ہفتہ, جون 28, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 22623

آئین میں لکھا ہے جس صوبے سے گیس پیدا ہوتی ہے پہلا حق اس کا ہے: مراد علی شاہ

کی طرف
ویب ڈیسک
-
0
Murad Ali Shah

شکارپور: وزیرِ اعلیٰ سندھ مراد علی شاہ نے کہا ہے کہ آئین میں لکھا ہے جس صوبے سے گیس پیدا ہوتی ہے پہلا حق گیس پر اسی صوبے کا ہے۔

تفصیلات کے مطابق وزیرِ اعلیٰ سندھ مراد علی شاہ نے شکارپور آمد کے موقع پر پیپلز پارٹی کے رہنما واحد بخش بھیو کے انتقال پر ورثا سے تعزیت کی۔

[bs-quote quote=”کراچی میں انکروچمنٹ 70 سال پرانی ہے، سپریم کورٹ نے تجاوزات آپریشن کا حکم کے ایم سی کو دیا تھا۔” style=”style-7″ align=”left” color=”#dd3333″ author_name=”وزیرِ اعلیٰ سندھ”][/bs-quote]

وزیرِ اعلیٰ سندھ نے میڈیا سے بات چیت کرتے ہوئے کہا کہ صوبہ سندھ 70 فی صد گیس فراہم کرتا ہے، آئین کے مطابق گیس پر پہلا حق صوبہ سندھ ہی کا ہے۔

مراد علی شاہ نے کہا کہ کراچی میں انکروچمنٹ 70 سال پرانی ہے، سپریم کورٹ نے تجاوزات آپریشن کا حکم کے ایم سی کو دیا تھا، کے ایم سی کے میئر کو تجاوزات آپریشن سوچ سمجھ کر کرنا چاہیے تھا۔

وزیرِ اعلیٰ سندھ نے کہا کہ جن کا کاروبار ختم ہو رہا ہے ان کا بھی انتظام پہلے کیا جانا چاہیے تھا، انکروچمنٹ میں ہمارا جو بھی کردار ہوا وہ ہم ادا کریں گے۔

مراد علی شاہ نے وفاقی حکومت سے مطالبہ کیا کہ تجاوزات آپریشن کے متاثرین کی بحالی کے لیے اقدامات کیے جائیں۔

یہ بھی پڑھیں:  سندھ: سی این جی اسٹیشنز کی گیس چھ روز بعد بحال کر دی گئی

یاد رہے کہ سندھ میں چھ دن تک شدید گیس بحران کے باعث شہری مسلسل عذاب میں مبتلا رہے، ٹرانسپورٹ کی صورتِ حال ابتر رہی، قومی ادارے ایک دوسرے پر الزامات لگاتے رہے، تاہم گزشتہ روز گیس بحران ختم ہو گیا اور سی این جی اسٹیشنز کی گیس بحال کر دی گئی۔

دو دن قبل گیس بحران کے خاتمے کے لیے وفاقی وزیرِ خزانہ اسد عمر ایل این جی جہازوں میں اضافے کی درخواست کے لیے ہنگامی دورے پر قطر گئے۔ پاکستان ہر ماہ قطر سے ایل این جی کے چھے جہاز منگواتا ہے۔

پانچ سال میں بہت سی نوکریاں دے کر جائیں گے، رزاق داؤد

کی طرف
اعجاز الامین
-
0

کراچی : وزیراعظم کے مشیربرائے تجارت رزاق داؤد نے کہا ہے کہ پانچ سال میں بہت سی نوکریاں دے کر جائیں گے، سیاسی بیانات کا معیشت پر کوئی اثر نہیں پڑتا۔

ان خیالات کا اظہار انہوں نے کراچی ایکسپو سینٹر میں پاکستان فرنیچر کونسل کی نمائش کے موقع پر میڈیا سے گفتگو کرتے ہوئے کیا، انہوں نے کہا کہ پاکستان فرنیچر کونسل کی نمائش میں پہلی بار آیا ہوں۔

نمائش دیکھ کر خوشی ہوئی ہے، ان کا کام اچھا ہے، ان لوگوں کے کام کو آگے بڑھانے کیلئے ان کی سپورٹ کرنی ہے، ایکسپورٹ میں فرنیچر انڈسٹری پیچھے ہے، ڈیڈاپ کے ساتھ مل کر ان کی ایکسپورٹ کی بات کرنی ہے ۔

