پیر, جون 30, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 22659

حیدرآباد: مدرسے کے طالب علم پر تشدد کرنے والا معلم پولیس اہلکار نکلا، مقدمہ درج، ملزم گرفتار

کی طرف
نذیر شاہ
-
0

حیدرآباد: سندھ پولیس نے مدرسے کے طالب علم پر وحشیانہ تشدد کرنے والے معلم کی ویڈیو سوشل میڈیا پر وائرل ہونے کے بعد اُسے گرفتار کرلیا۔

تفصیلات کے مطابق حیدرآباد کے علاقے معصوم شاہ کالونی میں قائم ایک مدرسہ کے طالب پر معلم کے تشدد کی ویڈیو وائرل ہوئی تو آئی جی سندھ ڈاکٹرسید کلیم امام نے ایس ایس پی حیدرآباد سے کو تحقیقات کی ہدایت کرتے ہوئے فوری رپورٹ پیش کرنے کا حکم دیا۔

کینٹ پولیس نے کارروائی کرتے ہوئے معلم شبیر احمد ولد غلام حسین کو گرفتار کیا، تحقیقات کے دوران یہ بات بھی سامنے آئی کہ مدرسے کا استاد پولیس کانسٹیبل بھی ہے۔

ایس ایچ او کینٹ تھانے کے مطابق شبیر احمد کو گرفتار  کر کے والد کی مدعیت میں مقدمہ درج کرلیا گیا، ملزم مدرسے میں پڑھانے کی پارٹ ٹائم ملازمت کرتا ہے۔ طالب علم کے والد کی شکایت پر شبیر احمد کو نوکری سے بھی معطل کردیا گیا اور اب اُس کے خلاف محکمہ جاتی کارروائی عمل میں لائی جائے گی۔

ویڈیو سوشل میڈیا پر وائرل                                                                

قبل ازیں سوشل میڈیا پر ایک ویڈیو وائرل ہوئی تھی جس میں دیکھا جاسکتا تھا کہ معلوم مدرسے کے طالب علموں پر پائپ سے تشدد کررہا ہے۔

ویڈیو بنانے والے شخص نے معلم کو روکنے کی کوشش کی تو اُس نے بجائے بات کو سمجھنے کے الٹا اپنے ظلم کا دفاع کیا اور کہا کہ ’ہم بھی ایسے ہی پڑھے ہیں اور ان بچوں کے والدین کو مار پیٹ کا علم ہے‘۔

دوسری جانب وزیراعلیٰ سندھ سید مراد علی شاہ نے واقعے کا نوٹس لیتے ہوئے معلم کے خلاف سخت کارروائی کی ہدایت کی اور کہا کہ ’صوبائی حکومت بچوں پر کسی بھی صورت تشدد برداشت نہیں کرے گی‘۔

https://www.facebook.com/arystories/videos/589238964823659/

شہباز اور ن لیگ بلیک میلر ہیں، راناثناء کو سانحہ ماڈل ٹاؤن پر گرفتار کرنا چاہیے، فواد چوہدری

کی طرف
ویب ڈیسک
-
0

جہلم : وفاقی وزیر اطلاعات فواد چوہدری نے کہا ہے کہ شہباز شریف اور ن لیگ بلیک میلر ہے، راناثناءاللہ کو سب سے پہلے سانحہ ماڈل ٹاؤن پر گرفتار کرنا چاہیے، بہت جلد میاں صاحب دوبارہ جیل میں ہوں گے۔

ان خیالات کا اظہار انہوں نے جہلم میں میڈیا کے نمائندوں سے گفتگو کرتے ہوئے کیا۔ فواد چوہدری نے کہا کہ حکومت نے ایک بار پھر چیئرمین پی اے سی کیلئے اپوزیشن کا ساتھ دیا، پی اے سی کے قیام کیلئے اپوزیشن غیرجمہوری ہتھکنڈوں سے پارلیمانی امور میں تعاون نہیں کررہی۔

انہوں نے کہاکہ اپوزیشن نے آج پھر سعد رفیق کے پروڈکشن آرڈر کے بہانے سے اسمبلی سے واک آؤٹ کیا، حزب اختلاف کے نمائندے  غیرجمہوری ہتھکنڈےاستعمال کرر ہے ہیں، ان لوگوں کو جتنی بھی سہولت دے دیں یہ پھر بھی باز نہیں آئیں گے، اسپیکر دیکھنا چاہتے ہیں کہ سعد رفیق کے پروڈکشن آرڈر جاری ہوسکتے ہیں یا نہیں۔

