کراچی: پولیس نے سابق رکن قومی اسمبلی علی رضا عابدی کے قتل کا مقدمہ درج کر لیا ہے، مقدمہ گزری تھانے میں درج کیا گیا۔

تفصیلات کے مطابق کراچی کے علاقے ڈیفنس میں گھر کے دروازے پر قتل ہونے والے سابق ایم کیو ایم رہنما علی رضا عابدی کے قتل کا مقدمہ گزری تھانے میں درج کر لیا گیا۔

[bs-quote quote=”ملزمان کے چہرے یاد ہیں، پہچان سکتا ہوں۔” style=”style-7″ align=”left” color=”#dd3333″ author_name=”والد کا بیان”][/bs-quote]

پولیس کا کہنا ہے کہ مقدمہ علی رضا عابدی کے والد کی مدعیت میں درج کیا گیا ہے، مقدمے میں قتل اور دہشت گردی کی دفعات شامل ہیں۔

دریں اثنا علی رضا عابدی کے والد اخلاق عابدی نے میڈیا سے غیر رسمی گفتگو کرتے ہوئے انکشاف کیا کہ انھیں ملزمان کے چہرے یاد ہیں۔

والد اخلاق عابدی نے کہا ’مجھے علی رضا عابدی پر فائرنگ کرنے والوں کے چہرے یاد ہیں، ملزمان کو دیکھ کر پہچان سکتا ہوں، میں فائرنگ کی آواز سنتے ہی دروازے کی طرف بھاگا۔‘

انھوں نے مزید بتایا کہ ’گارڈ نے بتایا فائرنگ ہوئی ہے اور اسلحہ مانگا، علی رضا بچوں کو ڈنر پر لے جانے کے لیے جلدی آیا تھا۔‘

یہ بھی پڑھیں:  کراچی: سابق رکن قومی اسمبلی علی رضا عابدی قاتلانہ حملے میں جاں بحق

والد اخلاق عابدی کا کہنا تھا کہ گارڈ کمپنی ہم سے 20 ہزار ماہانہ لے کر تنخواہ 12 یا 14 ہزار دیتی ہے۔ انھوں نے مزید بتایا کہ پولیس نے بیان ریکارڈ کر لیا ہے۔

خیال رہے کہ گزشتہ روز ڈیفنس میں علی رضا عابدی جیسے ہی گھر کے دروازے پر پہنچے، پہلے سے ریکی کرنے والے دو موٹر سائیکل سوار نوجوان آئے، اور ایک نے اتر کر ان پر گولیوں کی بوچھاڑ کر دی، جس سے سابق رکن قومی اسمبلی جاں بحق ہو گئے۔

کراچی: سندھ رینجرز نے مختلف علاقوں میں کارروائیاں کرتے ہوئے ایم کیو ایم لندن کے دو ملزمان سمیت 13 مزید گرفتار کر لیے۔

تفصیلات کے مطابق رینجرز نے شہرِ قائد کے مختلف علاقوں سے 13 ملزمان گرفتار کر لیے، عیدگاہ، میٹھادر سے 2 ملزمان ندیم اور فرحان کو گرفتار کیا گیا۔

[bs-quote quote=”لیاری گینگ وار کے بھی 4 ملزمان گرفتار کیے گئے۔ بھتہ خوری میں ملوث آصف پکوڑا بھی گرفتار۔” style=”style-7″ align=”left” color=”#dd3333″][/bs-quote]

ترجمان رینجرز نے بتایا کہ ملزمان کا تعلق ایم کیو ایم لندن سے ہے، ملزمان غیر قانونی اسلحہ ذخیرہ کرتے تھے اور بھتہ خوری، اسٹریٹ کرائم کی وارداتوں میں بھی ملوث ہیں۔

رینجرز کے ترجمان کے مطابق نیپئر، رسالہ، کھارادر، بغدادی سے لیاری گینگ وار کے بھی 4 ملزمان گرفتار کیے گئے ہیں، جو ٹارگٹ کلنگ، بھتہ خوری اور ڈکیتیوں میں ملوث ہیں۔

چاکیواڑہ سے بھتہ خوری میں ملوث آصف عرف پکوڑا کو بھی گرفتار کر لیا گیا ہے، سعود آباد، ناظم آباد اور گبول کے علاقے سے 6 ملزمان گرفتار کیے گئے۔

ترجمان رینجرز نے بتایا کہ تمام ملزمان ڈکیتی اور اسٹریٹ کرائم کی متعدد وارداتوں میں ملوث ہیں، گرفتار ملزمان سے اسلحہ، گولیاں اور مسروقہ سامان بھی برآمد کیا گیا ہے۔

یہ بھی پڑھیں:  کراچی: سابق رکن قومی اسمبلی علی رضا عابدی قاتلانہ حملے میں جاں بحق

ترجمان سندھ رینجرز کے مطابق گزشتہ روز اندرون سندھ پانی چوروں کے خلاف بھی آپریشن کیا گیا تھا، جس کے دوران بدین اکرم واہ کینال میں پانی چوری کے غیر قانونی کنکشنز ہٹائے گئے۔

پانی چوروں کے خلاف محکمہ آب پاشی اور پولیس کے ساتھ مشترکہ آپریشن کیا گیا، دوران آپریشن 3 کلو میٹر نہری علاقے میں 2 غیر قانونی کنکشن ہٹائے گئے۔

خیال رہے کہ گزشتہ روز کراچی کے علاقے ڈیفنس میں سابق رکن قومی اسمبلی علی رضا عابدی کو ان کے گھر کے دروازے پر ٹارگٹ کلرز نے نشانہ بناتے ہوئے قتل کیا۔