رزاق داؤد کا مزید کہنا تھا کہ ہم نے فرنیچر کی صنعت کو آگے لے کر جانا ہے، اس بات میں کوئی رائے نہیں کہ روپے کی قدر کم ہوجائے تو قرضہ جات بڑھ جاتے ہیں، جس انڈسٹری کا مٹیریل امپورٹ ہوتا ہےاس کو نقضان ہوتا ہے۔

ایک سوال کے جواب میں وزیراعظم کے مشیر تجارت کا کہنا تھا کہ نوکریاں ایک ماہ میں نہیں دی جا سکتیں، پانچ سال میں بہت سی نوکریاں دے کر جائیں گے، سیاسی بیانات کا معیشت پر کوئی اثر نہیں پڑتا، البتہ میرا سیاست سے کوئی تعلق نہیں ہے۔

ٹیکس معاملات میں کسی کو رعایت نہیں دی جائے گی: وزیرِ مملکت حماد اظہر

کی طرف
ویب ڈیسک
-
0

لاہور: وزیرِ مملکت ریونیو محمد حماد اظہر نے کہا ہے کہ ٹیکس معاملات میں کسی کو رعایت نہیں دی جائے گی، ٹیکس گوشوارے جمع کرانے کے عمل کو آسان بنایا جائے گا۔

تفصیلات کے مطابق لاہور میں نیوز کانفرنس سے خطاب کرتے ہوئے وزیرِ مملکت نے کہا کہ وزیرِ اعظم کو گزشتہ روز ٹیکس ریفارمز سے متعلق بریفنگ دی گئی۔

[bs-quote quote=”ایک سال میں ٹیکس ریٹرن میں 30 فی صد اضافہ ہوا۔” style=”style-7″ align=”left” color=”#dd3333″ author_name=”وزیرِ مملکت”][/bs-quote]

حماد اظہر کا کہنا تھا کہ مینوفیکچرنگ کے حوالے سے غیر ضروری ٹیکس ختم کریں گے۔

انھوں نے کہا ’مزید 20 ہزار نان فائلرز کو ایف بی آر نے نوٹس جاری کر دیے ہیں، ہم نے آتے ہی نان فائلرز کے خلاف کارروائی شروع کی، ساڑھے 14 سے 15 لاکھ شہریوں نے ٹیکس ریٹرن جمع کرائے۔‘

حماد اظہر نے کہا کہ فیلڈ آفیسرز کو بہتری کی جانب لے جانے کی کوشش کریں گے، ایک سال میں ٹیکس ریٹرن میں 30 فی صد اضافہ ہوا۔

وزیرِ مملکت حماد اظہر نے کہا کہ ٹیکس ایمنسٹی اسکیم کو لیگل کور حاصل ہے، ایف بی آر ادارہ پسند یا نا پسند پر نہیں چلتا، قانون ٹیکس ریٹرن کے حوالے سے ڈیٹا ظاہر کرنے کی اجازت نہیں دیتا، ہمارے ٹیکس قوانین بہت پیچیدہ ہو گئے ہیں۔

یہ بھی پڑھیں:  ٹیکس فائلرزکے لیے خوش خبری، گوشوارے جمع کرانے کی تاریخ میں توسیع

یاد رہے دو ہفتے قبل فیڈرل بورڈ آف ریونیو (ایف بی آر) نے انکم ٹیکس گوشوارے جمع کرانے کی تاریخ میں توسیع کا اعلان کرتے ہوئے آخری تاریخ 15 دسمبر کر دی تھی۔

اس سے قبل 27 نومبر 2018 کو وزیرِ مملکت برائے ریونیو حماد اظہر نے اعلان کیا تھا کہ حکومت نے دیر سے ٹیکس ریٹرن جمع کرانے والوں پر عائد جرمانہ ختم کر دیا ہے۔

کھانوں کا شوقین بھارتی جوڑا لاہور پہنچ گیا

کی طرف
ویب ڈیسک
-
0

لاہور: صوبہ پنجاب کے شہر لاہور کے کھانے صرف پاکستان میں ہی نہیں بلکہ پڑوسی ملک میں بھی مشہور ہیں، پنجاب کے کھانوں کا شوقین بھارتی جوڑا لاہور پہنچ گیا۔