 اپوزیشن کا ایجنڈا ہے کسی نہ کسی طریقے سے مقدمات سے جان چھڑائی جائے، اپوزیشن کے لوگ نیب اور حکومت پر 24گھنٹے دباؤ ڈال کر این آر او لینا چاہتے ہیں، وزیراعظم پہلے دن اسمبلی آئے تو اپوزیشن نے تقریر سے روکا گیا۔

ایک سوال کے جواب میں فوادچوہدری کا کہنا تھا کہ راناثناءاللہ کو سب سے پہلے سانحہ ماڈل ٹاؤن پر گرفتار کرنا چاہیے، ریفرنسز آخری مرحلے میں ہیں، جلد میاں صاحب دوبارہ جیل میں ہوں گے، نوازشریف اور آصف زرداری اپنا پیسہ بچانے کیلئے شور کررہے ہیں، نواز شریف، آصف زرداری اپنی کرپشن کا پیسہ چھپانے کے لئے گرج رہے ہیں، سابقہ ن لیگ حکومت نے اداروں کا بیڑاغرق کرکےرکھ دیا ہے۔

نواز لیگ حکومت پر تنقید کرتے ہوئے انہوں نے کہا کہ نوازشریف نے جب اقتدار سنبھالا تو اس وقت گیس کا کوئی بحران نہیں تھا، جب انہوں نے اقتدار چھوڑا تو تب تک گیس سسٹم157ارب روپے کا مقروض ہوگیا تھا، کوئی ایسا محکمہ نہیں جہاں نواز اینڈ کمپنی نے ہاتھ رکھا ہو اور وہ برباد نہ ہوئے ہوں، ماضی کی حکومتوں نے خزانے میں کچھ چھوڑا ہی نہیں ہے ہم اینٹ سے اینٹ ملا کر واقعی نیا پاکستان بنا رہے ہیں۔

ان کا کہنا تھا کہ کم وولٹیج کے باعث نئی ڈسٹری بیوشن لائن ڈالی گئی ہے، کچھ روز میں بجلی کی لوڈشیڈنگ میں خاطر خواہ کمی آجائے گی، اس کے علاوہ وزیر خزانہ آج قطر کےدورے پر گئے ہیں، گیس بحران کے خاتمے کے لیے وزارت پیٹرولیم کام کررہی ہے جلد بحران ختم ہوجائے گا۔

فواد چوہدری کا کہنا تھا کہ پی ٹی آئی نے جو وعدے کئے ہیں اس پر قائم ہیں انہیں پورا کریں گے، احتساب کا عمل بلاتفریق ہورہا ہے، ہر جماعت کے لوگوں کی تحقیقات ہو رہی ہیں، پی ٹی آئی کبھی اقتدار میں نہیں رہی اس لئے ہمارا احتساب ابھی نہیں ہورہا، ن لیگ کو بڑے بڑے معاملے پر حساب دینا ہے، نواز اور شہباز شریف کی محبت میں چیخنے والوں کو پتہ ہے کہ ان کی باری بھی آنی ہے۔

انہوں نے کہا کہ شہباز شریف اور ان کی پارٹی بلیک میلر ہے، اس لیے اسمبلی نہیں چلنے دی جارہی، نیب میں چیئرمین سے لے کر چپڑاسی تک  لیگ دورحکومت میں بھرتی ہوئے، اپوزیشن روز رونا دھونا کرتی ہے جس سے قومی اسمبلی کا وقار مجروح کیا جارہا ہے، حکومت میں آتے ہی سینسر شپ پہلے دن سے ہٹادی تھی، اپوزیشن کو جو کوریج سرکاری ٹی وی پر مل رہی ہے وہ پہلے نہیں تھی۔

خاتون کو ہراساں‌ کرنے والے شخص کے خلاف مقدمہ درج

کی طرف
ویب ڈیسک
-
0

اسلام آباد: خاتون کو  ہراساں کرنے والے  شخص کے خلاف قانون نافذ کرنے والے ادارے حرکت میں آگئے، پولیس نے ملزم کے گھر چھاپا مارا ہے۔

تفصیلات کے مطابق سوشل میڈیا پر وائرل ہونے والے ویڈیو میں‌ موجود واصف عباسی نامی شخص کے خلاف تھانہ رمنہ میں مقدمہ درج کر لیا گیا.

