایف آئی اے سائبر کرائم سرکل نے حراست میں لے لیا، دیگر دو ملزمان گرفتاری کیلئے چھاپے مارے جارہے ہیں۔

تفصیلات کے مطابق کراچی میں ایف آئی اے سائبر کرائم سرکل نے کارروائی کرکے سوشل میڈیا پر خاتون کو ہراساں کرنے والے3 ملزمان کو گرفتار کرلیا۔

ملزمان میں عبدالرافع، اسامہ ذوالفقاراور احتشام جیلانی شامل ہیں، مزید دو ملزمان مفرور ہیں جن کی گرفتاری کیلئے کوششیں جاری ہیں۔

ایف آئی اے کے ڈپٹی ڈائریکٹر عبدالغفار کے مطابق ملزمان نے خاتون سے متعلق غیراخلاقی مواد اپنے موبائل فون اور کمپیوٹر میں محفوظ کر رکھا تھا۔

ملزمان نے پہلے خاتون سے دوستی کی اور ساتھیوں کے ساتھ مل کر غیراخلاقی ویڈیو بنائی، ملزمان نے جعلی فیس بک اکاؤنٹس بنا کر خاتون کو ہراساں اور بلیک میل کیا۔

ڈپٹی ڈائریکٹر ایف آئی اے کے مطابق میڈیکل کی طالبہ کو ملزم اسامہ اسائمنٹ بنوانے کیلئے اپنے گھر بلاتا تھا، احتشام نامی ملزم گھر کے اندر خفیہ کیمرے لگا رکھے تھے جس سےوہ اس کی ویڈیوز بناتا تھا۔

دوسرا ملزم رافع جعلی آئی ڈی سے خاتون کو ہراساں اور بلیک میل کرتا تھا جبکہ ملزم اسامہ متاثرہ لڑکی سے بھتے کی رقم بھی کی وصول کرچکا ہے۔

ڈپٹی ڈائریکٹر دو ملزمان مفرور ہیں جن کی گرفتاری کیلئے کوششیں جاری ہیں، خاتون کی شکایت پردوسرے ہی دن ایف آئی اے سائبرکرائم سرکل نے کارروائی کی، اس کارروائی میں3مرکزی ملزمان کو گرفتارکیا گیا ہے۔

مسلم حاملہ خاتون پر تشدد کرنے والا آسٹریلوی شخص گرفتار

کی طرف
ویب ڈیسک
-
0
انتہاپسند آسٹریلوی گرفتار

سڈنی : آسٹریلوی پولیس نے مسلمان حاملہ خاتون کو ہوٹل پر کھانا کھاتے وقت سرعام تشدد کا نشانہ بننے والے انتہاپسند شخص کو گرفتار کرلیا۔

تفصیلات کے مطابق آسٹریلیا کی ریاست نیو ساؤتھ ویلز کے شہر پارمٹا میں 43 سالہ انتہا پسند آسٹریلوی شخص نے ایک ہوٹل میں اپنی سہیلیوں کے ساتھ کھانا کھانے والی 31 سالہ مسلمان حاملہ خاتون رانا حیدر پر حملہ کیا تھا۔

انتہاپسند شخص کی جانب سے مسلمان حاملہ خاتون کو تشدد کی سی سی ٹی وی ویڈیوز سامنے آنے کے بعد آسٹریلیا کی سوشل میڈیا اور اسلامی تنظیموں نے واقعے کے خلاف آواز اٹھائی تھی جب کہ متاثرہ خاتون نے بھی واقعے سے متعلق فیس بک پر پوسٹ کی تھی۔

امریکی نشریاتی ادارے کی رپورٹ کے مطابق ویڈیو سامنے آنے کے بعد اور متاثرہ خاتون کی جانب سے فیس بک پوسٹ کیے جانے کے بعد پولیس نے کارروائی کرتے ہوئے انتہاپسند شخص کو گرفتار کرلیا۔

رپورٹ کے مطابق انتہاپسند شخص کی معلومات کو سیکیورٹی وجوہات کی وجہ سے خفیہ رکھا گیا ہے، آسٹریلیا میں مسلمانوں کے تحفظ کے لیے کام کرنے والی تنظیموں نے حکومت اور پولیس کے خلاف ’اسلاموفوبیا‘ کے بڑھتے تشدد کے خلاف کارروائی کرنے کا مطالبہ کیا ہے۔

واضح رہے کہ پولیس نے حملہ آور کیخلاف مقدمہ درج کرتے ہوئے ضمانت مسترد کردی تھی، آسٹریلوی پولیس کا کہنا تھا واقعے کی تحقیقات جاری ہیں۔

انتہا پسند شخص کا مسلمان حاملہ خاتون پر بدترین تشدد، ویڈیو وائرل

خیال رہے کہ کچھ روز قبل ترقی پسند ممالک میں نسلی امتیازاورتعصب بڑھنےلگا، انتہا پسند شخص کی حجاب پہنی مسلمان حاملہ خاتون پر حملہ کی ویڈیو وائرل ہوگئی تھی، جس میں سفاک شخص نے مسلم خاتون کو بدترین تشدد کا نشانہ بناتے ہوئے اس کے سر کو اپنے پیروں تلے روند ڈالا تھا۔

یاد رہے رواں ماہ میں فرانس کے دارالحکومت پیرس میں لاکھوں کی تعداد میں مظاہرین نے دنیا بھر کی طرح فرانس میں بڑھتے ہوئے اسلاموفوبیا کے خلاف شدید احتجاج کیا، اسلاموفوبیا کے خلاف ہونے والے 2 کلومیٹر طویل احتجاج میں ہر رنگ و نسل و مذہب کے افراد نے شرکت کی اور متعصبانہ اور مسلم مخالف رویوں کے خلاف نعرے بازی کی۔