تفصیلات کے مطابق دنیا گھومنے کے لیے نکلنے والا بھارتی نوجوان لاہور کے مقامی کھانوں سے لطف اندوز ہونے لاہور پہنچ گیا، وہ صرف لاہور کے کھانے کھانے کے لیے لاہور پہنچے ہیں۔

نمائندہ اے آر وائی نیوز الماس خان کے مطابق مسز سجائے کا کہنا تھا کہ 118 ممالک گھوم کر آئے ہیں لیکن انہیں لاہور کا کھانا سب سے زیادہ اچھا لگا۔

مسز سجائے کے مطابق لاہور کی مٹن اور مچھلی ہم نے کھائی جو بہت ہی زیادہ ذائقہ دار ہے کسی بھی ملک میں اس طرح کی مٹن اور مچھلی نہیں کھائی۔

مذکورہ جوڑا صرف تین گھنٹے کے وزٹ پر لاہور پہنچا، خاتون کے شوہر کا کہنا تھا کہ ہم نے لاہور کے کھانوں کی تعریف سن رکھی تھی اس لیے شارٹ وزٹ پر اپنے لاہور کا انتخاب کیا۔

یاد رہے کہ بھارت کے مشہور گلوکار ہنس راج ہنس بھی جب لاہور پہنچے تھے تو انہوں نے کہا تھا کہ دونوں ممالک کے عوام میں کوئی فرق نہیں ہے، لاہور کے کھانے بہت ہی مزیدار ہوتے ہیں۔

دبئی: غیر ملکی سیاحوں کے لیے زبردست اعلان

کی طرف
ویب ڈیسک
-
0

دبئی: متحدہ عرب امارات کے پارک کی انتظامیہ نے غیر ملکی سیاحوں کے لیے زبردست اعلان کردیا۔

تفصیلات کے مطابق غیر ملکی سیاحوں کے پسندیدہ ترین مقام زبیل پارک کی انتظامیہ نے جمعے کے روز اعلان کیا کہ اب سیاحوں کی پارک میں بالکل مفت انٹری ہوگی۔

قبل ازیں پارک میں داخل ہونے کی فیس پانچ درہم مقرر کی گئی تھی جبکہ دو سال سے کم عمر بچوں کو داخلہ فیس سے استشنیٰ قرار دیا گیا تھا۔

مزید پڑھیں: دبئی فریم کرائے گا رنگ و روشنی سے سجے پورے شہر کا خوبصورت فضائی نظارہ

انتظامیہ کی جانب سے اعلان کیا گیا ہے کہ اتوار، پیر، منگل اور بدھ کو صبح 8 سے رات دس بجے اور جمعرات جمعہ ہفتہ صبح 8 سے رات گیارہ بجے تک پارک میں بالکل مفت داخلہ ہوگا۔

دبئی فریم کی انتظامیہ نے سماجی رابطے کی ویب سائٹ ٹویٹر پر سیاحوں کے مفت داخلے کا اعلان کیا جس پر فوری اطلاق ہوگا۔

یہ بھی پڑھیں: سیاحت کا فروغ، سعودی حکومت نے نئی ویزہ پالیسی کا اعلان کردیا

واضح رہے کہ زبیل پارک کو خلیجی ممالک میں پہلا ٹیکنالوجی اور سب سے بڑے پارک ہونے کا اعزاز حاصل ہے، اس کا رقبہ 45 فٹبال اسٹیڈیم سے بھی بڑا ہے۔

پارک کے اندر مختلف کھیلوں کے کورٹس اور ریسٹورنٹ موجود ہیں جبکہ بچوں کی تفریح کے لیے جھولے وغیرہ بھی لگائے گئے ہیں۔

گزشتہ برس انتظامیہ نے اس پارک میں دنیا کا سب سے بڑا فریم نصب کیا تھا جس پر بیٹھ کر صرف پچاس درہم میں پورے دبئی کا نظارہ کیا جاسکتا ہے جبکہ بچوں کی فیس صرف 20 درہم مقرر کی گئی۔

انتظامیہ کی جانب سے پارک میں کچھ ایسے حصے مقرر کیے گئے جہاں فیملیز اور خواتین کے علاوہ دوسرا کوئی شخص داخل نہیں ہوسکتا۔