ویڈیو میں ملزم خاتون پر اسلحہ تان کر  اسے ڈراتے دھمکاتے اور پر تشدد کرتے ہوئے دیکھا جاسکتا ہے. ویڈیو آج صبح‌ سوشل میڈیا پر وائرل ہوئی، جس پر عوام کی جانب سے شدید ردعمل آیا.

جلد ہی ویڈیو فیس بک اور اور ٹویٹر سے ہوتی ہوئی میڈیا میں پہنچ گئی، ویڈیو  وزیر داخلہ اور  پولیس حکام تک پہنچی، سی پی او  راولپنڈی نے واقعے کا نوٹس لے لیا۔

مزید پڑھیں: سعودی عرب میں گرفتار رضاکاروں پر تشدد اور جنسی ہراساں کیا جاتا ہے، ایمنسٹی انٹرنیشنل کا الزام

خاتون کی درخواست پرملزم کے خلاف مقدمہ درج کیا گیا ہے، خاتون نے موقف اختیار کیا ہے کہ اسے ملزم سے شدید خطرہ لاحق ہے، خوف کی وجہ سے یونیورسٹی بھی نہیں‌ جا سکتی. خاتون کا کہنا تھا کہ نوجوان نے اسے شادی کا جھانسا دیا تھا۔

خاتون کی درخواست کے بعد پولیس نے ملزم کی گرفتاری کے لئے کوششیں شروع کردیں، اس کے گھر چھاپا مارا گیا۔

موصولہ اطلاعات کے مطابق ملزمان نے ایک گروپ بنا رکھا ہے، جس میں اسلام آباد اور راولپنڈی کے  اوباش نوجوان شامل ہیں، جن  میں سے دو نوجوان چوری کے کیس میں گرفتار  ہوچکے ہیں۔  اس گروپ میں منشیات فروشی کا بھی الزام ہے۔

’اب دیکھنا یہ ہے باکس آفس پر فواد خان کا راج ہوگا یا سلمان خان کا؟‘

کی طرف
ویب ڈیسک
-
0

ممبئی: بالی ووڈ کے نامور فلمی پنڈت ترن آدرش نے پیش گوئی کی ہے کہ پاکستانی اداکار فواد خان آئندہ برس سلمان خان کو ٹکر دینے والے ہیں۔

تفصیلات کے مطابق ترن آدرش نے سماجی رابطے کی ویب سائٹ پر ایک ٹویٹ کیا جس میں اُن کا کہنا تھا کہ ’سلمان خان بمقابلہ فواد خان، آئندہ سال عید پر پاکستان کی بڑی فلم مولا جٹ جبکہ سلمان خان کی بھارت ریلیز ہورہی ہے‘۔

اُن کا کہنا تھا کہ ’اب دیکھنا یہ ہے باکس آفس پر سلمان خان کا راج ہوگا یا فواد خان راج کرے گا‘۔

یاد رہے کہ معروف پاکستانی ہدایت کار بلال لاشاری کی میگا بجٹ فلم ’دی لیجنڈ مولا جٹ‘ عید الفطر کے موقع پر ریلیز ہوگی جس میں‌ فواد خان، حمزہ علی عباسی اور ماہرہ خان اداکاری کے جوہر دکھائیں گے۔

مزید پڑھیں: ماہرہ خان کی فلم کے ریلیز سے پہلے ہی چرچے، بالی وڈ کو بھی پیچھے چھوڑ دیا

’’دی لیجنڈ آف مولا جٹ‘‘ جنوبی ایشیاء کی پہلی فلم ہوگی جسے مقامی سینیماؤں کے ساتھ چین میں بھی بیک وقت ریلیز کیا جائے گا۔

فلم کی شوٹنگ مکمل ہوچکی جبکہ یہ ایڈیٹنگ کے مراحل میں ہے، جس کا ٹریلر جلد ریلیز ہونے کا امکان ہے۔ سن 70 کی دہائی میں فلم ’مولا جٹ‘ ریلیز کی گئی تھی جس کو مقبول ترین فلم کا اعزاز بھی ملا تھا۔

یہ بھی پڑھیں: ’واہگہ بارڈر‘ پر پاکستانی جھنڈا کیوں لہرایا؟ سلمان خان کا پرچہ کٹ گیا

