کراچی: اے آر وائی فلمز اور وادی اینی میشن کی مشترکہ پیشکش تین بہادر رائز آف دی واریئرز کا رنگا رنگ پریمیئر کراچی میں منعقد کیا گیا، پریمیئر میں عوام کی بڑی تعداد نے شرکت کی۔

تفصیلات کے مطابق اے آر وائی فلمز اور وادی اینی میشن کی مشترکہ پیشکش تین بہادر رائز آف دی واریئرز کل سینما گھروں کی زینت بنے گی، کراچی میں رنگا رنگ پریمیئر کا انعقاد کیا جسے مداحوں کی جانب سے بے حد سراہا گیا۔

فلم کے پریمیئر میں اداکار و ہدایت کار سمیت مختلف شعبہ ہائے زندگی سے تعلق رکھنے والے افراد نے شرکت کی اور فلم کی کہانی کو سراہا۔

پریمیئر میں وسیم اکرم کی اہلیہ شنیرا اکرم، بلال عباس خان، ماریا خان، ثروت گیلانی، شرمین عبید چنائے سمیت دیگر اداکاروں کی شرکت کی۔

ماریا خان نے اپنے پیغام میں کہا کہ ’تین بہادر کے حوالے سے میں بہت پرجوش ہیں، ہماری اینی میٹڈ فلم بہت اچھی ہوتی ہیں، ہر کسی کے اندر ایک بچہ ہوتا ہے میں بھی اسی لیے فلم دیکھنے کے لیے آئی ہوں۔‘

اداکار اعجاز اسلم کا کہنا تھا کہ اینی میٹڈ فلمیں بھی پاکستانی فلم انڈسٹری کا مستقبل ہے، تین بہادر رائز آف دی واریئرز بچوں کو بے حد پسند آئے گی۔

فلم کے تین کردار سعدی، کامل اور آمنہ کی ہوشیاری اور روشن بستی کو بچانے کے لیے ان کی بہادری بچوں کے لیے مثال بن گئی ہے۔

پریمیئر دیکھنے کے بعد بچوں کا کہنا تھا کہ اے آر وائی بچوں کے لیے بہت اچھی فلمیں بناتا ہے، ہمیں فلم دیکھ کر یہ سبق ملا کہ پریشانی میں مبتلا لوگوں کی مدد کرنا چاہئے۔

ممبئی: بالی ووڈ اداکار عمران ہاشمی کی نئی آنے والی فلم ’چیٹ انڈیا‘ کا ٹریلر ریلیز کردیا گیا۔

بھارتی میڈیا رپورٹس کے مطابق فلم چیٹ انڈیا میں اداکار عمران ہاشمی اپنی پچھلی فلموں سے کافی منفرد کردار ادا کررہے ہیں، فلم میں عمران ہاشمی کے ہمراہ مرکزی کردار شریا دھن ون ترے ادا کررہی ہیں۔

فلم کی کہانی تعلیمی نظام میں موجود نقل مافیا کے گرد گھومتی ہے جس نے تعلیمی نظام کا بیڑہ غرق کررکھا ہے۔

عمران ہاشمی فلم میں نقل مافیا کے سرگرم کارکن کے طور پر دکھائی دیں گے، فلم کی کہانی سومک سین نے لکھی ہے جبکہ عمران ہاشمی پروڈکشن کمپنی ایلپسس انٹرٹینمنٹ نے فلم کو پروڈیوس کیا ہے۔

ٹریلر میں دیکھا جاسکتا ہے کہ عدالت میں عمران ہاشمی کو پیش کیا جاتا ہے تو جج سوال کرتے ہیں آپ نے طلبا کی زندگی برباد کردی جس پر عمران ہاشمی کہتے ہیں ’میں نے کسی کی زندگی برباد نہیں کی اگر میں کچھ امیر بچوں سے پیسے بنائے ہیں اور کچھ ضرورت مند ذہین طلبا کی جبیں بھری ہیں تو کچھ غلط نہیں کیا۔

مداحوں کی جانب سے ٹریلر کو پسند کیا گیا ہے اور عمران ہاشمی کے ڈائیلات کی تعریف کی ہے، ٹریلر اب تک یو ٹیوب پر 8 لاکھ سے زائد افراد دیکھ چکے ہیں۔

فلم چیٹ انڈیا اگلے ماہ 25 جنوری 2019 کو نمائش کے لیے پیش کی جائے گی۔

واضح رہے کہ اس سے قبل عمران ہاشمی جنت، جنت ٹو، مرڈر ٹو، بادشاہو اور اظہر جیسی کامیاب فلموں میں اداکاری کے جوہر دکھا چکے ہیں۔