دماغی بیماریوں کا آسان علاج دریافت

کی طرف
ویب ڈیسک
-
0

ایڈن برگ: اسکاٹ لینڈ کے طبی ماہرین نے مختلف دماغی بیماریوں کا آسان علاج دریافت کرلیا۔

تفصیلات کے مطابق اسکاٹ لینڈ کے ماہرین نے مختلف اقسام کی ذہنی بیماریوں کو دور کرنے اور ان کا طریقہ علاج دریافت کرنے کے لیے تحقیق کی جس کے دوران ایک نیا طریقہ علاج دریافت ہوا۔

تحقیق میں 498 ایسے افراد کو شامل کیا گیا جن کی مختلف عمریں تھیں، ان میں بزرگ مرد و خواتین بھی شامل تھے۔

مزید پڑھیں: غیر شادی شدہ افراد بھولنے کی بیماری میں مبتلا ہوسکتے ہیں، تحقیق

ماہرین کے مطابق تحقیق میں شامل ہونے والے افراد کی ذہنی صلاحیت کو جانچنے کے لیے انہیں مختلف پزل گیمز دیے جن میں ناموں کو جوڑنا، رنگ ملانا اور شہروں کے نام تلاش کرنا تھے۔

یونیورسٹی آف ایڈن برگ کے پروفیسر اور دماغ کے ڈاکٹر کا کہنا تھا کہ حیران کُن طور پر جن لوگوں نے پزل گیمز میں حصہ لیا اُن کی کارکردگی بہتر ہوئی اور انہیں چیزیں یاد بھی رہیں۔

اُن کا کہنا تھا کہ جب ہم نے مذکورہ افراد کو گیمز فراہم کیے تو انہیں نہ صرف اپنا ٹارگٹ یاد رہا بلکہ انہوں نے گیم کو حل بھی کیا، ایسے بھی مریض تھے جن کی عمر کی وجہ سے یادداشت بالکل جاچکی ہے۔

یہ بھی پڑھیں: بچوں کو گیمز کھیلنے سے کیوں نہ روکیں؟ ماہرین نے وجہ بتادی

محقق کا کہنا تھا کہ ہم نے اگلے مرحلے میں ان افراد سے ماضی سے متعلق سوالات کیے تو انہوں نے بالکل درست جواب دیا بلکہ اُن لوگوں نے ایسی بھی باتیں دہرائیں جو گھر والے نہیں جانتے تھے۔

تحقیق میں یہ بات بھی سامنے آئی کہ اگر روزانہ بچوں اور بزرگوں کے ساتھ اس طرح کے گیمز کھیلے جائیں تو اُن کا حافظہ نہ صرف مضبوط رہے گا بلکہ انہیں دماغی بیماریاں لگنے کا امکان بھی کم ہوجائے گا۔

بیلجیم نے ہاکی ورلڈ کپ 2018 کا ٹائٹل اپنے نام کرلیا

کی طرف
ویب ڈیسک
-
0

بھونیشور: ہاکی ورلڈ کپ کے فائنل میچ میں بیلجیم نے نیدر لینڈز کو پنلٹی شوٹ آؤٹ پر شکست دے کر ٹائٹل اپنے نام کرلیا۔

تفصیلات کے مطابق بھارت کے شہر بھونیشور میں جاری ہاکی ورلڈ کپ کے فائنل میچ میں بیلجیم نے سخت مقابلے کے بعد نیدرلینڈز کو 3-2 سے شکست دے دی، میچ کا فیصلہ پنلٹی شوٹ آؤٹ پر کیا گیا۔

مقررہ وقت دونوں کے درمیان کے درمیان میچ برابر تھا، بیلجیم کے گول کیپر نے نیدرلینڈز کا گول روک کر جیت میں اہم کردار ادا کیا۔

نیدرلینڈز پاکستان ہاکی ٹیم کا چار بار ہاکی ورلڈ کپ جیتنے کا ریکارڈ برابر نہ کرسکا۔

تیسری پوزیشن کے میچ میں آسٹریلیا نے انگلینڈ کو شکست دے کر کانسی کا تمغہ اپنے نام کرلیا۔

کینگروز کی ٹیم نے تیسری پوزیشن کے لیے سخت محنت کی اور انگلش ٹیم کو ایک کے مقابلے میں 8 گول سے شکست دی۔