کینسر کے موذی مرض میں مبتلا ’ایمان‘ دم توڑ گئی

کی طرف
ویب ڈیسک
-
0

کوالالمپور: ملائیشیا کی مشرقی ریاست میں واقع بورنیو جزیرے میں پالے جانے والے گینڈے کی نایاب نسل کی مادہ ’ایمان‘ ہفتے کے روز ہلاک ہوگئی۔

غیرملکی میڈیا رپورٹ کے مطابق ملائیشیا کی مشرقی ریاست صباح کے جزیرے بورنیو میں پالی جانے والی 25 سالہ ایمان کینسر کے عارضے میں مبتلا تھی جو 23 نومبر کو طبعی موت مر گئی۔

حکام نے مادہ گینڈے کو ’ایمان‘ کا نام دیا تھا۔ اہلکار کے مطابق ایمان بیماری کی وجہ سے شدید تکلیف میں تھی، ڈاکٹرز نے پہلے ہی اُس کے ٹھیک نہ ہونے کی خبر دے دی تھی۔

محکمہ جنگلات کے اہلکار کا کہنا تھا کہ مادہ گینڈے کو 2014 میں پکڑا گیا تھا، اُس وقت ڈاکٹرز نے معائنہ کر کے بتایا تھا کہ اس کے جسم میں کینسر پھیل چکا ہے۔

قبل ازیں رواں برس مئی میں ملائیشیا ہی میں سماٹری گینڈے کا اکلوتا نر بھی ہلاک ہو گیا تھا، ان دونوں کی ہلاکت کے بعد نایاب نسل کے گینڈے کی تعداد بہت کم رہ گئی۔

رپورٹ میں بتایا گیا ہے کہ سماٹری گینڈوں کا ایک جوڑا، انڈونیشیا کے جزیرے سماٹرا کے جنگلاتی علاقے میں رہائش پذیر ہے، ماہرین کی خواہش ہے کہ اُن کی افزائش ہو البتہ ایسا ممکن نظر نہیں آرہا۔

جنگلی حیات کے ماہرین کا یہ بھی کہنا ہے کہ سماٹری گینڈے میں نسل بڑھانے کی رغبت انتہائی کم ہے ، اس کے ناپید ہونے کی ایک بڑی وجہ یہ بھی ہے۔ ماہرین مزید بتاتے ہیں کہ کسی دور میں یہ گینڈے براعظم ایشیا کے کئی ملکوں بشمول انڈیا کے جنگلات میں پائے جاتے تھے مگر اب ان کے کی تعداد بہت کم رہ گئی۔

سعودی عرب میں پاکستانی خاتون پر تشدد کرنے والا شخص‌ گرفتار

کی طرف
ویب ڈیسک
-
0

ریاض : سعودی پولیس نے طائف میں پاکستانی خاتون کو بے دردی سے تشدد کا نشانہ بنانے والے شخص کو گرفتار کرلیا۔

تفصیلات کے مطابق سعودی عرب کے صوبے طائف میں ایک عمارت مستقل کسی خاتون کے چیخنے کی آوازیں تھی جس کی ویڈیو سوشل میڈیا پر بھی وائرل ہوئی تھی۔

ویڈیو وائرل ہونے کے بعد طائف پولیس نے از خود نوٹس لیتے ہوئے ملزم کے خلاف کارروائی کی تھی۔

عرب خبر رساں ادارے کا کہنا ہے کہ تشدد کا شکار ہونے والی خاتون کا تعلق پاکستان سے ہے اور ملزم خاتون کا شوہر ہے تاہم تاحال ملزم کی شہریت معلوم نہیں ہوسکی ہے۔

طائف پولیس کا کہنا ہے کہ کارروائی سوشل میڈیا پر ویڈیو وائرل ہونے کے بعد کی ہے تاہم واقعے تفصیلات تفیش مکمل ہونے کے بعد اعلامیے کی صورت میں جاری کی جائیں گی۔

سماجی رابطے کی ویب سائٹ ٹوئٹر پر ویڈیو شیئر کرنے والے صارف نے لکھا کہ جب سے ہم اس محلے میں منتقل ہوئے ہیں مستقل اس عمارت سے خاتون کے چیخنے کی آوازیں آتی ہیں اور کئی مرتبہ تو خاتون نے کھڑکی سے پڑوسیوں کو مدد کےلیے بھی پکارا تھا۔

صارف کا کہنا تھا کہ جب بھی ملزم خاتون کو تشدد کا نشانہ بناتا تو متاثرہ خاتون کھڑکی سے آوازیں دیتی تھی ‘مجھے بچاؤ، مجھے بچاؤ‘۔

ٹوئٹر صارف نے دعویٰ کیا کہ ملزم منشیات کا عادی ہے اور نشے کے بعد اپنی اہلیہ کو تشدد کا نشاتہ بناتا تھا، کئی بار پڑوسی مدد کےلیے گئے تاہم ایک دو روز بعد ہھر خاتون کے چیخنے کی آوازیں آنے لگتی تھی۔

ایک صارف نے تبصرہ کرتے ہوئے کہا کہ ’ویڈیو شیئر کرنے والے کے لیے مصیبت کھڑی ہو جائے گی اگر واقعہ غلط اور بے بنیاد نکلا۔

1...19,98819,98919,990...30,710صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025