دوسری جانب بالی ووڈ کے دبنگ خان اپنی نئی آنے والی فلم ’بھارت‘ می شوٹنگ میں مصروف ہیں جسے سال 2019 میں عیدالفطر کے موقع پر ریلیز کیا جائے گا۔ بھارت کی ہدایت کاری علی عباس کررہے ہیں جبکہ اس میں کترینہ کیف سلمان خان کے مدمقابل کردار ادا کرتی نظر آئیں گی۔

سعودی عرب میں غیرملکیوں پر فیس لگے گی یا نہیں؟ جلد فیصلہ متوقع

کی طرف
ویب ڈیسک
-
0

ریاض: سعودی عرب میں غیرملکی ملازمین سے فیس وصول کی جارہی ہے تاہم اب غیرملکی ملکیوں سے فیس وصول کرنے کے فیصلے پر نظرثانی کی جارہی ہے۔

امریکی خبررساں ادارے بلومببرگ کے مطابق سعودی عرب کے متعلقہ نجی اداروں کے غیرملکی ملازمین پر مقرر فیس کے حوالے سے نظرثانی کررہے ہیں۔

[bs-quote quote=”غیرملکی کارکنان پر فیس پر کوئی نظرثانی نہیں ہورہی ہے” style=”style-6″ align=”left” author_name=”ڈاکٹر عواد االعواد” author_job=”وزیر اطلاعات”][/bs-quote]

بلومبرگ کی رپورٹ کے مطابق سعودی عرب کے 4 مختلف ذرائع سے رپورٹس ملی ہے کہ فیس کی مکمل منسوخی کا سوال ہی پیدا نہیں ہوتا، وزارتی کمیٹی غیرملکیوں پر فیس کے ڈھانچے پر نظرثانی یا ترمیم کا جائزہ لے رہی ہے۔

آئندہ چند ہفتے یا آئندہ سال کے آغاز پر اس پر کوئی نہ کوئی فیصلہ ہوجائے گا، بلومبرگ ذرائع کا یہ بھی کہنا تھا کہ غیرملکیوں پر فیس کا مقصد ریاست کی مالیاتی ضرورتوں اور نجی اداروں کے یہاں روزگار اور شرح نمو کی استعداد کے درمیان توازن پیدا کرنا ہے۔

رپورٹس کے مطابق ابھی تک کسی بھی غیرملکیوں کی فیس کے بارے میں کوئی اہم کام نہیں کیا۔

مزید پڑھیں: سعودی عرب: غیر ملکی باشندوں پر ٹیکس لگانا بہت نقصان دہ ہوگا، ماہرین

دوسری جانب سعودی بین الاقوامی رابطہ مرکز نے ای میل کے ذریعے بتایا ہے کہ وزیر اطلاعات و نشریات ڈاکٹر عواد العواد نے کہا ہے کہ غیرملکی کارکنان پر فیس پر کوئی نظرثانی نہیں ہورہی ہے۔

تاہم بلومبرگ کی رپورٹ کے مطابق آئندہ چند ہفتوں میں یہ واضح ہوجائے گا کہ غیرملکی ملازمین پر کتنی فیس لاگو ہوگی۔

شمالی وزیرستان میں اے ٹی ایم مشین نصب، سروس کا آغاز

کی طرف
ویب ڈیسک
-
0

میران شاہ: خیبرپختونخواہ کے قبائلی علاقے شمالی وزیرستان میں پہلی بار اے ٹی ایم مشین نصب کردی گئی۔

اطلاعات کے مطابق حکومت پاکستان کے ماتحت چلنے والے سرکاری بینک ’نیشنل بینک آف پاکستان‘ کی جانب سے شمالی وزیرستان کے علاقے میران شاہ میں اے ٹی ایم مشین نصب کر کے اس کا افتتاح کردیا گیا۔

اے ٹی ایم مشین میران شاہ بازار میں واقع تحمیل بلنڈنگ میں نصب کی گئی جس سے مقامی صارفین استفادہ کررہے ہیں۔ قبل ازیں میران شاہ کے مقامیوں کو بینک سے پیسے نکالنے کے لیے بنوں تک سفر کرنا پڑتا تھا۔

مقامی تاجروں اور شہریوں نے اے ٹی ایم مشین نصب ہونے پر حکومت اور سرکاری بینک کی انتظامیہ کا شکریہ ادا بھی کیا۔