واضح رہے کہ ہاکی ورلڈ کپ میں قومی ٹیم نے چار میچز کھیلے اور کسی بھی میچ میں کامیابی حاصل نہ کرسکی، ملائیشیا کے خلاف کھیلا جانے والا میچ برابر رہا تھا۔

خواجہ سعد رفیق کے پروڈکشن آرڈر رکوانے کے لیے اسپیکر قومی اسمبلی کو خط

کی طرف
ویب ڈیسک
-
0

اسلام آباد: پاکستان مسلم لیگ نے کے رہنما خواجہ سعد رفیق کے پروڈکشن آرڈر رکوانے کے لیے اسپیکر قومی اسمبلی کو خط لکھ دیا گیا۔

تفصیلات کے مطابق خواجہ سعد رفیق کے پروڈکشن آرڈر رکوانے کے لیے اسپیکر قومی اسمبلی کو خط لکھ دیا گیا، خط جوڈیشل ایکٹوازم پینل کے سربراہ اظہر صدیق کی جانب سے لکھا گیا۔

[bs-quote quote=”شہباز شریف کے پروڈکشن آرڈر بھی غیر قانونی طور پر جاری ہوئے۔” style=”style-7″ align=”left” color=”#dd3333″ author_name=”درخواست گزار”][/bs-quote]

خط کی کاپی الیکشن کمیشن، چیئرمین نیب اور ڈی جی نیب کو بھی بھجوائی گئی۔

خط کے متن میں کہا گیا ہے کہ رول 108 کے تحت زیرِ تفتیش مجرم اجلاس میں پیش نہیں کیا جا سکتا، شہباز شریف کے پروڈکشن آرڈر بھی غیر قانونی طور پر جاری ہوئے۔

درخواست گزار نے خط میں لکھا ہے کہ سعد رفیق کے پروڈکشن آرڈر آئین کے آرٹیکل 25 کی خلاف ورزی ہے، اسپیکر قومی اسمبلی نے ایکشن نہ لیا تو عدالت سے رجوع کریں گے۔

یہ بھی پڑھیں:  خواجہ سعد رفیق ریلوے خسارہ کیس میں سپریم کورٹ میں پیش

یاد رہے 11 دسمبر کو لاہور ہائی کورٹ نے خواجہ سعد رفیق اور ان کے بھائی سلمان رفیق کی عبوری ضمانت کی درخواست خارج کر دی تھی جس کے بعد قومی احتساب بیورو (نیب) نے دونوں بھائیوں کو حراست میں لے لیا تھا۔

لیگی رہنما کو اختیارات کے غلط استعمال، شواہد کو ٹمپر کرنے کی کوشش پر، اور اہلیہ، بھائی سلمان رفیق، ندیم ضیا اور قیصر امین کے ساتھ مل کر عوام کو دھوکا دے کر رقم بٹورنے پر گرفتار کیا گیا۔ ملزمان نے ایئر ایونیو سوسائٹی بنائی، بعد ازاں اس کا نام تبدیل کر کے پیراگون رکھ لیا۔

کشمیر کا تنازع تشدد کے بجائے مذاکرات سے حل ہوسکتا ہے، وزیراعظم

کی طرف
ویب ڈیسک
-
0

اسلام آباد: وزیراعظم عمران خان نے کہا ہے کہ کشمیر کا تنازع تشدد کے بجائے مذاکرات سے حل ہوسکتا ہے، کشمیریوں کو اپنے مستقبل کا تعین خود کرنے کی اجازت دی جائے۔

تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے مقبوضہ وادی میں بھارتی فورسز کی جاری جارحیت کی مذمت کی ہے۔

وزیراعظم عمران خان نے کہا کہ مسئلہ کشمیر تشدد کے بجائے مذاکرات سے حل کرنے کی ضرورت ہے، مقبوضہ کشمیر میں بھاری جارحیت کا معاملہ عالمی سطح پر اُٹھائیں گے۔

انہوں نے کہا کہ سلامتی کونسل حق خود ارادیت دینے کے وعدے پر عمل کرے، نہتے کشمیریوں پر بھارت کی انسانی حقوق کی سنگین پامالیوں پر آواز اٹھائیں گے۔