مزید پڑھیں: دنیا کی بلند ترین اے ٹی ایم مشین پاکستان میں

شہریوں کا کہنا تھا کہ ’اب انہیں پیسے نکالنے کے لیے دوسرے شہروں میں نہیں جانا پڑے گا کیونکہ صرف بنوں تک کے سفر میں ہی تین سے چار گھنٹے درکار ہوتے تھے۔

یاد رہے کہ سن 2016 میں نیشنل بینک آف پاکستان نے دنیا کے بلند ترین مقامی پر اے ٹی ایم مشین نصب کر کے بینکنگ کی دنیا میں نیا اعزاز اپنے نام کیا تھا۔

سرکاری بینک کی جانے سے پاک چین سرحد سے متصل خنجراب کے علاقے میں یہ مشین لگائی تھی تھی جس سے تاجر استفادہ کررہے ہیں۔

درہ خنجراب پر نصب کی جانے والی یہ اے ٹی ایم مشین 4600 میٹر بلند یعنی کے سطح سمندر سے15091 فٹ کی اونچائی پر واقع ہے اسی وجہ سے اسے دنیا کی بلند ترین اے ٹی ایم مشین کا اعزاز بھی دیا گیا۔

یہ بھی پڑھیں: وزیراعظم عمران خان اورآرمی چیف میرانشاہ پہنچ گئے

یہ بھی یاد رہے کہ گزشتہ ماہ وزیراعظم عمران خان آرمی چیف آف اسٹاف جنرل قمر جاوید باجوہ کے ہمراہ میران شاہ کے دورے پر پہنچے تھے، اس موقع پر اُن کے ساتھ وزیراعلیٰ خیبرپختونخواہ محمود خان، وفاقی وزیر دفاع پرویز خٹک اور صوبائی وزیر اطلاعات شوکت یوسفزئی بھی تھے۔

وزیراعظم عمران خان اور پاک فوج کے سربراہ جنرل قمر جاوید باجوہ کو علاقے کی سیکیورٹی صورت حال، آپریشن، سماجی اور اقتصادی منصوبوں، ٹی ڈی پیز بحالی کے امور پربریفنگ دی گئی۔

واضح رہے کہ 2 اکتوبر کو وزیراعظم عمران خان نے فاٹا سے منتخب ہونے والے اراکین قومی اسمبلی سے ملاقات کی تھی جس میں فاٹا انضمام، ترقیاتی منصوبوں اور قبائلی عوام کو درپیش مسائل پربات چیت کی گئی تھی۔

وزیراعظم عمران خان کا کہنا تھا کہ گزشتہ کئی دہائیوں سے قبائلی عوام نے بے شمار مشکلات برداشت کیں، قبائلی علاقوں کی تعمیروترقی حکومت کی اولین ترجیحات میں شامل ہے، کسی کو قبائلی عوام کا استحصال نہیں کرنے دیں گے۔

تین کروڑ 70 لاکھ پاکستانی بچے پولیو سے محفوظ ہوگئے

کی طرف
ویب ڈیسک
-
0

اسلام آباد: پاکستان کے تین کروڑ  70 لاکھ بچوں کی پولیو ویکسی نیشن مکمل ہوگئی.

تفصیلات کے مطابق پاکستان پولیو پروگرام کے جاری کردہ اعداد و شمار کے مطابق  ملک میں قومی انسدادپولیو مہم کامیابی سے جاری ہے.

[bs-quote quote=”حکومت ملک سے پولیو کے خاتمے کے لئے پرعزم ہے” style=”style-7″ align=”left” author_name=”پاکستان پولیو پروگرام”][/bs-quote]

اعداد و شمار کے مطابق تین کروڑ 70 لاکھ بچوں کی پولیو ویکسی نیشن کا مرحلہ طے ہوگیا، اس وقت کراچی، پشاور، کوئٹہ، پشین، قلعہ عبداللہ میں مہم جاری ہے.

پاکستان پولیو پروگرام کے مطابق پولیو ورکرز نے مہم میں بہترین کارکردگی کا مظاہرہ کیا اور پیشہ ورانہ انداز میں‌ ذمے داریاں‌ نبھائیں.

پاکستان پولیو پروگرام کے مطابق مہم میں رہ جانے والےبچوں کو قطرے پلائے جارہے ہیں، حکومت ملک سے پولیو کے خاتمے کے لئے پرعزم ہے.