واضح رہے کہ گزشتہ روز بھارتی فوج نے ضلع پلوامہ میں آپریشن کے نام پر بربریت کا مظاہرہ کرتے ہوئے گیارہ کشمیری نوجوانوں کو شہید کردیا تھا۔

قبل ازیں وزیر خارجہ شاہ محمود قریشی کا کہنا تھا کہ دنیا بھر میں پاکستانی سفارت خانوں کو ہدایت جاری کی ہے کہ مقبوضہ کشمیر میں بھارتی بربریت کو اجاگر کریں۔

ان کا کہنا تھا کہ مقبوضہ کشمیر میں بھارت کی بربریت جاری ہے اور گزشتہ ماہ نومبر میں 18 نہتے کشمیریوں کو شہید کیا گیا، دنیا کی ترجیحات میں کشمیر نہیں ہے لیکن دنیا اتنی بے حس اور لاتعلق نہیں ہوسکتی۔

سام سنگ کے فولڈ ایبل فون کی تفصیلات اور قیمت سامنے آگئی

کی طرف
ویب ڈیسک
-
0

سیئول: اسمارٹ فون بنانے والی کمپنی سام سنگ نے اپنے نئے فولڈ ایبل موبائل کی قیمت کا اعلان کردیا۔

تفصیلات کے مطابق گزشتہ دنوں اطلاع سامنے آئی تھی کہ دیگر موبائل کمپنیوں پر سبقت لے جانے کے لیے اس بار سام سنگ کمپنی ایک نئے اور جدید انداز کا اسمارٹ فون متعارف کرانے کا ارادہ رکھتی ہے۔

موبائل فونز پر نظر رکھنے والی غیر ملکی ویب سائٹ نے دعویٰ کیا تھا کہ سام سنگ کا نومبر میں آنے والا اسمارٹ فون فولڈ ایبل (مڑنے) کی سہولت سے آراستہ ہوگا جسے کتاب کی طرح بند کیا جاسکے گا اور سب سے دلچسپ بات یہ ہے کہ اس فون میں 2 اسکرینز ہوں گی۔

مزید پڑھیں: سام سنگ کا ’فولڈ ایبل‘ فون متعارف

کمپنی نے وعدے کے مطابق 8 نومبر کو کتاب کی طرف فولڈ ہونے والا موبائل متعارف کرایا جسے ’انفنیٹی فلیکس ڈسپلے‘ کا نام دیا گیا۔

سام سنگ نے اس فون کی اسکرین لچکدار رکھی جبکہ اس کا سائز 7.3 انچ ہے، اسمارٹ ڈیوائس کو کتاب کی طرح بند کیا جاسکتا ہے جبکہ یہ کھل کر ٹیبلیٹ کی شکل اختیار کرلیتا ہے۔

فولڈ ہونے کے بعد فون کی اسکرین عام موبائلز کی طرح کام کرتی ہے جسے جیب میں آسانی سے رکھا جاتا ہے۔ کمپنی نے فون سے متعلق دیگر معلومات فراہم نہیں کیں تھیں بس یہ اعلان کیا گیا تھا کہ یہ فون مارکیٹ میں اسے جلد پیش کیا جائے گا۔

یہ بھی پڑھیں: سام سنگ کے متوقع فون کی تصویر لیک

اسے بھی پڑھیں: پہلا فولڈ ایبل موبائل فون متعارف

سام سنگ استعمال کرنے والے صارفین فولڈ ایبل موبائل کی قیمت اور دیگر فیچرز کے حوالے سے انتظار کررہے تھے جو اب ختم ہوگیا۔

کمپنی کی جانب سے متعارف کرائے جانے والے موبائل میں اسنیپ ڈریگن پراسیسر اور 6 ہزار ایم ای ایچ بیٹری شامل ہے جبکہ اس کی اسکرین 7.3 انچ اور موبائل میں 2 کیمرے ہیں جن میں سے ایک 12 میگا پکسل جبکہ فرنٹ کا رزلٹ 8 میگا پکسل ہے۔

سام سنگ نے نئے سیٹ کی قیمت 1800 ڈالر مقرر کی جو پاکستانی کرنسی کے حساب سے تقریباً ڈھائی لاکھ روپے کے قریب بنتی ہے۔ اس فون کی خرید و فروخت آئندہ سال فروری کے بعد سے شروع ہوگی۔

1...22,62222,62322,624...30,790صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025