مزید پڑھیں: آگے آئیں اور پاکستان کو پولیو فری بنائیں: وزیر اعظم

انتظامیہ کی جانب سے والدین بچوں کو پولیو سے بچاؤ کے قطرے ضرور پلائیں اور ورکرز سے تعاون کریں.

یاد رہے کہ 10 دسمبر 2018 کو وزیر اعظم پاکستان نے اپنے ایک بیان میں کہا تھا کہ ملک گیر انسداد پولیو مہم کا آغاز ہوچکا ہے، میں قوم سے کہتا ہوں کہ آگے آئیں، ذمے داری اٹھائیں اور پاکستان کو پولیو فری بنائیں.

سعودی عرب اہم اتحادی ہے، تنہا نہیں چھوڑ سکتے، امریکی وزیر خارجہ

کی طرف
ویب ڈیسک
-
0

واشنگٹن: امریکی وزیر خارجہ مائیک پومپیو نے کہا ہے کہ سعودی عرب اہم اتحادی ہے تنہا نہیں چھوڑ سکتے ہیں۔

غیرملکی خبررساں ادارے کے مطابق امریکی وزیر خارجہ مائیک پومپیو نے سعودی عرب کے ساتھ تعلقات کا دفاع کرتے ہوئے کہا کہ سعودیہ خطے میں امریکا کا اہم اتحادی ہے اور اسے تنہا نہیں چھوڑ سکتے۔

مائیک پومپیو نے استنبول میں سعودی قونصل خانے میں قتل ہونے والے صحافی جمال خاشقجی کے معاملے پر بات کرتے ہوئے کہا کہ خاشقجی کیس کی وجہ سے ہم سعودی عرب پر دباؤ نہیں ڈال سکتے۔

امریکی وزیر خارجہ نے خاشقجی کے قتل میں سعودی ولی عہد محمد بن سلمان کے ملوث ہونے کے امکانات کو مسترد کردیا اور کہا کہ ولی عہد کے بارے میں جتنی رپورٹس سامنے آئی ہیں ان میں کوئی سچائی نہیں۔

انہوں نے کہا کہ خاشقجی کیس کے باوجود امریکا سعودی ولی عہد کے ساتھ کام جاری رکھے گا۔

مزید پڑھیں: امریکی سینیٹ نے سعودی ولی عہد کو جمال خشوگی کےقتل کاذمہ دار ٹھہرادیا

مائیک پومپیو نے کہا کہ محمد بن سلمان کی اقتدار پر گرفت مضبوط ہے اور وہ امریکا کے اتحاد کے لیے بہت اہم ہیں۔

خیال رہے کہ امریکی وزیر خارجہ کا بیان ایسے وقت میں سامنے آیا ہے کہ جب امریکی سینیٹ میں قرارداد پاس ہوئی ہے جس میں خاشقجی قتل کا ذمہ دار سعودی ولی عہد محمد بن سلمان کو قرار دیا گیا ہے۔

خیال رہے کہ 2 اکتوبر میں سعودی صحافی جمال خاشقجی استنبول میں سعودی سفارت خانے گئے تھے جہاں انہیں قتل کردیا گیا تھا۔

بیس اکتوبر کو سعودی عرب نے باضابطہ طور پر یہ اعتراف کیا تھا کہ صحافی جمال خاشقجی کو استنبول میں قائم سفارت خانے کے اندر جھگڑے کے دوران قتل کیا گیا۔

راج کپور کا 94واں یومِ پیدائش

کی طرف
ویب ڈیسک
-
0

ممبئی: پاکستان کے علاقے پشاور میں پیدا ہونے والے راج کپور کے مداح آج اُن کی 94ویں سالگرہ منارہے ہیں۔

تفصیلات کے مطابق 1935 میں بطور چائلڈ ایکٹر فلم نگری میں قدم رکھنے والے راج کپور کا اصل نام رنبیر راج تھا، آپ 14 دسمبر 1924 کو پرتھوی راج کپور کے گھر پیدا ہوئے۔

آپ کی پیدائش خیبرپختونخواہ کے دارالحکومت پشاور میں ہوئی، تقسیم برصغیر کے بعد آپ کے والد ممبئی تشریف لے گئے اور بقیہ زندگی پھر وہیں بسر کی۔

راج کپور نے صرف اداکاری ہی نہیں بلکہ اپنی صلاحیتوں کا لوہا بطور ڈائریکٹر اور پروڈیوسر بھی منوایا۔

بھارتی میڈیا رپورٹس کے مطابق آپ کے والد پرتھوی راج چونکہ خود بھی فلم ساز تھے تو آپ کے اندر بھی اداکاری کی صلاحیتیں بچن سے ہی موجود تھیں، صرف 6 سال کی عمر میں آپ نے اسٹیج پر پرفارم بھی کیا۔

مزید پڑھیں: معروف بھارتی اداکار راج کپورکی اہلیہ کرشنا راج کپور انتقال کرگئیں

ہندوستان منتقلی کے ایک سال بعد سن 1948 میں بطور ہدایت کار راج کپور نے فلم ’آگ‘ بنائی جس میں خود ہی ہیرو کا کردار ادا کیا، بعد ازاں آپ کی تیسری فلم ’آوارہ‘ کے نام سے ریلیز ہوئی جس کے بعد آپ نے شہریت کی بلندیوں کو چھوا۔

راج کپور نے بھارتی فلم انڈسٹری کو متعدد سپرہٹ فلمیں دیں جن میں ’آوارہ، برسات، شری 420، چوری چوری، جاگتے رہو‘ قابل ذکر ہیں۔ آپ کی دو فلمیں ’آوارہ‘ اور ’بوٹ پالش’ کو کنیز فلم فیسٹیول ایوارڈ کے لیے بھی نامزد کیا گیا۔

فلمی صنعت میں خدمات انجام دینے پر راج کپور کو 2 نیشنل فلم ایوارڈز، 9 فلم فیئر ایوارڈ دیے گئے، علاوہ ازیں آپ کو 1988 میں بھارت کا اعلیٰ ترین اعزاز ’دادا صاحب پھالکے‘ بھی دیا گیا۔

یہ بھی پڑھیں: دادی کی آخری رسومات میں مسکراہٹ، کرینہ کپور کے خلاف نیا محاز کھل گیا

سماجی ناانصافی پر تنقیدی نقطہ نظر سے روشنی ڈالنے والے اداکار و ہدایت کار 2 جون 1988 کو بھارت کے دارالحکومت میں طویل علالت کے بعد دنیائے فانی سے کوچ کرگئے تھے۔

راج کپور کی آخری فلم ’حنا‘ تھی جو اُن کے انتقال کے بعد ریلیز ہوئی اس فلم کو بھی بہت پذیرائی ملی تھی۔

ایشیا کپ کی میزبانی پاکستان کو ملنے پر بھارت کا واویلا

کی طرف
ویب ڈیسک
-
0

لاہور: ایشیا کپ 2020 کی میزبانی پاکستان کو ملنے پر بھارت نے واویلا شروع کردیا۔

تفصیلات کے مطابق ایشیا کپ ٹی ٹوینٹی 2020 کی میزبانی پاکستان کو ملنے پر بی سی سی آئی نے رونا شروع کردیا، بھارتی کرکٹ بورڈ کا کہنا ہے کہ پی سی بی وینیو تبدیل کرے پاکستان میں نہیں کھیلیں گے۔

بھارتی میڈیا کا دعویٰ ہے کہ بی سی سی آئی آفیشلز نے پی سی بی حکام کو ایشین کرکٹ کونسل کی میٹنگ میں وینیو تبدیل کرنے کا کہا ہے۔

دوسری جانب پی سی بی کا موقف ہے کہ سیکیورٹی معاملات میں کافی بہتری آئی ہے، 2020 میں ایشیا کپ کے انعقاد تک حالات مزید بہتر ہوجائیں گے اس لیے ایونٹ پاکستان میں ہی ہونا چاہئے۔

مزید پڑھیں: ایشیا کپ 2020 کی میزبانی پاکستان کو مل گئی

یاد رہے کہ بھارت نے رواں سال پاکستان ٹیم کی وجہ سے ایشیا کپ کی میزبانی سے انکار کردیا تھا، بعدازاں مقابلوں کا انعقاد یو اے ای میں کیا گیا تھا۔

اب بی سی سی آئی حکام کا مطالبہ ہے کہ پاکستان میں ایشیا کپ 2020 کو کسی دوسرے وینیو پر منعقد کرائے۔

خیال رہے کہ گزشتہ روز میزبانی پاکستان کو دینے کا فیصلہ ایشین کرکٹ کونسل کے اجلاس میں ہوا تھا، ایشیا کپ 2020 ستمبر میں کھیلا جائے گا۔

1...22,65822,65922,660...30,814صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025